Isaya 48:17 - Siswati 1996 Bible

¹⁷ Naku lokushiwo nguSimakadze, uMhlengi wenu, Longcwele waka-Israyeli, utsi: “NginguSimakadze Nkulunkulu wenu, longuyena anifundzisa kutsi ngukuphi lokuncono kunako konkhe kini, lonilayela indlela lekufanele nihambe ngayo.

Isaya 48:17 Referencias Cruzadas

Genesisi 24:48

Ngase ngikhotsamisa inhloko yami, ngakhuleka kuSimakadze, ngimbonga yena longuNkulunkulu wenkhosi yami Abrahama, ngobe angihole ngendlela lekungiyo sibili kutsi ngitewutsatsa lendvodzakati yesihlobo senkhosi yami itewuba ngumfati wendvodzana yayo.

1 Emakhosi 8:36

wena ubobe sewuyeva usezulwini lakho utsetselele sono setinceku takho, sive sakho, ema-Israyeli. Bafundzise indlela lelungile yekuphila, bese wehlisela imvula eveni labo, lowabapha lona bantfu bakho kutsi libe lifa labo.

Jobe 36:22

“Nkulunkulu uphakeme emandleni akhe, ngubani nje lofundzisa njengaye?

Tihlabelelo 25:12

Ngubani lowesaba Simakadze? Lowo uyawumfundzisa leyo ndlela, lekhetselwe yena.

Tihlabelelo 32:8

Simakadze utsi: “Mine ngiyawukufundzisa ngikukhombise indlela lofanele kuhamba ngayo, ngikweluleke, liso lami lingesuki kuwe.

Tihlabelelo 71:17

Yebo, Nkulunkulu, wangifundzisa kusukela ebusheni bami, kuze kube ngunyalo ngisayimemetela imisebenti yakho lemangalisako.

Tihlabelelo 73:24

uyawungihola ungicondzise ngeteluleko takho, ekugcineni uyawungikhatimulisa ebukhosini.

Isaya 2:3

Bantfu labanyenti bayawufika batsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe.” Ngobe umtsetfo uyawuphuma eSiyoni, livi laSimakadze liphume eJerusalema.

Isaya 28:9

“Ngubani yena lona lowetama kumfundzisa, uwuchazela bani wona lombiko wakhe? Kubantfwana labesusiwe yini elubisini lwabo, labo labavele balunyulwa nje emabeleni abonina?

Isaya 30:20

Naloku Simakadze anipha sinkhwa sekuhlupheka nje, nemanti etinhlungu, bafundzisi benu abasayikufihlakala, seniyakubabona ngemehlo enu enyama.

Isaya 30:21

Nome nijikela ngesekudla nome ngesancele, tindlebe tenu tiyakuva livi emvakwenu litsi: “Nansi indlela, hambani ngayo.”

Isaya 41:14

Ungesabi, wena mphetfu, Jakobe, awu, mntfwanyana, Israyeli, ngobe mine matfupha ngitakusita,” kusho Simakadze, uMhlengi wakho, Longcwele waka-Israyeli.

Isaya 43:14

Naku lokushiwo nguSimakadze, uMhlengi wenu, Longcwele waka-Israyeli, utsi: “Ngenca yenu ngitawutfumela eBhabhulona, ngibabuyise njengemambuka bonkhe baseBhabhulona, ngibabuyise ngemikhumbi lababetigabatisa ngayo.

Isaya 43:16

Naku lokushiwo nguSimakadze, lowo lowavula indlela ekhatsi elwandle, wenta umkhondvo ekhatsi emantini lanemandla,

Isaya 45:11

“Naku lokushiwo nguSimakadze, Longcwele waka-Israyeli, neMenti wakhe, utsi: Macondzana netintfo letitako, niyangibuta yini ngebantfwabami, nome ningibekele umtsetfo ngemsebenti wetandla tami?

Isaya 48:20

Sukani lapha eBhabhulona. Wabalekeleni emaBhabhulona. Kumemeteleni loku ngenjabulo lenkhulu, nikubabate, kutfumeleni emikhawulweni yemhlaba, nitsi: “Simakadze umhlengile Jakobe, inceku yakhe.”

Isaya 49:26

Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”

Isaya 49:7

Naku lokushiwo nguSimakadze, uMhlengi, naLongcwele waka-Israyeli, kuye lowake wedzelelwa wenyanywa sive, kuyo inceku yebabusi, utsi: “Emakhosi ayawukubona asukume, tikhulu tiyawukubona tikhotsame, ngenca yaSimakadze lowetsembekile, Longcwele waka-Israyeli, lokukhetsile.”

Isaya 54:13

“Bonkhe bantfu bakho bayawufundziswa nguSimakadze, inhlalakahle nekuthula kwebantfwana bakho kuyawuba kukhulu.

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Isaya 54:8

Ngemfutfo wentfukutselo yami ngakufihlela buso bami kwesikhashana, kodvwa ngemusa waphakadze ngiyawuba nesihawu kuwe,” kusho Simakadze uMhlengi wakho.

Jeremiya 6:16

Naku lokushiwo nguSimakadze, utsi: “Manini emahlanganweni etindlela, nibuke, butani tindlela takadzeni, butani kutsi nguyiphi indlela lelungile, bese nihamba ngayo, niyawutfola kuphumula kwemiphefumulo yenu. Kodvwa nine natsi: ‘Singeke sihambe ngayo.’

Mikha 4:2

Tive letinyenti tiyawufika titsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe. Ngobe umtsetfo uyawuphuma eSiyoni, livi laSimakadze liphume eJerusalema.”

Johane 6:45

Kubhaliwe kubaphrofethi kutsi: ‘Bonkhe bayawuba ngulabafundziswe nguNkulunkulu.’ Bonkhe labevile kuBabe, bafundza kuye, bayeta kimi.

Kubase-Efesu 4:21

nangabe-ke nimvile nafundziswa futsi kuye, njengobe liciniso likuJesu.

Joshuwa 3:4

Niyawube seniyayati-ke indlela lefanele nihambe ngayo, ngobe anizange senihambe ngalendlela ngaphambili. Kodvwa ningacali nisondzele edvute nalelibhokisi lesivumelwane, nibolilandzela ngemuva libanga lelingaba likhilomitha.”