Isaya 47:1 - Siswati 1996 Bible

¹ Simakadze utsi: “Yehla, uhlale elutfulini, wena Ndvodzakati yaseBhabhulona. Hlala emhlabatsini, ungasahlali esihlalweni sebukhosi, Ndvodzakati yebaseBhabhulona. Awusayikubitwa ngekutsi ungulobutsakatsaka nalotsambile.

Isaya 47:1 Referencias Cruzadas

Jobe 2:13

Bahlala naye phansi emhlabatsini emalanga lasikhombisa nebusuku bakhona. Kute nome munye lowase wakhuluma lutfo kuye, ngobe babebona buhlungu lobukhulu labekubo.

Jobe 2:8

Jobe watsatsa lucetu lweludzengelo watenwaya ngalo ahleti emlotseni etaleni.

Tihlabelelo 137:8

Wena Bhabhulona, uyawubhidlitwa. Ubusisiwe umuntfu loyawubuyisela kuwe tento takho lowake watenta kitsi,

Tihlabelelo 18:27

Wena, losindzisa labatfobekile, uyabatfobisa labatigabatisako.

Tihlabelelo 89:44

Uyemuke indvuku yebukhosi esandleni sayo, wasidzaceka phansi sihlalo sayo sebukhosi.

Isaya 13:1

Leli livi lesembulo ngeBhabhulona, lelefika ku-Isaya, umsa wa-Amose, ngembono:

Isaya 13:13

Ngako-ke emazulu ngiyakuwenta atfutfumele, nemhlaba utanyatanyiswe usuke endzaweni yawo, ngenca yelulaka lwaSimakadze longuSomandla, ngalelo langa lentfukutselo yakhe levutsako.

Isaya 14:1

Simakadze utawubonakalisa sihawu sakhe kuJakobe, utawuphindza futsi akhetse ema-Israyeli, awabuyisele eveni lawo. Betive batawutihlanganisa nawo, batihlanganise nendlu yaJakobe.

Isaya 21:1

Leli livi lesembulo lelimacondzana neBhabhulona, lihlane lelingaselwandle: Njengetiwunguwungwana tihhusha tendlula eveni laseningizimu, kanjalo umhlaseli uchamuka ngasehlane, eveni lelesabekako.

Isaya 23:12

Ukhulumile watsi: “Ungeke uphindze utijabulise, wena Ndvodzakati yaseSidoni, sewupitjitiwe! Sukumani newelele eSiphrosi, nakhona lapho ngeke nikutfole kuphumula.”

Isaya 26:5

Uyabatfobisa labo labahlala ekuphakameni, ulalisa phansi lidolobha leliphakeme, alente lilingane nemhlabatsi, alilahle phansi elutfulini.

Isaya 3:26

Emasango aseSiyoni ayawukhala alile, lidolobha selisiganga, yebo, bantfu balo batawuhlala phantsi emhlabatsini.

Isaya 37:22

nali-ke livi lelikhulunywe nguSimakadze lelimelene naye, litsi: “INdvodzakati yaseSiyoni iyakwedzelela, ikubukela phansi. INdvodzakati yaseJerusalema igencetisa inhloko yayo nawubaleka.

Isaya 52:2

Titsintsitse lutfuli lokulo; sukuma, uhlale esihlalweni sebukhosi, wena Jerusalema. Tikhulule etinketaneni letisentsanyeni yakho, wena Ndvodzakati yaseSiyoni letfunjiwe.

Jeremiya 13:18

Khuluma enkhosini nasendlovukazini, utsi: “Yehlani etihlalweni tenu tebukhosi, ngobe lemichele yenu lemanyatelako itawudzilika lapha etinhloko tenu.”

Jeremiya 46:11

“Khuphukela kaGileyadi uyewutfola ibhalisamu, awu, wena ntfombi, Ndvodzakati yaseGibhithe. Kodvwa wandzisa imitsi yakho yekwelapha, wayandzisa mahhala. Yeka, solo awelapheki.

