Isaya 5:7 - Siswati 1996 Bible

⁷ Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Isaya 5:7 Referencias Cruzadas

Genesisi 4:10

Simakadze watsi kuye: “Wenteni? Livi lengati yemnakenu liyakhala kimi, lisemhlabatsini.

2 Samuweli 7:10

Sive sami, ema-Israyeli, ngitasentela indzawo lenhle, ngisihlanyele khona kuze sibe nelikhaya laso, singaphindzi sikhatsateke. Bantfu lababi bangeke baphindze basihluphe sive njengobe bebenta ekucaleni,

Jobe 34:28

Babangela kutsi lokukhala kwalabamphofu kufike etindlebeni takhe, wadzimate wakuva kukhala kwalabeswele.

Tihlabelelo 147:11

Simakadze ujatjuliswa ngulabamesabako nalabetsemba umusa wakhe.

Tihlabelelo 149:4

Simakadze uyasijabulela sive sakhe, labatitfobako ubapha umchele wekuncoba.

Tihlabelelo 80:15

wona lowo mvini lowawuhlanyela ngesandla sakho sangesekudla, naleligala lotikhulisele lona.

Eksodusi 3:7

Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.

Taga 21:13

Umuntfu longafuni kulalela sikhalo salomphofu, naye angeke aphendvulwe nakakhalela lusito.

Umshumayeli 4:1

Ngaphindze ngabuka ngabona konkhe kucindzetelana lokwentiwako lapha ngaphansi kwemtfunti welilanga: Ngabona tinyembeti talabacindzetelwe, bate ngisho nemdvudvuti; emandla abengakubacindzeteli babo, kodvwa labo labacindzetelwe bate ngisho nemdvudvuti.

Ingoma Yetingoma 7:6

Maye, umuhle, kantsi futsi uyajabulisa, awu, sitsandvwa, ngebuhle bakho!

Isaya 1:21

Ase nibuke kutsi lelidolobha lebeletsembekile seligucuke laba yingwadla kanjani! Lona lake lagcwala umtsetfocotfo, belilikhaya lekulunga, kodvwa manje seligcwele babulali!

Isaya 1:6

Kusukela elutwaneni lwelunyawo lwenu kuze kuyewufika enhloko yenu, kute nakunye lokukahle, kugcwele emanceba, nemihuzuko, netilondza letikhamisile, lekungazange kugezwe nome kuboshwe kubuye kugcotjiswe ngemafutsa.

Isaya 27:2

Ngalelo langa: “Hlabelani ngesivini lesitselako.

Isaya 3:14

Simakadze ungena ekwehluleleni, wehlulela labadzala nebaholi besive sakhe, utsi: “Ngini lenicedze sivini sami, imphango leniyitsetse kulabamphofu igcwele etindlini tenu.

Isaya 3:15

Nisho kutsini ngalokupitjita sive sami, nigaye buso balabamphofu?” kusho iNkhosi, Simakadze longuSomandla.

Isaya 3:17

Ngako-ke Simakadze utawuveta tilondza etinhloko tebafati baseSiyoni; Simakadze utawucotfula tinhloko tabo, tibe timphandla.”

Isaya 30:12

Ngako-ke naku lokushiwo nguLongcwele waka-Israyeli, utsi: “Ngobe niwalile lomlayeto, netsembela kumcindzeteli, natesekela ngekuyengwa,

Isaya 46:12

Lalelani kimi, nine bonhlitiyo letinenkhani, nine lenikhashane nekulunga.

Isaya 5:2

Wasimba wesusa onkhe ematje kuso, wahlanyela kuso imivini yelikhetselo. Wakha umbhoshongo wekulindza ekhatsi kuso, wacopha nesikhamo seliwayini edvwaleni. Abetsembe kutsi sitawutsela emagelebisi lamahle, kodvwa satsela emagelebisi esiganga lamunyu.

Isaya 59:13

kuhlubuka nekumbulutela Simakadze, nekumfulatsela kwetfu Nkulunkulu wetfu. Sivusa umoya wencindzetelo newekuvuka indlwabane, tinhlitiyo tetfu temitse kukhuluma emanga.

