Isaya 48:9 - Siswati 1996 Bible

⁹ Ngenca yeLibito lami ngiyalwephutisa lulaka lwami, ngenca yeludvumo lwami ngiyalubamba, ngingalwehliseli kini, kuze ngingetikunicedza.

Isaya 48:9 Referencias Cruzadas

Tihlabelelo 106:8

Noko, Simakadze wabasindzisa, ngenca yelibito lakhe, kuze abonakalise emandla akhe lamakhulu.

Tihlabelelo 143:11

Ngenca yelibito lakho, Simakadze, ngigcinele imphilo yami; ngekulunga kwakho ngephule etinhluphekweni.

Tihlabelelo 25:11

Simakadze, ngenca yelibito lakho ngitsetselele kona kwami, ngobe kukhulu.

Tihlabelelo 78:38

Kodvwa yena waba nesihawu, watisibekela tono tabo, akazange ababhubhise abacedze. Kanyenti watibamba ekutfukutseleni kwakhe, akaluvusanga lonkhe lulaka lwakhe.

Tihlabelelo 79:9

Sisite, Nkulunkulu wensindziso yetfu, sisite ngenca yenkhatimulo yelibito lakho, sihlenge usitsetselele tono tetfu, ngenca yelibito lakho lelihloniphekile.

Taga 19:11

Umuntfu lonekucondza uyakubamba kutfukutsela kwakhe; nangabe umuntfu amkhuba, kuba ludvumo kuye kumtsetselela.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Isaya 37:35

“Ngitalivikela lelidolobha ngilisindzise, ngenca yami nangenca yenceku yami Davide.”

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Isaya 48:11

Ngenca yami, nangekwami ngiyakwenta loku. Ngingeke ngivume kutsi Libito lami lihlazeke. Ngingeke nginike lomunye inkhatimulo yami.”

Isaya 65:8

Naku lokushiwo nguSimakadze, utsi: “Njengobe kutfolakala luju lwemagelebisi esikhehleni semagelebisi, bantfu batsi: ‘Ungasibulali, kusekhona lokuhle kuso,’ ngitakwenta kanjalo nami ngenca yetinceku tami; ngingeke ngitibhubhise tonkhe.

Jeremiya 14:7

Nome tono tetfu tisilahla ngelicala, awu Simakadze, mane wente lutfo ngenca yeLibito lakho. Ngobe kuhlubuka kwetfu kukhulu, sonile kuwe.

Hezekeli 20:14

Kodvwa ngenca yeLibito lami, ngenta loko lokwakungaligcina lingakonakali emehlweni etive, leto lengangibakhiphe embikwato.

Hezekeli 20:22

Kodvwa ngasibamba sandla sami, nangenca yeLibito lami ngenta loko lokwakungaligcina lingakonakali emehlweni etive leto, lengangibakhiphe embikwato.

Hezekeli 20:44

Niyawube seniyati-ke kutsi mine nginguSimakadze, nase nginisukele nginiphetse matima, ngenca yeLibito lami, hhayi njengekwetindlela tenu letimbi, nangetento tenu temonakalo, ninendlu yaka-Israyeli, kusho iNkhosi Simakadze.’ ”

Hezekeli 20:9

Kodvwa ngenca yeLibito lami, ngenta loko lokwakungaligcina lingakonakali emehlweni etive labebahlala emkhatsini wato, nalengatembula embikwato kuma-Israyeli ngekubakhipha eveni laseGibhithe.

Hezekeli 36:21

Ngaphatseka kabi ngeLibito lami lelingcwele, lelahlanjalatwa yindlu yaka-Israyeli emkhatsini wetive, lapho bebaye khona.

Joshuwa 7:9

EmaKhenani kanye naletinye tive takuletive titakuva ngaloku, bese tiyasivimbetela tilitsanyele liphele nya libito letfu emhlabeni. Utakwenta njani-ke ngeLibito lakho lelikhulu kangaka?”

1 Samuweli 12:22

Ngenca yelibito lakhe lelikhulu Simakadze angeke asilahle sive sakhe, ngobe kwaba kuhle kuye Simakadze kutsi anente nibe bakhe.