Isaya 47:11 - Siswati 1996 Bible

¹¹ Sehlakalo siyawukufikela, futsi awuyikwati kutsi uyawusicosha kanjani. Incitsakalo iyakwehlela etikwakho, ungakwati kuphunyula kuyo ngisho nangenhlawulo. Inhlekelele longasoze wayibona iseta, iyakwehlela kuwe ngekushesha.

Isaya 47:11 Referencias Cruzadas

Nehemiya 4:11

Netitsa tetfu taticabanga, titsi: “Batawutsi basengaketeleli futsi bangakasoli lutfo, basetfuke sesisetikwabo, sibabulale bonkhe, siwumise lomsebenti wabo.”

Tihlabelelo 35:8

shangatsi bangehlelwa yimbhubhiso ngekutumeka lokukhulu, nelugibe labangetsiye ngalo lubambe bona. Umgodzi lolugibe labangetsiye ngawo uhholokoshisele bona, babhubhe.

Tihlabelelo 50:22

“Caphelani loku nine lenedzelela Nkulunkulu, funa nginiklebhuklebhule, kubete nalongahle aniphephise.

Tihlabelelo 55:15

Titsa tami atitunywe kufa, tiye endzaweni yalabafile tisaphila, ngobe bubi busemakhaya nasetinhlitiyweni tabo.

Tihlabelelo 73:19

Maye! Bacitfwa ngekucwabita kweliso, bakhukhulwe tinhlupheko letesabekako.

Taga 13:21

Lishwa licoshana nesoni; kodvwa imphumelelo ingumvuzo walolungile.

Isaya 13:6

“Lilani, ngobe lilanga laSimakadze selisondzele, litawufika liyimbhubhiso levela kuSomandla.

Isaya 29:5

Kodvwa titsa takho letinyenti titawuba njengelutfuli lwemhlabatsi, leticumbi tebantfu labanelunya tiyawuba njengemakhoba lapheshulwa ngumoya. Ngekushesha, ngekuphatima kweliso

Isaya 30:13

lesono lesi siyawuba ngangelubondza loluphakeme kini, loseluklatuka ekhatsi selugobana, lona lolusuke selutawuhhibika masinyane.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Isaya 45:7

Ngenta kukhanya, ngidale bumnyama, ngiletsa lokuhle, ngidale lokubi, mine Simakadze, ngitenta tonkhe letintfo.”

Isaya 47:9

Kokubili-ke loko kuyawukukhandza ngesikhashana nje, ngalanga linye, kufelwa bantfwana nebufelokati. Kuyawukufikela ngemandla lamakhulu, ngetulu kwebunyenti bekutsakatsa kwakho, nasemkhatsini webunyenti bemalumbo akho.

Isaya 48:8

Anikeva, futsi anikacondzi, kusukela endvulo tindlebe tenu tatisolomane tivalekile. Empeleni bengati kahle hle kutsi naniyengana kanjani, nanibitwa ngekutsi nibahlubuki kusukela ekutalweni.

Isaya 57:1

Lolungile uyabhubha, kubete nalotihluphako ngako enhlitiyweni yakhe. Bantfu labatinikelako bayesuswa, kubete nalokucondzako loko kutsi labalungile bayesuswa, kuze batewuphephiswa kulokubi.

Jeremiya 51:29

Live liyatfutfumela ligidzitele, ngobe injongo yaSimakadze ngeBhabhulona imile, kutsi abhubhise live laseBhabhulona, kuze kutsi kubete namunye longahlala kulo.

Jeremiya 51:43

Emadolobha ayo ayawusala akhala libhungane, ibe live lelomile nalelilihlane, live lapho kungahlali muntfu khona, lapho kungahambi muntfu khona.

Jeremiya 51:8

Ngalokutumako iBhabhulona iyakuwa ibhidlitwe. Yilileleni bo! Yitfoleleni ibhalisamu yekwelapha leminjunju yayo; mhlawumbe ingelapheka.

Sililo 1:21

“Bantfu bakuvile kububula kwami, kodvwa kute namunye longidvudvutako. Tonkhe titsa tami tivile ngekuhlupheka kwami. Tiyajabula ngaloko lokwentile. Mane sale uliletsa lelilanga lowalimemetela, kuze nabo batewuba njengami.

Hezekeli 7:26

Kuyawufika sigemegeme etikwesigemegeme, nemahemuhemu etikwemahemuhemu. Bayakwetama kutfola sembulo kumphrofethi; kulahleke nemfundziso yemtsetfo kumphristi, kuphele neteluleko talabadzala.

Matewu 18:34

“Inkhosi yaso yatfukutsela yabila yasinikela kubaphatsi belijele, size sikhokhe sonkhe sikwelede.

Lukha 12:59

Lapho-ke ngikutjela kutsi, ungeke uphume ungakayikhiphi yonkhe inhlawulo.”

Lukha 17:27

Bonkhe bantfu bebadla, banatsa, bateka bafati, bendziswa, kwaze kwaba lilanga Nowa langena ngalo emkhunjini lana zamcolo wababulala bonkhe.

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.

Sembulo 3:3

Khumbula-ke loko lokwemukele wakuva, ukugcine, uphendvuke. Nangabe awuvuki ucaphele, ngitawuta kuwe ngikutume njengelisela, ngeke usati sikhatsi lengiyawukufikela ngaso.