Isaya 59:14

Ngako kwehlulela ngebucotfo kukhweshiselwe emuva, nekulunga kume khashane, liciniso likhubatele etindleleni, kwetsembeka akusangeni ndzawo.

Isaya 59:4

Kute kini lofuna umtsetfocotfo, kute lowehlulela ngebucotfo beliciniso. Bonkhe betsembele ekuphikisaneni kwelite, bakhuluma emanga, bemitsa inhlupho, batale bubi.

Isaya 62:5

Njengelijaha nalishada nentfombi, kanjalo-ke nemadvodzana akho ayawushada nawe; njengemyeni nakajabula ngamakoti wakhe, kanjalo-ke naNkulunkulu wakho uyawujabula ngawe.

Jeremiya 12:10

Belusi labanyenti bayawubhubhisa sivini sami, bagcobagcobe insimi yami. Batayigucula insimi yami lenhle, bayente umhlaba losigagadvu.

Jeremiya 24:2

Lesinye saletitja sasinemakhiwa lamahle kakhulu, afanana nalasheshe avutfwa. Lesinye sasinemakhiwa lamabi kakhulu, amabi kangangekutsi abengeke adleke.

Jeremiya 50:46

Umhlaba uyawutfutfumela ngemsindvo wekutfunjwa kweBhabhulona; kukhala kwayo kuyawuhokoma emkhatsini wetive.

Hezekeli 22:29

Bantfu bakulelive baphanga nekuphanga bagcekeze nekugcekeza; bacindzetela labamphofu nalabeswele, babaphatse kabi bekuhamba, bangabaphatsi ngekwemtsetfocotfo.

Hoseya 10:1

Israyeli abengumvini lowenabako watitselela yena titselo. Satsi sitselo sakhe sisandza, wakha emalati lamanye; latsi live lakhe lisatfutfuka, wahlobisa ematje akhe lakhontwako.

Mikha 6:12

“Bantfu bakini labatinjinga baphanga laba labamphofu, nani nonkhe ningulabacalemanga nalabakhohlisanako.

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Habakhuki 1:3

Wentelani kutsi ngibone bubi lobungaka? Ukubeketelelani kuhlushwa kwalabacindzetelekile? Imbhubhiso nebudlwangudlwangu busembikwami njalo; kukhona kulwa nekubanga lokunyenti.

Zefaniya 3:17

Simakadze Nkulunkulu wakho unawe, unemandla ekusindzisa. Uyawukujabulela kakhulu wena, uyawukupha kuthula ngelutsandvo lwakhe; uyawukujabulela ngekuhlabela.”

Matewu 23:23

“Maye kini, bafundzisi bemtsetfo nebaFarisi! Batentisi! Ngobe nikhipha kwelishumi kwashaladi, napelepele, nelidile, niyekele lokungukona kubalulekile kwemtsetfo: kwehlulela, bubele, nekukholwa; loko benifanele kukwenta ngaphandle kwekuyekela loku.

Lukha 18:7

Pho, Nkulunkulu utakwehlulwa yini kubevela labakhetsiwe bakhe, labakhala kuye imini nebusuku bacela lusito? Uyawubina yini ekubasiteni?

Johane 15:2

Onkhe emagala lakimi langatseli titselo uyawajuba. Onkhe emagala latsela titselo uyawatsena, kuze atewutsela kakhulu.

Dutheronomi 15:9

Nicaphele kutsi ningawufukameli lomcabango lomubi lotsi: ‘Umnyaka wesikhombisa lekungumnyaka wekwesulwa kwetikwelede sewusondzele,’ nize nikhombise inhlitiyo lembi kumnakenu lonesidzingo ngekungamniki lutfo. Ngobe angahle akhale ngani kuSimakadze, bese-ke nine nitfolakala ninelicala lesono.

YaJakobe 5:4

Ase nibuke la, emaholo etisebenti letavuna emasimi enu leniwagodlile ayanimangalela anilahle ngelicala; nekukhala kwebavuni sekungenile etindlebeni teNkhosi Sebawothi.