Isaya 5:14 - Siswati 1996 Bible

¹⁴ Ngako-ke lithuna selandzise kakhulu kukhanuka kwalo kudla, selivule umlomo walo ngalokwengcile; bahlonishwa baso bayakwehlela khona kanye nabo bonkhe bantfu baso nabo bonkhe labajabulako babanga umsindvo lomkhulu.

Isaya 5:14 Referencias Cruzadas

Tihlabelelo 49:14

Banjengetimvu letimele kubulawa, babhekene nekufa. Labacotfo bayawubabusa ngemuso, tidvumbu tabo tibole ethuneni, balahlekelwe nangemakhaya abo.

Tihlabelelo 55:15

Titsa tami atitunywe kufa, tiye endzaweni yalabafile tisaphila, ngobe bubi busemakhaya nasetinhlitiyweni tabo.

Taga 1:12

Asibagwinye baphila baye endzaweni yalabafile, njengalabo labangena baye phansi ethuneni.

Taga 27:20

Njengobe emehlo emuntfu angeke eneliswe, kanjalo lithuna nekufa kungeke kweneliswe.

Taga 30:16

Lithuna, nemfati loyinyumba, nemhlabatsi lowomele imvula, nemlilo longacimeki.

Isaya 14:11

Bonkhe bukhatikhati bakho nekuhlabela kwemahabhu akho sekwehliselwe phansi endzaweni yalabafile; timphetfu setilicansi lakho, netibungu setisembatfo sakho.

Isaya 14:9

“Indzawo yalabafile ngaphansi nayo iyanyakata itsakasele kutsi ikuhlangabete nawuta kuyo. Lendzawo ivusa umoya walasebalala kutsi itekuvusela bonkhe labo bebabaholi emhlabeni, ibente basukume etihlalweni tabo tebukhosi bonkhe nalababengemakhosi etive.

Isaya 21:4

Inhlitiyo yami iyaphatamiseka, kwesaba kuyangitfutfumelisa; kuhlwa lebengiloku ngikufisa sekujike kwaba sesabiso kimi.

Isaya 24:8

Kutsakasa kwemafahlawane sekubindzisiwe, nemsindvo walabatijabulisako sewuthulisiwe, lihabhu lekutjakadvula selibindzile.

Isaya 30:33

IThofethi seyalungiswa kadzeni, yentiwa yalungela inkhosi. Umgodzi wayo wemlilo sewagujwa waba banti wabuye washona, kwatfotwa netinkhuni letinyenti temlilo; kuphefumula kwaSimakadze lokugeleta njengemfula wesibabule lesivutsako kuyakuyilumeka ivutse.

Hezekeli 7:12

“Sikhatsi sesifikile, lilanga selikhona. Lowo lotsengako akangajabuli, nalowo lotsengisako angadzabuki, ngobe lulaka lusetikwaso sonkhe lesicumbi.

Danyela 5:30

Ngabo bona lobo busuku Bhelshasari, inkhosi yemaBhabhulona, wagwazwa wafa.

Nahume 1:10

Bayawugigeleka bona emanyeveni, nasekudzakweni liwayini labo. Bayawushwabudzeleka njengemahlanga lomisiwe.

Habakhuki 2:5

Yebo, liwayini liyamyenga, ungumuntfu lotigcabhako, futsi akasenakuphumula. Njengobe ungugubhela kusakhe njengelidliza nanjengekufa akaze eneliseke, utibutsela kuye tonkhe tive, atfumbe bonkhe bantfu, babe bakhe.

Matewu 7:13

“Ngenani ngelisango lelincane, ngobe lisango libanti nendlela ibanti leyisa ekubhujisweni, banyenti labangena ngalo.

Lukha 17:27

Bonkhe bantfu bebadla, banatsa, bateka bafati, bendziswa, kwaze kwaba lilanga Nowa langena ngalo emkhunjini lana zamcolo wababulala bonkhe.

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;