Isaya 49:23 - Siswati 1996 Bible

²³ Emakhosi ayawuba bacizeli bakho, nemakhosikati awo amunyise bantfwabakho. Bayawuguca embikwakho, buso babo bubheke phansi emhlabatsini, bayawukhotsa lutfuli lwetinyawo takho ngelulwimi. Uyawube sewuyati-ke lapho kutsi mine nginguSimakadze. Labo labetsembela kimi bangeke bajabhiswe.”

Isaya 49:23 Referencias Cruzadas

Genesisi 27:29

Shangatsi tive tingasebenta wena, nemindeni ikukhotsamele. Ube yinkhosi kubomnakenu, emadvodzana enyoko akukhotsamele. Akacalekiswe lokucalekisako, abusiswe lokubusisako.”

Genesisi 43:26

Watsi kube efike ekhaya Josefa, bomnakabo base bangenisa tipho lababemphatsele tona batetfula kuye, bamkhotsama.

Tihlabelelo 138:4

Onkhe emakhosi emhlaba ayawukubonga wena, Simakadze, ngobe awevile emavi akho.

Tihlabelelo 25:3

Yebo, labo labetsembele kuwe kute namunye loyawuhlazeka; kepha bayawuhlazeka labo labakuhlubuka ngelite.

Tihlabelelo 34:22

Simakadze uyakuhlenga kuphila kwetinceku takhe, labakhosela kuye bangeke badliwe licala.

Tihlabelelo 68:31

Emancusa ayawuvela eGibhithe, naKushe atinikele kuNkulunkulu.

Tihlabelelo 69:6

Shangatsi labo labetsembele kuwe bangete behlelwa ngemahloni bajabhiswe ngenca yami. Hhawu, Simakadze, Nkulunkulu wemabandla, shangatsi labo labafuna wena bangete bahlazeka, badvumale ngenca yami, Nkulunkulu wema-Israyeli.

Eksodusi 6:7

Ngitanenta nibe sive sami, mine ngibe nguNkulunkulu wenu. Nine-ke niyawungati kutsi nginguSimakadze longuNkulunkulu wenu lowanikhipha ngaphansi kwelijoko laseGibhithe.

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Isaya 14:2

Tive tiyakuwatsatsa tiwamikise endzaweni yawo. Lababendlu yaka-Israyeli bayawutsatsa betive, babasebentise njengetigcili tabo letidvuna naletisikati eveni laSimakadze. Batfumbi babo bayawubenta batfunjwa babo, babuse etikwebacindzeteli babo.

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Isaya 26:8

Yebo, Simakadze, sihamba endleleni yemitsetfo yakho, silindzela wena; Libito lakho neludvumo lwakho ngutona tifiso tetinhlitiyo tetfu.

Isaya 29:22

Ngako-ke naku lokushiwo nguSimakadze lowahlenga Abrahama, macondzana nendlu yakaJakobe Simakadze utsi: “Jakobe akasayikuba nemahloni; nebuso babo abusayikuphaphatseka.

Isaya 41:20

kuze bantfu batewubona bati futsi, bacabange bese bayacondza kutsi sandla saSimakadze lesente loku, nekutsi Longcwele waka-Israyeli ukudalile loku.”

Isaya 43:10

Simakadze utsi: “Nine ma-Israyeli, nibofakazi bami kanye nenceku yami lengiyikhetsile, kuze nitewukwati nikholwe kimi, nicondze nekutsi mine Nginguye. Ngaphambi kwami kute nkulunkulu lowake wabunjwa, futsi kute loyawubuye abe khona emvakwami.

Isaya 45:14

Naku lokushiwo nguSimakadze, utsi: “Umkhicito waseGibhithe nalokuhwebiwe kwaseKushe, kanye nalawo maSeba, bantfu labadze, kuyawuta kuwe kube kwakho, Siyoni, bayawuhamba badzembuluka emvakwakho, bete kuwe baboshwe ngetinketane. Bayawukhotsama embikwakho bakuncenge, batsi: ‘Ngempela Nkulunkulu unani, futsi kute lomunye, kute lomunye Nkulunkulu.’ ”

Isaya 45:17

Kodvwa Israyeli uyawusindziswa nguSimakadze ngensindziso yaphakadze; ningeke nidliwe ngemahloni nome nihlazeke phakadze naphakadze.

