Isaya 47:9 - Siswati 1996 Bible

⁹ Kokubili-ke loko kuyawukukhandza ngesikhashana nje, ngalanga linye, kufelwa bantfwana nebufelokati. Kuyawukufikela ngemandla lamakhulu, ngetulu kwebunyenti bekutsakatsa kwakho, nasemkhatsini webunyenti bemalumbo akho.

Isaya 47:9 Referencias Cruzadas

Tihlabelelo 73:19

Maye! Bacitfwa ngekucwabita kweliso, bakhukhulwe tinhlupheko letesabekako.

Isaya 13:16

Tinswane tabo tiyawuphahlatwa tibe ticucu embikwabo babuka, tindlu tabo tiyawuphangwa, nebafati babo badlwengulwe.

Isaya 21:9

Asubuke nje, naku kuta umuntfu ugibele incola yakhe yemphi, lenemahhashi laboshelwe ngamabili. Lomuntfu waphendvula watsi: ‘IBhabhulona seyiwile, iwile! Tonkhe titfombe tetithico tayo setibhidlikele phansi emhlabatsini!’ ”

Isaya 47:11

Sehlakalo siyawukufikela, futsi awuyikwati kutsi uyawusicosha kanjani. Incitsakalo iyakwehlela etikwakho, ungakwati kuphunyula kuyo ngisho nangenhlawulo. Inhlekelele longasoze wayibona iseta, iyakwehlela kuwe ngekushesha.

Jeremiya 15:9

Unina webantfwana labasikhombisa uyawucaleka, aphefumule kwekugcina. Lilanga liyawumshonela emini, uyawutseleka ngelihlazo, adliwe ngemahloni. Ngiyawubulala insali yesive sami ngenkemba embikwetitsa tayo,” kusho Simakadze.

Jeremiya 51:29

Live liyatfutfumela ligidzitele, ngobe injongo yaSimakadze ngeBhabhulona imile, kutsi abhubhise live laseBhabhulona, kuze kutsi kubete namunye longahlala kulo.

Danyela 2:2

Ngako inkhosi yabita tangoma, nebatsebuli, nebaphenguli, kanye nabosonkhanyeti kutsi batemtjela kutsi ubhudzeni. Batsi kube befike beme embikwenkhosi,

Danyela 4:7

Kwatsi kube tangoma, nebatsebuli, nabosonkhanyeti, netinyanga befike, ngabalandzisa ngaleliphupho, kodvwa behluleka kungichazela lona.

Danyela 5:30

Ngabo bona lobo busuku Bhelshasari, inkhosi yemaBhabhulona, wagwazwa wafa.

Danyela 5:7

Inkhosi yamemeta kutsi kulandvwe bonkhe batsebuli, nabosonkhanyeti, netangoma. Yakhuluma kuletati taseBhabhulona, yatsi: “Nome ngabe ngubani longafundza lombhalo, angitjele kutsi usho kutsini, utakwembeswa ngaletibukhwebeletane, agacwe umgaco wegolide entsanyeni yakhe, entiwe abe ngumbusi wesitsatfu embusweni.”

Nahume 3:4

Konkhe loku kuye ngebunyenti benkhanuko yengwadla lebukekako, umhhunguli wabo bonkhe butsi, ingwababane leyagcilata tive ngebugwadla bayo netive tonkhe ngebutsi bayo.

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

Sembulo 22:15

Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.

Ruthe 1:20

Wabaphendvula watsi: “Hhayi, ningasangibiti ngekutsi nginguNawomi, sale senitsi nginguMara, ngobe Nkulunkulu Somandla ungihlanekele, wangiletsela kuhlupheka.

Ruthe 1:5

BoMahaloni naKhiliyoni, bobabili, bafa; Nawomi wasala angenandvodza ate nendvodzana.