Isaya 45:20 - Siswati 1996 Bible

²⁰ “Butsanani ndzawonye, nite; hlanganani, nine lenibaleke etiveni. Abati lutfo labo labetfwala tithico tetingodvo, bathandaze etithicweni letingeke tisindzise.

Isaya 45:20 Referencias Cruzadas

2 Tikhronike 25:15

Lulaka lwaSimakadze lwamvutsela Amasiya, Simakadze watfumela umphrofethi ku-Amasiya, wafike watsi: “Utifunelani letithico talabantfu letehluleke nekusindzisa bantfu bato esandleni sakho?”

2 Tikhronike 28:23

Wanikela ngemihlatjelo etithicweni tebantfu baseDamaseko lebase bamehlulile; ngobe abecabange watsi: “Njengobe tithico temakhosi aseSiriya tiwasitile emaSiriya, nami ngitakwenta umhlatjelo kuto, khona titakungisita.” Kodvwa ngito kanye letamwisa, taphindze tawisa onkhe ema-Israyeli.

Tihlabelelo 115:8

Laba labatentako bafanana nato, bonkhe labetsembele kuto bafanana nato.

Isaya 4:2

Ngalelo langa Ligala laSimakadze liyawuba lihle likhatimule, netitselo talelo live tiyawuba ludvumo nebuhle betinsali taka-Israyeli.

Isaya 41:21

Simakadze utsi: “Bekani indzaba yenu.” INkhosi yakaJakobe itsi: “Khulumani kutsi niphika nitsini.”

Isaya 43:9

Tonkhe tive tibutsana ndzawonye, nebantfu bonkhe bayahlangana. Ngusiphi emkhatsini wetithico tabo lesake sakukhuluma kucala loku kungakenteki, samemetela kitsi tintfo takadzeni? Abaletse bofakazi babo, batewusikhombisa kahle kutsi bebasho kona, khona labanye batewuva batsi: “Kuliciniso.”

Isaya 44:10

Ngubani lobumba sithico, asente asilolonge kahle, lesingeke simbuyisele lutfo?

Isaya 44:9

Bonkhe labenta tithico balite, naletintfo letiligugu kangaka kubo tilite. Labo lababetikhulumela batimphumphutse, futsi abati lutfo, lokulihlazo kubo.

Isaya 46:1

Beli uyaguca, Nebo uyakhotsama. Titfombe tabo tetfwelwe tilwane tekwetfwala. Letitfombe tabo lababetetfwala setiyasindza, tingumtfwalo kuletilwane letidziniwe.

Isaya 48:14

“Butsanani nonkhe, nitewulalela: Ngusiphi saletithico lesake satisho letintfo tingakenteki? Sihlobo lesikhetsiwe saSimakadze siyakuyifeza injongo yakhe simelane neBhabhulona. Ingalo yaso iyawumelana nebaseBhabhulona.

Isaya 57:13

Nawukhala ucela kusitwa, leticumbi takho tetithico atikusindzise! Umoya uyawutiphephula tonkhe, umoyana lomncane nje uyawutikhukhula. Kodvwa lowo lowenta mine ngibe siphephelo sakhe, uyawudla lifa lelive, adle lifa lentsaba yami lengcwele.”

Jeremiya 10:14

Bonkhe abanangcondvo, futsi abanalwati, bonkhe babumbi betegolide bahlazekile ngetithico tabo. Titfombe tabo tiyinkhohliso, atinamphefumulo.

Jeremiya 10:5

Njengemlindzansimi esivandzini semajoti, letithico tabo atikwati kukhuluma, kudzingeka tize tetfwalwe, ngobe atikwati kutihambela. Ningatesabi, tingeke tinente lutfo lolubi, kantsi futsi kute naloluhle letingalwenta.”

Jeremiya 10:8

Tonkhe atinangcondvo tetfwele bulima, tifundziswa tithico letingenamsebenti tetigodvo.

Jeremiya 48:13

Ngako Mowabi uyawuba nemahloni ngaKhemoshi, sithico sakhe, njengobe nendlu yaka-Israyeli yaba nemahloni nase betsembela eBetheli.

Jeremiya 48:47

“Noko ngiyawubuyisela tibusiso takaMowabi ngemalanga letako,” kusho Simakadze. Kuphelela lapha-ke kwehlulelwa kwaMowabi.

Jeremiya 50:28

Lalelani lababalekako nebakhoseli labesuka eBhabhulona, bamemetela baseSiyoni kutsi Simakadze Nkulunkulu wetfu utiphindziselele kanjani, atiphindziselela ngenca yelithempeli lakhe.

Kubase-Efesu 2:12

Nikhumbule nekutsi ngaleto tikhatsi benehlukanisiwe naKhristu, ningephandle kwembuso waka-Israyeli, nitihambi letite sabelo etivumelwaneni tesetsembiso, nite litsemba, nite naNkulunkulu emhlabeni.

Kubase-Efesu 2:16

Bobabili wabenta kutsi babuyisane naNkulunkulu emtimbeni munye ngesiphambano, ngaloko wacedza bonkhe butsa.