Isaya 5:22 - Siswati 1996 Bible

²² Maye kulabo labangemachawe ekunatseni liwayini, nakulabo labangemachawe ekudidiyeleni sinatfo lesinemandla,

Isaya 5:22 Referencias Cruzadas

1 Emakhosi 20:16

Baphuma emini kuyawuhlasela ngesikhatsi Bheni Hadadi nalamakhosi langema-32 labemsita, baselibele kutinklinkla ngetjwala emathendeni abo.

Eksodusi 23:8

Ungadizelwa, ngobe kudizelwa kwenta bantfu bavaleke emehlo bangete babone, kuphambukise labacotfo ekukhulumeni liciniso.

Taga 20:1

Liwayini lenta umuntfu abe sidvwaladvwala, abange nemsindvo. Kute umuntfu lotiphatsa kahle nasadzakiwe.

Taga 23:29

Ngubani lotsi: “Maye?” Ngubani lonelusizi? Ngubani lonenkhani? Ngubani lokhononako? Ngubani lonemanceba nemihuzuko ngelite? Ngubani lonemehlo labovu?

Taga 31:4

Lalela-ke, Lemuweli: Emakhosi kufanele angalinatsi liwayini nome ngabe yini lokudzakanako.

Taga 31:5

Nase banatsa bayayikhohlwa lemitsetfo lebekiwe, bese bakhohlwa emalungelo alabacindzetelwe.

Isaya 22:13

Kodvwa bukani, kuyajatjulwa kubuswe, kuhlatjwa tinkhomo netimvu, yebo, kudliwa inyama, kunatfwe liwayini! Nitsi: “Asidle, sinatse, ngobe kusasa sitakufa!”

Isaya 24:9

Liwayini abasalinatsi ngengoma, tjwala sebuyababa kubanatsi babo.

Isaya 28:7

Nabo labo bayayendza ngenca yeliwayini, babhadzatele ngenca yetjwala, baphristi nebaphrofethi bayayendza ngenca yetjwala, basangene ingcondvo ngenca yeliwayini, badzayiteliswa tjwala, bayayendza nababona imibono, bayakhubatela nabakhipha tincumo.

Isaya 5:11

Maye kulabo labavuka ekuseni ngeluvivi bagijimele etinatfweni letidzakanako, batihlalele kuze kube ngusebusuku kakhulu, badzimate behlulwe nguleliwayini labo.

Isaya 56:12

Ngulowo nalowo uyatikhalela atsi: “Wotani, ngitalilandza liwayini! Asinatseni tjwala njengekutsandza kwetfu! Likusasa nalo litawuba njengalamuhla, nome-ke libe ncono kakhulu!”

Habakhuki 2:15

“Maye kulowo muntfu lonatsisa bomakhelwane bakhe tjwala, abutfululele kuso sikhumbasikhwama, banatse baze badzakwe, entele kutsi atewubukela imitimba yabo nase bangcunu.