Isaya 49:10 - Siswati 1996 Bible

¹⁰ Abaseyikulamba, abaseyikoma; nekushisa kwaselugwadvule nekwelilanga akuseyikubashaya. Lowo lonesihawu nabo uyakubahola, abahambise ngasemitfonjeni yemanti.

Isaya 49:10 Referencias Cruzadas

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Isaya 25:4

Bewusiphephelo salabamphofu, siphephelo salabeswele elusizini lwabo, siphephelo sekuvikela etivunguvungwini, nemtfunti ekushiseni kwelilanga. Ngobe kuphefumula kwalabanelunya kufanana nesivunguvungu lesitimukula elubondzeni;

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Isaya 33:16

Ngulowo-ke umuntfu lotawuhlala ekuphakameni, losiphephelo sakhe kutawuba yinqaba yemadvwala. Uyakunikwa sinkhwa sakhe, angawesweli emanti ekunatsa.

Isaya 35:6

Labachutako bayawusuka emagonso njengenyamatane, nelulwimi lwesimungulu luyawumemeta ngenjabulo. Emanti ayawugeleta ehlane, kube nemifudlana elugwadvule.

Isaya 35:7

Sihlabatsi lesishisako siyawuba sitiba, umhlabatsi lowomile uphetfuke tiyalu. Nalapho kwake kwahlala timphungutja khona, kuyawumila tjani nemhlanga, kanye nemhlanga iphaphira.

Isaya 4:6

Uyawuba sivikelo nemtfunti emini nakushisa lilanga, kube yindzawo yekuphephela neyekukhosela esivunguvungwini nasemvuleni.

Isaya 40:11

Welusa umhlambi wakhe njengemelusi: Ugona emazinyane akhe ngemikhono yakhe, awasondzete edvutane nenhlitiyo yakhe; utihola kahle leto letinemazinyane.

Isaya 41:17

“Labamphofu nalabeswele batfungatsa emanti, kodvwa kute; tilwimi tabo tomile ngenca yekweswela emanti. Kodvwa mine Simakadze ngitabevela, mine, Nkulunkulu waka-Israyeli, ngingeke ngibashiye.

Isaya 43:19

Bukani la, ngenta intfo lensha! Manje seyiyavumbuka, aniyiboni yini? Ngenta indlela ehlane, nemifula eveni leligagadzekile.

Isaya 48:17

Naku lokushiwo nguSimakadze, uMhlengi wenu, Longcwele waka-Israyeli, utsi: “NginguSimakadze Nkulunkulu wenu, longuyena anifundzisa kutsi ngukuphi lokuncono kunako konkhe kini, lonilayela indlela lekufanele nihambe ngayo.

Isaya 48:21

Abazange sebome ngesikhatsi abahola ehlane; wabavulela emanti agobhota edvwaleni, wacheketa lidvwala, kwampompota emanti.

Isaya 51:14

Labo labatiboshwa batawukhululwa masinyane; bangeke bafele kulomgodzi welijele labo, futsi bangeke bakweswele kudla.

Isaya 52:12

Kodvwa ningeke nisuke ngekushesha, nome niphume njengalababalekako; ngobe Simakadze uyawuhamba embikwenu, Nkulunkulu wema-Israyeli uyawuba ngumvikeli wenu wangasemuva.

Isaya 54:10

Nome tintsaba tingatanyatanyiswa nemagcuma esuswe, noko lutsandvo lwami lolungapheli lengikutsandza ngalo, lungeke lutanyatanyiswe, nesivumelwane sami sekuthula singeke sisuswe,” kusho Simakadze lonesihawu kuwe.

Isaya 54:8

Ngemfutfo wentfukutselo yami ngakufihlela buso bami kwesikhashana, kodvwa ngemusa waphakadze ngiyawuba nesihawu kuwe,” kusho Simakadze uMhlengi wakho.

Isaya 58:11

Simakadze uyawukuhola njalo, uyakwenetisa tidzingo takho, eveni lapho libalele likhipha inhlanti emantini, uyakucinisa ematsambo akho. Uyawuba njengengadze leniseleke kahle, nanjengemtfombo lapho emanti akhona angomi.

Isaya 65:13

Ngako-ke naku lokushiwo yiNkhosi Simakadze, itsi: “Tinceku tami tiyawudla, kodvwa nine niyawulamba; tinceku tami tiyawunatsa, kodvwa nine niyawukoma; tinceku tami tiyawujabula, kodvwa nine niyawuhlazeka, nijabhe.

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Hezekeli 34:23

Ngiyawubeka etikwato umelusi abe munye, inceku yami Davide, yena uyawutinakekela; uyakuba ngumelusi wato, atinakekele.

Jona 4:8

Nakuphuma lilanga, Nkulunkulu walungisa umoya loshisako wasemphumalanga; lilanga lashaya enhloko yaJona, wadzimate waba nesiyeti, wafisa kufa; wase utsi: “Kuncono ngimane ngife kunekutsi ngiphile.”

Mikha 7:14

Simakadze, bani ngumelusi wesive sakho losikhetsile. Nome bantfu bakho bahlala babodvwa ehlane, kodvwa batungeletwe live lelivundzile. Abasukume batondle emadlelweni laneluhlata lolunyenti, eBhashani nakaGileyadi, njengobe babenta kadzenidzeni.

Matewu 5:6

Babusisiwe labalambele bomele kulunga, ngobe bayakwesutsiswa.

Johane 6:35

Jesu watsi kubo: “Mine ngisinkhwa sekuphila, lowo lota kimi, angeke alambe; nalowo lokholwa ngimi, angeke aphindze ome.