Isaya 50:6 - Siswati 1996 Bible

⁶ Nganikela ngemhlane wami kulabo labebangishaya, ngabanika tihlatsi labo lababengidvonsa ngesilevu. Angizange ngibufihle buso bami ekuphukutweni nasekukhafulelweni ngematse.

Isaya 50:6 Referencias Cruzadas

Nehemiya 13:25

Ngabatsetsisa kamatima, ngaze ngabacalekisa. Ngavele ngawashaya lamanye alawo madvodza, ngaze ngawabamba ngetihlutfu. Ngabafungisa ngelibito laNkulunkulu, ngatsi: “Aniyikwendzisa emadvodzakati enu emajaheni abo, futsi nani ningawatsatseli emadvodzana enu bafati etintfombini tabo, nani futsi ningabatsatsi bafati kubo.

Jobe 16:10

Bantfu sebasitakele ngami, nguleyo ndvodza itisholo lekutsandzako ngami, banginhlakaya sihlatsi ngekungicoloshela, sebangakhele luzungu bahlangana ngami.

Jobe 30:10

Sebayangenyanya, bahambela khashane nami, abasesabi nekungikhafulela ebusweni.

Tihlabelelo 129:3

Balimi babelima emhlane wami, bembe lemikhulu imisele.

Tihlabelelo 69:7

Ngobe ngetfwele lihlazo ngenca yakho, buso bami sebumbonywe ngemahloni.

Tihlabelelo 69:8

Sengingumfokati emkhatsini wabomnaketfu, ngingumchamuki nakubantfwana baketfu.

Isaya 53:5

Kodvwa yagwazwa ngenca yetiphambuko tetfu, yafihlitwa ngenca yekona kwetfu, sijeziso saba setikwayo, kuze tsine sibe nekuthula; ngemanceba emivimbo yayo siyaphiliswa tsine.

Isaya 53:7

Yacindzetelwa, yahlushwa, kodvwa ayizange iwuvule umlomo wayo; yaba njengelizinyane lemvu leliyiswa ekuhlatjweni, nanjengemvu lebindzile embikwebahhuli bayo, nayo ayizange iwuvule umlomo wayo.

Sililo 3:30

Akaniketele sihlatsi sakhe kulowo longamshaya ngemphama, atseleke ngemahloni nangelihlazo.

Mikha 5:1

Bantfu baseJerusalema, butsanani ndzawonye! Sesivinjetelwe! Sebahlasela umholi waka-Israyeli!

Numeri 12:14

Simakadze watsi kuMosi: “Kube bekakhafulelwe nguyise ebusweni bakhe bekangetiletfwala yini lelihlazo lakhe emalanga lasikhombisa? Akavalelwe ngephandle kwenkambu ahlale khona emalanga lasikhombisa, kutawutsi emvakwaloko bese niyamngenisa-ke.”

Matewu 26:67

Base bamkhafulela ngematse ebusweni, bamhlukumeta kamatima, bammukula

Matewu 27:26

Philatu wase ubakhululela Bharaba; kepha Jesu asashayiwe wase umnikela kubo kutsi abetselwe esiphambanweni.

Matewu 27:30

Lamkhafulela ngematse, latsatsa lomhlanga, lamshaya enhloko.

Matewu 5:39

Kodvwa mine ngitsi kini: Ningamelani nalokubi; umuntfu nakakumukula esihlatsini sangesekudla, mnike nalesi lesinye.

Makho 14:65

Labanye bamkhafulela ngematse, bammbonya buso bakhe, bamshaya batsi: “Phrofetha!” Nabogadzi imbala bammukula.

Makho 15:19

Abehle amshaya enhloko ngendvuku yenhlangamlambo, amkhafulele ngematse, aguce embikwakhe amkhotsamele.

Johane 18:22

Asakhuluma loko Jesu, lomunye wabogadzi labesedvutane naye wammukula ngemphama watsi: “Uphendvula umPhristi Lomkhulu nawusho nje?”

KumaHebheru 12:2

emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.