Isaya 46:7 - Siswati 1996 Bible

⁷ Basibeka emahlombe abo basetfwale, basibeke endzaweni yaso, bese siyema kuleyo ndzawo, asikwati nekutsi khushu. Nome umuntfu angamemeta kanjani kuso atikhalela, asikwati kumphendvula; singeke simsindzise umuntfu etinhluphekweni takhe.

Isaya 46:7 Referencias Cruzadas

1 Emakhosi 18:26

Ngako batsatsa lenkunzi lababenikwe yona, bayilungisa. Base babita libito laBhali kusukela ekuseni kwaze kwaba ngusemini. Bamemeta batsi: “Hhawu, Bhali, siphendvule!” Kodvwa kwabate imphendvulo; kute lowaphendvula. Bagidza batungeleta lelilati lababelakhile.

1 Emakhosi 18:29

Yendlula imini, bachubeka nemadlingozi abo ekuphrofetha, kwaze kwashaya sikhatsi semhlatjelo wakusihlwa. Kodvwa kwabate imphendvulo, kute lowaphendvula, kute nalowanaka.

1 Emakhosi 18:40

Elija wakhuluma kubo, watsi: “Bambani labaphrofethi baBhali. Kungaphunyuli ngisho namunye wabo!” Babanjwa, Elija watsi abehliselwe emfudlaneni iKhishoni; babulawelwa khona lapho.

Isaya 37:38

Kwatsi ngalelinye lilanga aselibele kukhonta ethempelini lankulunkulu wakhe Nisroki, kwesuka emadvodzana akhe, bo-Adrameleki naShareseri, bamjuba ngenkemba, besuka lapho babalekela eveni lase-Ararathi. Esahadoni, umsa wakhe, waba yinkhosi yase-Asiriya esikhundleni sakhe.

Isaya 40:20

Umuntfu lomphofu lowehluleka kunikela ngeminikelo lenjena, ukhetsa lukhuni lolungaboli kalula. Utifunela ingcweti yembumbi lohlakaniphile itemmisela sithico lesingeke siwe.

Isaya 41:28

Ngiyabuka, kodvwa kute namunye, kute namunye emkhatsini wabo longeluleka, kute longaphendvula nangibabuta.

Isaya 41:29

Bukani la, bonkhe balite! Tento tabo tilite; titfombe tabo tingumoya nesiphitsiphitsi.”

Isaya 41:7

Ingcweti kutekubata ikhutsata umbumbi wetegolide, nalowo lobetsela ngesandvo ushiyela kulowo locandvulako. Kulowo loshiselako utsi: “Kuhle.” Ubetsela sithico khona singetikuwa.

Isaya 44:12

Umfuli utsatsa lithulusi asebente ngalo emalahleni; abumbe sithico ngetandvo, akubetsele ngemandla akhe onkhe. Uyalamba, aphelelwe ngemandla; anganatsi ngisho emanti, bese uyoma aze acaleke.

Isaya 45:20

“Butsanani ndzawonye, nite; hlanganani, nine lenibaleke etiveni. Abati lutfo labo labetfwala tithico tetingodvo, bathandaze etithicweni letingeke tisindzise.

Isaya 46:1

Beli uyaguca, Nebo uyakhotsama. Titfombe tabo tetfwelwe tilwane tekwetfwala. Letitfombe tabo lababetetfwala setiyasindza, tingumtfwalo kuletilwane letidziniwe.

Isaya 47:15

Nguloko nje kuphela labangakwentela kona, labo lebewushikashikeka nabo, solomane uhambisene nabo kusukela ebuntfwaneni. Ngulowo nalowo atichubekela ngekwakakhe kona; kute namunye longakusindzisa.”

Jeremiya 10:5

Njengemlindzansimi esivandzini semajoti, letithico tabo atikwati kukhuluma, kudzingeka tize tetfwalwe, ngobe atikwati kutihambela. Ningatesabi, tingeke tinente lutfo lolubi, kantsi futsi kute naloluhle letingalwenta.”

Jeremiya 11:12

Emadolobha akaJuda kanye nebantfu baseJerusalema bayawuhamba bayewukhala kubonkulunkulu labatfuncisa kubo imphepho, kodvwa bangeke babasite nakancane nje nase behlelwa ngulenhlekelele.

Jeremiya 2:28

Baphi kantsi labonkulunkulu benu lenatentela bona? Abete phela, nangabe banganisindzisa nanisekuhluphekeni! Maye Juda, ninabonkulunkulu labanyenti ngangemadolobha enu.

Danyela 3:1

Inkhosi Nebukhadnezari yenta sithico segolide, lesasingemamitha labengaba ngema-30 kuphakama, nemamitha labengaba matsatfu bubanti, yasibeka etsafeni laseDura esifundzeni saseBhabhulona.

Jona 1:5

Onkhe ematilosi efikelwa kwesaba lokukhulu, kwaba ngulelo nalelo lakhala kunkulunkulu walo. Batijika elwandle timphahla letatisemkhunjini, batsi betama kuwuphungula umkhumbi. Kepha Jona abewukele ngaphansi ekhatsi nemkhumbi, akulobukhulu butfongo.

1 kubaseKorinthe 12:2

Niyati kutsi nisengakakholwa nedukiselwa etithicweni letatitimungulu.

1 Samuweli 5:3

Bantfu base-Ashdodi batsi bayavuka ekuseni ngakusasa, bakhandza Dagoni awele phansi ngebuso bakhe embikwelibhokisi lesivumelwane saSimakadze! Batsatsa loDagoni bambuyisela, bammisa endzaweni yakhe, lapho abekhona khona.