Isaya 45:3 - Siswati 1996 Bible

³ Ngiyawukunika ingcebo yebumnyama, bunjinga lobubekwe etindzaweni letiyimfihlo, khona utewukwati kutsi mine nginguSimakadze, Nkulunkulu wema-Israyeli, lokubita ngelibito lakho.

Isaya 45:3 Referencias Cruzadas

2 Tikhronike 6:17

Manje-ke, Simakadze, Nkulunkulu wema-Israyeli, gcwalisa livi lakho lowalikhuluma encekwini yakho Davide, libe liciniso.

Ezra 1:2

“Naku lokushiwo nguKhuresi, inkhosi yasePheresiya, utsi: “ ‘Simakadze, Nkulunkulu welizulu, unginike yonkhe imibuso yemhlaba, wangiyala nekutsi ngimakhele lithempeli lakhe eJerusalema kulakaJuda.

Eksodusi 33:12

Mosi wakhuluma kuSimakadze, watsi: “Wena watsi kimi: ‘Khipha labantfu,’ kodvwa awuzange ungilayele kutsi utangitfuma nabani. Yebo, washo kona kimi watsi: ‘Ngiyalati libito lakho, futsi uzuze umusa emehlweni ami.’

Eksodusi 33:17

Simakadze wakhuluma kuMosi, watsi: “Ngitakwenta loku lokushito, ngobe uzuze umusa emehlweni ami, futsi ngikwati kahle.”

Isaya 41:23

Nome-ke nisitjele ngetintfo letitakwenteka, nisitjele kutsi likusasa liphetseni, kuze sitekwati kutsi nibonkulunkulu. Ase nente lutfo, loluhle nome lolubi, kuze sitewujabha sesabe.

Isaya 43:1

Kodvwa nyalo, naku lokushiwo nguSimakadze, lowo lowakudala, wena Jakobe, lowo lowakubumba, wena Israyeli, utsi: “Ungesabi, ngobe ngikuhlengile, Ngikubite ngelibito lakho, wena uwami.

Isaya 48:15

Mine, yebo mine ngekwami, sengishito, yebo sengimbitile, ngitamletsa, futsi utawuphumelela kulomsebenti wakhe.

Isaya 49:1

Lalelani kimi, nine tichingi, vanini loku, nine tive letikhashane, Simakadze wangibita ngisengakatalwa, kusukela ekutalweni walibita libito lami.

Jeremiya 41:8

Kodvwa kwaba khona emkhatsini wawo emadvodza lalishumi lacela Ishmayeli, atsi: “Sicela kutsi mane ungasibulali! Siphetse kolo nebhali, nemafutsa kanye neluju lwetinyosi lesikufihle lena esikhotseni.” Ngako wabayekela, wangete wababulala kanye nalaba labanye.

Jeremiya 50:26

Lelive lisukeleni nilihlasele, nisuka emikhawulweni yalo. Gwabulani tingungu talo, nilimpongise njengetindvundvuma talokutinhlavu. Libhubhiseni nilicedze, ningalishiyeli nalencane insali.

Jeremiya 50:37

Inkemba ilengela etikwemahhashi ayo nasetikwetincola takhona temphi, nasetikwato tonkhe tihambi etigabeni tato! Bayawuba njengebafati. Inkemba ilengela etikwemcebo weBhabhulona! Bayawuphangwa.

Jeremiya 51:13

Wena lohlala ngasemantini lamanyenti futsi lonjingile ngemcebo, siphetfo sakho sesifikile, sikhatsi sakho sekutsi uncanyulwe.”

Jeremiya 51:53

“Ngisho nome iBhabhulona ingefikela esibhakabhakeni icinise tonkhe tinqaba tayo letiphakeme, ngiyawutfumela babhubhisi bayisukele,” kusho Simakadze.