Isaya 50:2 - Siswati 1996 Bible

² Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Isaya 50:2 Referencias Cruzadas

Genesisi 18:14

Kukhona yini lokungamehlula Simakadze? Njengobe sengishito, ngitawubuya la kuwe ngemnyaka lotako. Sara utawuba nendvodzana.”

2 Tikhronike 32:15

Ningavumi kuyengwa nguHezekiya, aze anedukise kanje. Ningamkholwa, ngobe kute namunye nkulunkulu ngisho ngukusiphi sive nome ngukumuphi umbuso loke wakhona kusindzisa sive sakhe esandleni sami, ngisho nasetandleni tabobabe. Ngako-ke lonkulunkulu wenu naye ngeke akhone kunisindzisa esandleni sami.”

Tihlabelelo 106:9

Wakhalimela Lwandle Lolubovu, lwasha, wabeweta ekujuleni kwalo, kwaba shangatsi bahamba ehlane.

Tihlabelelo 107:33

Imifula wayigucula yaba lihlane, tiyalu toma taba lubhubhushi,

Eksodusi 14:21

Mosi welula sandla sakhe wasengamisa etikwelwandle, Simakadze wakhweshisa emanti elwandle ngemoya lonemandla wasemphumalanga lowahhusha busuku bonkhe. Wenta lwandle lwaba ngumhlabatsi lowomile; emanti ehlukana ekhatsi.

Eksodusi 14:29

Kodvwa ema-Israyeli wona abewele emhlabatsini lowomile elwandle, futsi nemanti ajinge achubeka kuma tindvonga ngesekudla nangesancele.

Eksodusi 7:18

Tonkhe tinhlanti titakufa, bese lomfula unuka luvundze kangangobe emaGibhithe atakwehluleka ngisho nekunatsa emanti awo.’ ”

Eksodusi 7:21

Tinhlanti temfula tafa, iNayili yanuka luvundze kangangekutsi emaGibhithe ehluleka kuwanatsa emanti ayo. Live lonkhe laseGibhithe lagcwala ingati.

Taga 1:24

Njengobe nginimemetile nala kulalela, ngelula sandla sami nala kusibamba,

Isaya 11:15

Simakadze uyakomisa sihlenge selwandle lwaseGibhithe; uyakwelula sandla sakhe lesinemandla etikweYufrathe, ayihamule ngemoya loshisako. Lomfula uyakuwehlukanisa ekhatsi, ube ngimifula lesikhombisa, khona bantfu batekwewela bafake tincabule.

Isaya 19:5

Emanti emfula iNayili ayakusha ome, nekujula kwemfula kuyawukoma; yebo, kuyawusala kusebaleni.

Isaya 23:11

Simakadze welule sandla sakhe wasiphakamisela etikwelwandle, wenta imibuso yalo yatfutfumela, wayala namacondzana nelaseFenisiya, kutsi tinqaba tayo atibhujiswe.

Isaya 36:20

Ngumuphi kubo bonkhe labonkulunkulu balamave lowake wakhona kusindzisa live lakhe esandleni sami? Simakadze-ke yena angayisindzisa kanjani iJerusalema esandleni sami?”

Isaya 41:28

Ngiyabuka, kodvwa kute namunye, kute namunye emkhatsini wabo longeluleka, kute longaphendvula nangibabuta.

Isaya 42:15

Ngitawucitsa tintsaba nemagcuma, ngomise konkhe lokumila kuto, ngitawugucula imifula ibe tichingi, ngomise emachibi.

Isaya 43:16

Naku lokushiwo nguSimakadze, lowo lowavula indlela ekhatsi elwandle, wenta umkhondvo ekhatsi emantini lanemandla,

Isaya 44:27

Ngimi lokhuluma nekujula kwemanti atsi: ‘Yoma, ngitakomisa imifudlana yakho.’

Isaya 51:10

Kwakungesiwe yini lowa lowomisa lwandle, emanti alapho kushona khona kakhulu, lowenta umgwaco ekujuleni kwelwandle, kuze labahlengiwe bewelele ngesheya?

Isaya 54:6

Simakadze uyawukubita ubuye, kube shangatsi bewungumfati lolahliwe nalodzabukile emoyeni, umfati lowendza asemncane wabuye futsi waliwa,” kusho Nkulunkulu wakho.

Isaya 59:1

Nembala, ingalo yaSimakadze ayiyimfisha kangako kutsi ingete yasindzisa, nendlebe yakhe ayisiso sihhulu kutsi ingete yeva.

Isaya 59:16

Wabona kutsi kute muntfu, wamangala kakhulu ngekutsi kute namunye lomela kulunga, ngako ingalo yakhe yalwela insindziso yakhe, nekulunga kwakhe kwamsimamisa.

Isaya 63:13

“Uphi lowa lowabahola badzabula ekujuleni kwelwandle?” Njengelihhashi eveni lelibekile, abazange sebakhubatele.

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Isaya 65:12

ngiyawunimisela inkemba, nonkhe niyawukhotsamela kuhlatjwa, ngobe nganibita, kodvwa anizange nisabele, ngakhuluma, kodvwa anizange nilalele. Nenta lokubi emehlweni ami, nakhetsa loko lokungangijabulisi.”

Isaya 66:4

Ngako-ke nami ngiyawukhetsa kubaphatsa ngesandla lesicinile, ngehlisele etikwabo loko labakwesabako. Ngobe ngatsi nangimemeta, kwabate losabelako; ngatsi nangikhuluma, kwabate lolalelako. Benta lokubi emehlweni ami, bakhetsa loko lokungangijabulisi.”

