Isaya 5:29 - Siswati 1996 Bible

²⁹ Kubhodla kwabo kufanana nekwemabhubesi, yebo, babhodla njengemabhubesi lamancane, atsi ahhonga abe abamba imphango yawo, ayetfwale ahambe nayo kubete longayisindzisa.

Isaya 5:29 Referencias Cruzadas

Genesisi 49:9

Juda ufanana neliwundlu lelibhubesi, ndvodzana yami, usukile enyamataneni loyibulele wabuyela esikhundleni sakho, waguca, walala njengelibhubesi nanjengelibhubesikati, ngubani nje longahle akucale?

Tihlabelelo 50:22

“Caphelani loku nine lenedzelela Nkulunkulu, funa nginiklebhuklebhule, kubete nalongahle aniphephise.

Isaya 10:6

Ngilitfumela esiveni lesingenaNkulunkulu, ngilikhiphele kubantfu labangitfukutselisako, kutsi lihlutfule imphango, litsatse lokuphangiwe, nekutsi libagcobagcobe phansi njengeludzaka lwendlela.

Isaya 31:4

Naku-ke lokushiwo nguSimakadze kimi, utsi: “Njengobe libhubesi lihhonga, libhubesi lelikhulu, nalibambe inyamatane yalo, ngisho nome sekuhlatjwa umkhosi kubitwa belusi labanyenti kutsi batekulwa nalo, aletfuswa kumemeta kwabo, futsi aliphatanyiswa ngulomsindvo wabo, kanjalo-ke naSimakadze longuSomandla uyakwehlela esicongcweni seNtsaba iSiyoni kutsi atekulwa imphi.

Isaya 35:9

Kuyawubate libhubesi lapho, kute ngisho nesilwane lesinelulaka, lesiyawutfolakala kuwo. Kodvwa ngulabahlengiwe bodvwa labayawuhamba kulowo mgwaco,

Isaya 42:22

Kodvwa lesi sive lesiphangiwe sabuye sahlutjulwa, bonkhe babambeke emigodzini nome bafihlakele emajele. Sebayimphango, kute nalongabephula; bentiwe baba yimphango, kwabate nalotsi: “Bancandzeni.”

Isaya 47:15

Nguloko nje kuphela labangakwentela kona, labo lebewushikashikeka nabo, solomane uhambisene nabo kusukela ebuntfwaneni. Ngulowo nalowo atichubekela ngekwakakhe kona; kute namunye longakusindzisa.”

Jeremiya 2:15

Emabhubesi abhodlile, amhhongela. Live lakhe alente laba lihlane lelingenalutfo, emadolobha akhe ashisiwe, asala akhala libhungane.

Jeremiya 4:7

Libhubesi liphumile emhumeni walo; umbhubhisi wetive sewuphumele ngephandle. Selisukile endzaweni yalo, litewuphundla lelive lenu. Emadolobha enu atawuba tindzala, abete bantfu labahlala kuwo.

Jeremiya 49:19

“Njengelibhubesi nalichamuka emahlatsini aseJordane liya eveni lelinemadlelo laluhlata, ngiyawubatuma base-Edomu, ngibacoshe eveni labo. Ngubani lokhetsiwe, lengiyawumbekela loku? Ngubani lonjengami? Kona nje ngubani longangicela insayeya? Ngumuphi umelusi longamelana nami?

Jeremiya 50:17

“Israyeli unjengemhlambi wetimvu letisakatekile ticoshwe ngemabhubesi. Lekucala lelamudla kwaba yinkhosi yase-Asiriya; lekugcina lelabhoba ematsambo akhe, kwaba nguNebukhadnezari, inkhosi yaseBhabhulona.”

Jeremiya 51:38

Bantfu bakhona bonkhe babhodla njengemabhubesi lasemancane, bayahhonga njengemankhonyane emabhubesi.

Hoseya 11:10

Bayawulandzela Simakadze; uyawubhodla njengelibhubesi. Nakabhodla, bantfwabakhe bayawuta batfutfumela, bachamuka ngasenshonalanga.

Amose 3:8

Nakubhodla libhubesi, ngubani longahlala angesabi? INkhosi Simakadze seyikhulumile, ngubani longahlala angaphrofethi?

Mikha 5:8

Insali yema-Israyeli iyakubasemkhatsini wetive letinyenti, ifanane nelibhubesi lelitingela ehlatsini noma edlelweni: Lisuka lingene emkhatsini wetimvu, litisukele litidzabudzabule ticucwana, litsemba lato lekusindza lingabikho.

Nahume 2:11

Seliphi-ke nyalo lelidolobha lebelingumhume wemabhubesi, indzawo lapho abebondlela khona bantfwabawo, lapho emabhubesi lamadvuna nalamasikati abeshangashanga khona, nebantfwabawo awakhulisela khona, angesabi lutfo?

Zefaniya 3:3

Tiphatsimandla talo tingemabhubesi labhodlako, tikhulu talo titimphisi takusihlwa, letingashiyi lutfo lwangakusasa ekuseni.

Zakhariya 11:3

Lalelani kulila kwebelusi betimvu, emadlelo abo laluhlata asabhujisiwe. Lalelani kubhodla kwemabhubesi; lomenakati welihlatsi laseJordane ubhujisiwe.

Numeri 24:9

Njengelibhubesi bayahoshoba bacambalale phansi, yebo, nanjengelibhubesi lelisikati, ngubani nje longacala abavuse? “Ababusiswe labo labakubusisako, bacalekiswe labo labakucalekisako!”