Isaya 49:7

Naku lokushiwo nguSimakadze, uMhlengi, naLongcwele waka-Israyeli, kuye lowake wedzelelwa wenyanywa sive, kuyo inceku yebabusi, utsi: “Emakhosi ayawukubona asukume, tikhulu tiyawukubona tikhotsame, ngenca yaSimakadze lowetsembekile, Longcwele waka-Israyeli, lokukhetsile.”

Isaya 50:7

Ngobe iNkhosi Simakadze iyangisita, ngingeke ngihlazeke, ngijabhiswe. Ngaloko-ke sengacinisa buso bami, baze baba njengelitje lemlilo, futsi ngiyati kutsi ngeke ngihlazeke, ngijabhe.

Isaya 52:15

Ngako tive letinyenti tiyawumangala ngayo, nemakhosi ayawuvala imilomo yawo ngenca yayo, ngobe bayawukubona loko labangazange sebatjelwe ngako, naloko labangazange sebakuve bayawukucondza.”

Isaya 52:6

Ngako-ke sive sami siyawulati Libito lami. Ngalelo langa bayawukwati kutsi ngimi lowakusho loko kungakenteki. Yebo, ngimi.”

Isaya 60:14

Emadvodzana ebacindzeteli bakho ayawuta kuwe akhotsama, bonkhe laba labakwedzelelako bayawukhotsama etinyaweni takho, bayawukubita batsi uLidolobha laSimakadze, Siyoni waLongcwele waka-Israyeli.

Isaya 60:16

Uyawunatsa lubisi lwetive, umunyiswe emabeleni ebukhosi. Uyawube sewuyati-ke kutsi mine, Simakadze, nginguMsindzisi wakho, nekutsi Somandla wakaJakobe unguMhlengi wakho.

Isaya 60:3

Tive tiyawusondzela ekukhanyeni kwakho nemakhosi ete ebukhatikhatini bekusa kwakho.

Isaya 62:2

Tive tiyawukubona kulunga kwakho, nawo onkhe emakhosi abone emandla akho. Uyawubitwa ngelibito lelisha leliyawubekwa ngumlomo waSimakadze.

Isaya 64:4

Kusukela kadzenidzeni kute lowase weva, kute nendlebe leyase yeva, kute liso lelase labona lomunye Nkulunkulu ngaphandle kwakho, lomelela labo labalindzele yena.

Hezekeli 37:6

Ngitawuhlumisa imisipha kini, ngente inyama imile kini, nginembese ngesikhumba, ngitawufaka umphefumulo kini, nitawube seniyaphila. Ngulapho-ke niyawukwati khona kutsi mine nginguSimakadze.’ ”

Joweli 2:27

Niyawube seniyati kutsi ngika-Israyeli, nekutsi nginguSimakadze Nkulunkulu wenu, nekutsi futsi kute lomunye ngaphandle kwami. Sive sami singeke siphindze sihlazeke.”

Mikha 7:17

Tiyawuhuma phansi elutfulini njengetinyoka; tiyawuphuma etinqabeni tato titfutfumela ngenca yekwesaba. Ngekwesaba tiyawugucukela kuSimakadze longuNkulunkulu wetfu.

Numeri 11:12

Bemitfwa ngimi yini bonkhe labantfu? Batalwa ngimi yini, kutsi ungaze ungitjele kutsi angibagone ngemikhono njengesidzandzane nasiphetse luswane, ngize ngiyewubangenisa eveni lowaletsembisa bokhokho babo ngesifungo?

Matewu 25:16

“Masinyane lesi lesemukela lasihlanu sawatalisa, saze satfola lamanye lasihlanu.

KubaseRoma 10:11

UmBhalo utsi: “Umuntfu lokholwa kuye, angeke ajabhiswe.”

KubaseRoma 5:5

Litsemba alijabhisi, ngobe lutsandvo lwaNkulunkulu selutselwe etinhlitiyweni tetfu ngaMoya Longcwele, lesinikwe yena.

KubaseRoma 9:33

njengobe kubhaliwe kutsi: “Bheka, ngibeka eSiyoni litje lekukhubekisa nelidvwala lekuwisa; kepha lowo lokholwa kuye, angeke ajabhiswe.”

1 yaPhetro 2:6

Ngobe umBhalo utsi: “Ase nibuke, ngibeka eSiyoni litje lekusimisa indlu, lelikhetsiwe, naleliligugu. Lowo lokholwa kulo, angeke ajabhiswe.”

Sembulo 3:9

Lalela la, labo labalisinagoge laSathane, labatsi bangemaJuda babe bangesiwo, bacala emanga, ngitawubenta bete bakhotsame etinyaweni takho, baze babone kutsi wena ngikutsandzile.