Jeremiya 14:9

Wentelani kufanana nemuntfu lomangele, ube njengelisotja lelite emandla ekusindzisa? Awu Simakadze, wena usemkhatsini wetfu, tsine sibitwa ngeLibito lakho, ungasilahli!

Jeremiya 35:14

Jonadabi, umsa waRekhabi, wayala emadvodzana akhe kutsi angalinatsi liwayini, lowo myalo awugcinile. Kuze kube ngulamuhla akalinatsi liwayini, ngobe ahlonipha umyalo wakhokho wawo. Kodvwa mine sengikhulume kini emaphindzephindze, kodvwa nine anikangilaleli.

Jeremiya 35:15

Ngatfumela kini tonkhe tinceku tami baphrofethi emaphindzephindze. Babetsi: “Ngulowo nalowo kini kufanele atiyekele tindlela takhe letimbi, nijikise imihambo yenu. Ningacali nilandzele labanye bonkulunkulu kutsi nibakhonte. Nanenta njalo-ke, niyawuhlala kulelive lengalipha nine naboyihlo.” Kodvwa anikanginaki, futsi anikangilaleli.

Jeremiya 5:1

“Yehlani nenyuka etitaladini taseJerusalema, calatani ndzawo tonkhe nicabange kahle, phenyisisani tonkhe tinkhundla tayo. Naningakhandza nome munye nje umuntfu lowenta tintfo ngekwetsembeka, afune liciniso, ngitalitsetselela lelidolobha.

Jeremiya 7:13

Ngesikhatsi nenta tonkhe letintfo, bengikhuluma kini njalonjalo ngaletintfo, kodvwa anikangilaleli; nginibitile, kodvwa anikasabeli, kusho Simakadze.

Jeremiya 7:27

“Nawubatjela konkhe loku, bangeke bakulalele; nawubabita, bangeke basabele.

Jeremiya 8:6

Ngibalalele kahle hle, kodvwa abakhulumi lokulungile. Kute namunye lophendvukako ebubini bakhe, atibute, atsi: “Ngenteni kantsi?” Ngulowo nalowo utihambela ngendlela yakhe njengelihhashi nalihlasela ekulweni.

Danyela 3:15

Manje, naniva umsindvo wempalampala, newemntjingozi, newezitha, newelire, newehabhu, newetimveve, newato tonkhe tinhlobo tekuhlabela, nase nilungele kuwa nikhotsame kulesithico segolide lengisimisile, kulungile. Kodvwa naningasikhotsameli, nitawujikijelwa ngekushesha lokukhulu ekhatsi kulamalangabi emlilo lowesabekako nalohhumako. Ngumuphi-ke lowo nkulunkulu lotaba nemandla ekunephula esandleni sami?”

Danyela 3:29

“Ngako-ke sengikhipha umtsetfosimemetelo kutsi bonkhe bantfu bato tonkhe tive netilwimi labakhuluma lokuphambene naNkulunkulu waboShadraki, naMeshaki, na-Abednego abajutjwe batokwe babe ticucu, netindlu tabo tibhidlitwe tibe tindvundvuma tetimfuhlululu, ngobe kute lomunye nkulunkulu longasindzisa ngalendlela.”

Danyela 6:20

Yatsi kube ifike edvute nemgodzi wemabhubesi, yamemeta Danyela ngeliphimbo lelidzabukile, yatsi: “Danyela, nceku yaNkulukulu lophilako, loNkulunkulu wakho, lomkhonta njalonjalo, ukhonile yini kukulamlela emabhubesini?”

Danyela 6:27

Uyalamulelana abuye asindzise; wenta tibonakaliso netimangaliso emazulwini kanye nasemhlabeni. Ulamulele Danyela emandleni emabhubesi.”

Hoseya 11:2

Kodvwa ngatsi ngisachubeka kubita Israyeli, nabo bachubeka bakhwesha kimi. Banikela imihlatjelo kuboBhali, batfuncisela titfombe imphepho.

Hoseya 11:7

Bantfu bami batimisele kusuka kimi. Ngisho nome sebangambita Longetulu Kwako Konkhe, angeke abaphakamise ngisho nangayiphi indlela.

Nahume 1:4

Wekhuta lwandle, kome emanti alo; womisa yonkhe imifula yemanti. Tikhotsa taseBhashani tiyoma, iNtsaba iKhameli ihamuke, timbali taseLebanoni tibune.

Habakhuki 3:8

Awu, Simakadze, kungabe bewuyitfukutselele yini imifula? Kungabe lulaka lwakho belumelene nemifudlana yini? Walutfukutselela yini lwandle ngesikhatsi ugibele emahhashi akho, netincola takho tekuncoba?

Numeri 11:23

Simakadze waphendvula Mosi watsi: “Sandla saSimakadze sifishane yini? Utase ubone-ke kutsi loku lengikushoko kutakwenteka ngempela yini kuwe, nome cha!”

Makho 4:39

Wavuka wekhuta lomoya watsi kulolwandle: “Thula, utsi nya!” Umoya wakhawula khona lapho, kwathula kwatsi nya.

Johane 1:11

Weta kubakubo, kodvwa bantfu bakubo abazange bamemukele.

Johane 3:19

Kwehlulelwa ngiko loko kutsi: Kukhanya kutsi sekufikile emhlabeni, kepha bantfu babe batsandza bumnyama kunekukhanya, ngenca yemisebenti yabo lemibi.

Joshuwa 3:16

emanti labechamuka ngenhla kwabo ema tindvonga angabe asageleta. Ema aba tindvonga letindze letaze tefika edolobheni lekwakutsiwa yi-Adamu ngaseSarethani, kwatsi lawa labegeleta abheke entansi elwandle lwase-Arabha, Lwandle Lweluswayi, ancamuka. Ngako sive sonkhe sewela malungana neJerikho.