Isaya 49:17 - Siswati 1996 Bible

¹⁷ Bantfwabakho bancandzeka ngekushesha, nalabo labakwenta lite nalabalwa nawe bayawukubalekela.

Isaya 49:17 Referencias Cruzadas

Ezra 1:5

Kwatsi baholi bemindeni yakaJuda neyakaBhenjamini, nebaphristi, nemaLevi, nabo bonkhe Nkulunkulu latsintsa tinhlitiyo tabo kutsi bahambe bayewulakha lithempeli laSimakadze, batilungiselela kwenyukela eJerusalema.

Nehemiya 2:17

Ngakhuluma kubo ngatsi: “Kambe niyayibona yini lenhlupheko lesikuyo ngekutsi iJerusalema ibhidlitwe nemasango ayo ashiswe ngemlilo? Wotani sitekwakha kabusha lubondza lweJerusalema kuze singabi nelihlazo.”

Tihlabelelo 137:3

Batfumbi betfu batsi asibahlabelele, nebagcilati betfu basiphukuta ngekutsi asihlabele tingoma tekujabula, batsi: “Ase nisihlabelele lenye yetingoma tenu taseSiyoni.”

Isaya 10:6

Ngilitfumela esiveni lesingenaNkulunkulu, ngilikhiphele kubantfu labangitfukutselisako, kutsi lihlutfule imphango, litsatse lokuphangiwe, nekutsi libagcobagcobe phansi njengeludzaka lwendlela.

Isaya 37:18

“Kuliciniso kona, Simakadze, kutsi emakhosi ase-Asiriya atibhubhisile tonkhe letive kanye nemave ato.

Isaya 49:19

“Naloku wawuhhihlitelwe phansi, wasala ebaleni, live lakho lasala lingasenamsebenti; nyalo-ke sewutawuba mncane kakhulu kubantfu bakho, nalabo labake bakudla bayawuba khashane kakhulu.

Isaya 51:13

kutsi ningakhohlwa Simakadze, uMenti wenu, loweneka emazulu, wabeka tisekelo temhlaba, kutsi seningahlala ngekutfutfumela onkhe emalanga ngenca yelulaka lwemcindzeteli, lotilungiselela kunibhubhisa? Ngobe lukuphi nje lulaka lwemcindzeteli?

Isaya 60:4

“Phakamisa emehlo akho, ucalate ubone: Bahlangane bonkhe bete kuwe, emadvodzana akho aphuma khashane, emadvodzakati akho wona etfwelwe ngemkhono.

Isaya 62:5

Njengelijaha nalishada nentfombi, kanjalo-ke nemadvodzana akho ayawushada nawe; njengemyeni nakajabula ngamakoti wakhe, kanjalo-ke naNkulunkulu wakho uyawujabula ngawe.

Hezekeli 28:24

“ ‘Bantfu baka-Israyeli abaseyikuba nabo bomakhelwane labanetinhlitiyo letedzelelako, labangemanyeva lanesitfozi nalacijile. Ngulapho-ke bayawukwati khona kutsi mine ngiyiNkhosi Simakadze.

Hezekeli 36:10

ngibuye ngandzise sibalo sebantfu kini, yebo yonkhe indlu yaka-Israyeli. Emadolobha ayawuphindze ahlalwe bantfu, netindzawo letibhidlitiwe takhiwe kabusha.