Isaya 48:1 - Siswati 1996 Bible

¹ “Lalelani lapha, ninendlu yakaJakobe, nine lenibitwa ngelibito la-Israyeli, futsi niyintalelwane yakaJuda, nine lenenta tifungo egameni laSimakadze, nikhonte Nkulunkulu wema-Israyeli, kodvwa kungabi ngeliciniso nangekulunga,

Isaya 48:1 Referencias Cruzadas

Genesisi 32:28

Lendvodza yatsi: “Libito lakho lingeke lisaba nguJakobe, kodvwa sewutawuba ngu-Israyeli, ngobe ubambene naNkulunkulu nebantfu, wajinge wancoba.”

Genesisi 35:10

Nkulunkulu watsi kuJakobe: “Libito lakho nguJakobe, kodvwa kusukela nyalo sewutawubitwa ngekutsi ungu-Israyeli.” Ngako-ke Nkulunkulu wametsa ngekutsi ngu-Israyeli.

2 Emakhosi 17:34

Kuze-ke kube ngulamuhla loku basaphikelele nekwenta imikhuba yabo yakadzeni. Abamkhonti Simakadze, futsi abayilandzeli imiyalo netimiso, nemitsetfo, neteluleko Simakadze lakunika titukulwane taJakobe, lametsa libito watsi ngu-Israyeli.

2 Emakhosi 5:20

Gehazi, inceku ya-Elisha, umuntfu waNkulunkulu, wacabanga watsi: “Inkhosi yami ihambise Namani, umSiriya, ngaphandle kwekumkhokhisa lutfo; ngabe ukwemukele loku abemnika kona. Ngifunga kuphila kwaSimakadze, mine ngitamlandzela, khona ngitawufike ngitsatse intfo letsite.”

Tihlabelelo 63:11

Kodvwa inkhosi iyawujabula ngaNkulunkulu, bonkhe labafunga ngawe bayawukudvumisa; kepha imilomo yebacambimanga iyawuvalwa.

Tihlabelelo 66:3

Khulumani kuNkulunkulu nitsi: “Maye, imisebenti yakho mikhulu iyesabeka. Titsa takho titawuta kuwe tikhasa ngemadvolo, ngenca yemandla akho lamakhulu.

Tihlabelelo 68:26

“Bongani Nkulunkulu emikhambatsini nidvumise Simakadze, nine beluhlanga lwaka-Israyeli.”

Tihlabelelo 68:27

Nango Bhenjamini litfunjana, abahola, tikhulu takaJuda tiyincumbi, nati netikhulu takaZebuloni netakaNaftali.

Eksodusi 23:13

“Kulalele konkhe loku lengikushito kuwe. Ungawadvumisi emabito alabanye bonkulunkulu, ungawaphatsi ngisho nangemlomo wakho.”

Taga 5:16

Kufanele yini imitfombo yakho isakateke igcwale yonkhe indzawo, lemifudlana yemanti imoseke ngekusakateka kuto tonkhe tindlela?

Isaya 26:13

Awu, Simakadze, Nkulunkulu wetfu, lamanye emakhosi langasiye wena abusile etikwetfu; kodvwa Libito lakho, ngilo lodvwa lesilihloniphako.

Isaya 44:5

Lomunye uyawutsi: ‘Mine ngiwaSimakadze;’ lomunye utatibita ngelibito laJakobe; nalomunye uyawubhala esandleni sakhe, atsi: ‘NgiwaSimakadze,’ atsatse libito la-Israyeli.”

Isaya 45:23

Ngitifunge mine, umlomo wami ukhulume ngabo bonkhe bucotfo livi lelingeke liphindze liguculwe, litsi: Emadvolo onkhe ayawukhotsama embikwami; tonkhe tilimi tiyawufunga ngami.

Isaya 46:12

Lalelani kimi, nine bonhlitiyo letinenkhani, nine lenikhashane nekulunga.

Isaya 51:1

“Lalelani kimi, nine lenifunisisa kulunga, nalenifuna Simakadze: Bukani kulelo dvwala lenacetulwa kulo nakuleyo nkwali lenacotwa kuyo,

Isaya 51:2

bukani ku-Abrahama, uyihlo, nibuke nakuSara lowanitala. Ngesikhatsi nangimbita abesemunye kuphela, ngambusisa, ngamenta waba mnyenti.

Isaya 58:2

Ngobe bangifuna onkhe emalanga, babonakala shangatsi banenshisekelo yekwati tindlela tami, kube shangatsi basive lesenta lokulungile, lesingakayishiyi imiyalo yaNkulunkulu waso. Babuta kimi tehlulelo leticotfo, babonakale shangatsi bashisekela kutsi Nkulunkulu asondzele kubo.

Isaya 62:8

Simakadze ufunge ngesandla sakhe sekudla nangemkhono wakhe lonemandla, watsi: “Angisayiwuphindza ngephane ngekudla kwakho kutsi kube kudla kwetitsa takho, nebetive abasayiwuphindze balinatse liwayini lelisha lolishikashikanele kangaka.

