Isaya 5:2 - Siswati 1996 Bible

² Wasimba wesusa onkhe ematje kuso, wahlanyela kuso imivini yelikhetselo. Wakha umbhoshongo wekulindza ekhatsi kuso, wacopha nesikhamo seliwayini edvwaleni. Abetsembe kutsi sitawutsela emagelebisi lamahle, kodvwa satsela emagelebisi esiganga lamunyu.

Isaya 5:2 Referencias Cruzadas

2 Samuweli 7:10

Sive sami, ema-Israyeli, ngitasentela indzawo lenhle, ngisihlanyele khona kuze sibe nelikhaya laso, singaphindzi sikhatsateke. Bantfu lababi bangeke baphindze basihluphe sive njengobe bebenta ekucaleni,

Nehemiya 13:15

Ngalawo malanga ngabona emadvodza akaJuda agcobagcoba litje lekuhlutela emagelebisi ngelilanga leliSabatha, bangenisa lokutinhlavu bakwetjatsisa timbongolo, batetfwesa neliwayini, nemagelebisi, nemakhiwa, nayo yonkhe nje leminye imitfwalo. Konkhe loko babekumikisa eJerusalema kuliSabatha. Ngako ngabadvonsa ngendlebe kutsi bangabokutsengisa kudla ngelilanga leliSabatha.

Tihlabelelo 80:8

Wazuphuna umvini eGibhithe, wacosha tive, wase uwuhlanyela eveni lato.

Tihlabelelo 80:9

Wawulungisela umhlaba wekuhlanyela, wakhula, wajula, wenaba, wagcwala live.

Eksodusi 33:16

Nawungahambi natsi, kutawubonakala kanjani kutsi ngizuze umusa emehlweni akho, mine nalesive sakho? Kuhamba kwakho nami nalesive sakho ngiko lokufanele kusente sehluke emkhatsini wetive tonkhe temhlaba.”

Isaya 1:8

INdvodzakati yaseSiyoni seyisele njengendlu yekukhosela esivinini, nanjengelichugwana ensimini yemajoti, yebo, njengelidolobha lelivinjetelwe.

Isaya 5:7

Phela, sivini saSimakadze longuSomandla yindlu yaka-Israyeli, kantsi sive sakaJuda sona sititfombo tekujabula kwakhe. Abebheke umtsetfocotfo, kodvwa wakhandza kucitfwa kwengati, wabheka kulunga, kodvwa weva kukhala kwelusizi.

Jeremiya 11:17

Simakadze Somandla lowakuhlanyela, sewukumisele inhlekelele, ngobe indlu yaka-Israyeli nendlu yakaJuda tente lokubi tangicunula, ngatfukutsela ngekutfuncisa kwato imphepho kuBhali.

Jeremiya 2:21

Bengikuhlanyele njengemvini welikhetselo, weluhlobo lolucinile nalolwetsembekile. Pho, ungigucukele kanjani lokutsi bese uba ngumvini lokhohlakele longewesiganga?

Hoseya 10:1

Israyeli abengumvini lowenabako watitselela yena titselo. Satsi sitselo sakhe sisandza, wakha emalati lamanye; latsi live lakhe lisatfutfuka, wahlobisa ematje akhe lakhontwako.

Mikha 4:8

Nawe Jerusalema, njengobe bewuyinqaba yekulondvolota umhlambi wakho, wena ntsaba yaseSiyoni uyawuphindza futsi ube yinhlokodolobha yalowo mbuso, lowawuvele ungiyo.

Numeri 23:9

Ngiyababona loku ngilapha esicongweni sentsaba lesilidvwala. Yebo, ngiyababona loku ngilapha etulu ekuphakameni, ngibasinga umkhanya. Ngababona basive lesitihlalela sodvwa, sitehlukanise naletinye tive.

Matewu 21:19

Wabona umkhiwa lowawuwodvwa eceleni kwendlela, wenyukela kuwo, kodvwa akatfolanga lutfo kuwo ngaphandle kwemacembe. Ngako wase utsi kuwo: “Akungabe kusavela sitselo kuwe!” Ngekushesha umkhiwa wabuna.

Matewu 21:33

“Lalelani nangu lomunye umfanekiso: Kwake kwaba khona umlimi labenelipulazi. Wahlanyela sivini, wasibiyela ngelutsango, wemba umgodzi wekuhlutela emagelebisi etjeni, wakha nendlwana lesetulu yekulindza, wase uyasicashisa lesivini. Yena-ke wase uyahamba uya khashane.

Matewu 21:34

Kwatsi nasekufika sikhatsi sekuvuna emagelebisi, watfumela tisebenti takhe kuleto ticashi kutsi timlandzele incenye yesivuno lekuyakhe.

Makho 11:13

Wabona bucalu sihlahla semkhiwa sinemacembe, waya kuso ayewufuna emakhiwa. Watsi uyefika wakhandza kute, kungemacembe odvwa, ngobe bekungesiso sikhatsi semakhiwa.

Makho 12:1

Jesu wacala wakhuluma kubo ngemifanekiso watsi: “Bekukhona lenye indvodza leyahlanyela sivini sayo, yase iyasibiyela, ekhatsi kwaso yemba umgodzi wekuhlutela emagelebisi etjeni, yakha nenyango yekulindza; yase icashisa ngaso kubacashi, yona yahamba yaya kulelinye live.

Makho 12:2

Kwatsi nakufika sikhatsi sekuvuna, yatfumela sisebenti kulabacashi kutsi siyewuyilandzela sabelo sayo sesivuno.

KubaseRoma 9:4

Ema-Israyeli sive saNkulunkulu lasenta emadvodzana akhe. Wawanika sabelo ebukhosini bakhe, watenta nawo tivumelwane, wawanika umtsetfo, nendlela lengiyo yekukhonta ethempelini, wabapha netetsembiso.

1 kubaseKorinthe 9:7

Likhona yini lisotja lelake laya emphini ngetalo tindleko? Ngubani lohlanyela sivini angabe asatidla titselo taso? Ngubani lowelusa umhlambi wetinkhomo kodvwa angete aludla lubisi lwato?

Dutheronomi 32:6

Kungabe lena nguyona ndlela yini lenibonga ngayo kuSimakadze, nine sive lesilibele nalesingakahlakaniphi? Akusiyena yini longuyihlo, uMdali wenu, lowo lowanenta wanibumba?

Tikhulu 16:4

Kwatsi ngalesinye sikhatsi waganwa yintfombi yesigodzi saseSoreki, libito layo kutsiwa nguDelila.