Jeremiya 48:18

“Yehlani ekubabatekeni kwenu nihlale emhlabatsini logagadzekile, awu, nine takhamiti taseDiboni, ngobe lowo lobhubhisa Mowabi utanisukela nani, atewubhidlita emadolobha enu labiyelwe.

Jeremiya 50:1

Leli livi Simakadze lalikhuluma ngemlomo waJeremiya, umphrofethi, macondzana neBhabhulona nangelive lemaBhabhulona, litsi:

Jeremiya 50:42

Bahlome ngebutjoki nangetikhali; bavutsa lulaka, abanamusa. Bevakala njengekudvuma kwelwandle sebagibele emahhashini abo; beta ngeticheme temabutfo emphi, bete kutawuhlasela wena, Ndvodzakati yaseBhabhulona.

Jeremiya 51:1

Naku lokushiwo nguSimakadze, utsi: “Buka la, ngiyawuvusa umoya wembhubhisi usukele iBhabhulona kanye nebantfu baseLebu Khamayi.

Jeremiya 51:33

Naku lokushiwo nguSimakadze longuSomandla, Nkulunkulu wema-Israyeli, utsi: “INdvodzakati yaseBhabhulona injengendzawo yekubhulela kolo ngesikhatsi nayigcotjwagcotjwa, sikhatsi sekuyivuna iBhabhulona sitawufika masinyane.”

Jeremiya 51:51

“Sihlazekile, ngobe setfukiwe, lihlazo lisimbonye buso betfu, ngobe bantfu bekuhamba bangenile etindzaweni letingcwele tendlu yaSimakadze.”

Sililo 2:10

Babusi beNdvodzakati yaseSiyoni bahlala phansi bathule, batsele lutfuli etinhloko tabo, bembatse emasaka. Emantfombatana aseJerusalema atfobile, abhekisa tinhloko tawo phansi.

Sililo 2:21

“Labasha nalabadzala kulale lunja kanyekanye elutfulini lwetitaladi; emajaha ami netintfombi tami kuwe ngelusiko lwenkemba. Ubabhubhisile ngelilanga lentfukutselo yakho; ubabulale ngenkemba ungenasihawu nabo.

Sililo 4:5

Labo labake badla kahle batamasa, nyalo sebangimizulane netindzindzi etitaladini. Labo lababekhuliswa ngaletibukhwebeletane, nyalo sebalala emataleni etincunjini temlotsa.

Hezekeli 26:16

Lapho-ke bonkhe labakhulu bemave langaselwandle bayawukwehlela phansi, besuka etihlalweni tabo tebukhosi, babeke eceleni imijiva yabo, bakhumule tembatfo tabo letihlotjisiwe. Bayawuhlala phansi emhlabatsini bembetse kwesaba, batfutfumela ngato tonkhe tikhatsi, bamangaliswe nguwe.

Hezekeli 28:17

Inhlitiyo yakho yakhukhumuka ngenca yebuhle bakho, wona buhlakaniphi bakho ngenca yekucwebetela kwakho. Ngako ngase ngikulahlela emhlabeni, ngakwenta inhlekisa embikwemakhosi.

Jona 3:6

Letindzaba tatsi natifika enkhosini yaseNineve, yasukuma esihlalweni sayo sebukhosi, yakhumula ingubo yayo yebukhosi, yatembonya ngendvwangu yemasaka, yahlala phansi emlotseni.

Hagayi 2:22

Ngitawuketula tihlalo tebukhosi ngibhidlite emandla emibuso yebetive. Ngitawuketula tincola temphi kanye nebashayeli bato, emahhashi kanye nebagibeli bawo bayawuwela phansi, ngulowo ngenkemba yemnakabo.

Zakhariya 2:7

“Awu Siyoni! Balekani! Phunyulani, nine lenihlala eBhabhulona!”

Sembulo 18:7

Niyihluphe kakhulu, kutfoswa kwayo ngetinhlupho nelusizi lwayo kube ngangekutiphakamisa kwayo nangangekutamasa kwayo. Ngobe enhlitiyweni yayo itsi: ‘Ngihleti njengendlovukazi! Angisiye umfelokati, ngeke ngifelwe, ngilile.’