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Isaya 65:16

Lowo loncenga sibusiso eveni uyawutibusisa ngaNkulunkulu lowetsembekile; lowo lowenta sifungo eveni uyawufunga ngaNkulunkulu lowetsembekile. Ngobe tinhlupheko letendlulile tiyawukhohlakala, tifihlakale emehlweni ami.”

Jeremiya 4:2

nawungafunga futsi kimi ngekweliciniso nangekulunga, utsi: ‘Ngifunga kuphila kwaSimakadze,’ tive-ke tiyawubusiswa ngaye tidvumise kuye futsi.”

Jeremiya 44:26

Kodvwa vanini livi laSimakadze, nonkhe nine maJuda lenihlala eGibhithe: Simakadze utsi: ‘Ngifunga ngeLibito lami lelikhulu kutsi ngingeke ngiphindze ngimvumele nome munye nje umuntfu wakaJuda emkhatsini wenu kutsi afunge ngeLibito lami atsi: “Ngifunga kuphila kweNkhosi Simakadze.”

Jeremiya 5:2

Nome bakhuluma batsi: ‘Ngifunga kuphila kwaSimakadze,’ noko basafunga emanga.”

Levithikusi 19:12

Ningalifungeli lite libito lami, ningalihlambalati libito laNkulunkulu wenu. NginguSimakadze.

Mikha 2:7

Ucabanga kutsi sive saka-Israyeli singaphansi kwesicalekiso yini? Kungabe Nkulunkulu sewulahlekelwe kubeketela kwakhe yini? Angayenta kambe intfo lenje? “Akakhulumi kahle yini kulabo labenta lokuhle?”

Zefaniya 1:5

nalabo labakhotsama etulu etingcongwaneni tetindlu bakhonte tinkhanyeti telizulu, nalabo labakhotsama bafunge batsi batakwetsembeka kuSimakadze baphindze bafunge nangaMoloki

Zakhariya 5:3

Yakhuluma kimi, yatsi: “Lesi sicalekiso lesiphumela kuwo wonkhe umhlaba; ngobe macondzana naloko lesikushoko nganhlanye kwalencwadzi, onkhe emasela ayawucitfwa eveni, kantsi ngaloko lesikushoko ngala nganhlanye kwayo, bonkhe labafungela emanga bayawucoshwa.

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

Numeri 24:7

emanti atawugeleta asuka etimbiteni takhe, nenhlanyelo yakhe itfole emanti lamanyenti. “Inkhosi yabo iyawuba yinkhulu kuna-Agagi, nembuso wabo uyawuphakanyiswa.

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

Johane 1:47

Jesu wabona Nathanayeli eta kuye, wakhuluma ngaye watsi: “Bheka, nango-ke um-Israyeli wangempela, lekute bucili kuye.”

Johane 4:24

Nkulunkulu unguMoya, nalabo labamkhontako bafanele kumkhonta ngaMoya nangeliciniso.”

KubaseRoma 2:17

Ase ufanekise ngawe. Wena uliJuda, wetsembele emtsetfweni, futsi utigabatisa ngekutsi Nkulunkulu wakho.

KubaseRoma 9:6

Kodvwa akusiko kutsi livi laNkulunkulu selehlulekile. Ngobe akusibo bonkhe labasitukulwane sa-Israyeli labangema-Israyeli.

KubaseRoma 9:8

Loko kusho kutsi akusibo bantfwana bengati lababantfwana baNkulunkulu kodvwa bantfwana besetsembiso labemukeleka njengesitukulwane.

Dutheronomi 10:20

Yesabani Simakadze Nkulunkulu wenu, nimkhonte. Bambelelani kuye nitsatse tifungo tenu egameni lakhe.

Dutheronomi 33:28

Ngako Israyeli uyawuhlala aphephile, umtfombo waJakobe uvikelekile, eveni lemabele neleliwayini lelisha, lapho emazulu ehlisela khona ematolo.

Dutheronomi 5:28

“Simakadze waniva nanikhuluma kimi, wase ukhuluma kimi utsi: ‘Ngikuvile loku lokukhulunywe ngulabantfu kuwe. Konkhe loko labakukhulume kuwe kulungile kuhle.

Dutheronomi 6:13

Yesabani Simakadze Nkulunkulu wenu, nikhonte yena yedvwa, nifunge ngelibito lakhe.

1 kuThimothi 4:2

Bantfu labatentisako bayawufundzisa emanga, ngobe bonembeza babo bashiswe luphawu.

Sembulo 2:9

Ngiyakwati kuhlupheka kwakho; ngiyabati buphuya bakho, kodvwa ube unjingile. Ngiyakwati lokubi lokushiwo ngulabo labatsi bangemaJuda kantsi abasiwo, kodvwa babe balisinagoge laSathane.

Sembulo 3:9

Lalela la, labo labalisinagoge laSathane, labatsi bangemaJuda babe bangesiwo, bacala emanga, ngitawubenta bete bakhotsame etinyaweni takho, baze babone kutsi wena ngikutsandzile.