Isaya 45:1 - Siswati 1996 Bible

¹ “Naku lokushiwo nguSimakadze kulogcotjiwe wakhe, kuKhuresi, lengibambe sandla sakhe sangasekudla, ngentela kwehlula tive embikwakhe, ngemuke emakhosi tikhali tawo, ngivule neminyango embikwakhe, kuze emasango angetiwuvalwa, ngitsi kuye:

Isaya 45:1 Referencias Cruzadas

1 Emakhosi 19:15

Simakadze wakhuluma kuye, watsi: “Ncandzeka ubuyele emuva ngendlela lote ngayo, ucondze eHlane laseDamaseko. Utawutsi ungefika khona, ugcobe Hazayeli, abe yinkhosi yaseSiriya.

Ezra 1:1

Ngemnyaka wekucala wekubusa kwaKhuresi, inkhosi yasePheresiya, kuze kugcwaliseke livi laSimakadze lelakhulunywa nguJeremiya, Simakadze watsintsa inhlitiyo yaKhuresi, inkhosi yasePheresiya kutsi ente simemetelo kulo lonkhe lelingaphansi kwakhe, nekutsi asibhale phansi atsi:

Ezra 1:2

“Naku lokushiwo nguKhuresi, inkhosi yasePheresiya, utsi: “ ‘Simakadze, Nkulunkulu welizulu, unginike yonkhe imibuso yemhlaba, wangiyala nekutsi ngimakhele lithempeli lakhe eJerusalema kulakaJuda.

Jobe 12:21

Utfululela lihlazo kulabahloniphekile, abalahlise phansi tikhali labanemandla ekulwa.

Tihlabelelo 73:23

Noko-ke mine ngihlala nawe onkhe emalanga, ungibambe ngesandla sami sekudla,

Isaya 13:2

“Phakamisani siboniso semphi, nisiphakamisele esicongweni sentsaba. Memetani kakhulu, nibakhwebe, khona batewuncandzeka babuye, bangene emasangweni alabaphakeme.

Isaya 13:3

Labangcwele bami ngibatfumile, ngiwabitile emachawe ami lanemandla kutsi ayewufeza sigwebo sentfukutselo yami, wona lawo lajabulela kungincobela.

Isaya 41:13

Ngobe mine nginguSimakadze, Nkulunkulu wakho, lobamba sandla sakho sangesekudla, atsi kuwe: ‘Ungesabi, ngitakusita.’

Isaya 41:2

Ngubani lochukulute lomunye kutsi esuke emphumalanga, wambitela ekulungeni kutsi ahlangabetane nekuncoba kuso sonkhe sinyatselo? Tive utinikela kuye, atfobise emakhosi embikwakhe. Ngenkemba yakhe uyabagucula babe lutfuli, nangebutjoki bakhe uyabaphephula njengemakhoba.

Isaya 41:25

“Ngivuse longasenyakatfo, futsi uyeta lomunye lophuma ngasemphumalanga lobita Libito lami. Unyatsela etikwebabusi kube shangatsi baludzaka nje, kube shangatsi yena ungumbumbi nakanyatsela libumba.

Isaya 42:6

“Mine, Simakadze, ngikubite ngekulunga, ngiyawubamba sandla sakho. Ngitawugcina ngikwente kutsi ube sivumelwane sami nesive sami, ube kukhanya kubetive,

Isaya 44:28

Ngimi futsi lokhuluma ngaKhuresi atsi: ‘Ungumelusi wami, uyawukwenta konkhe loko lengikutsandzako; uyawukhuluma ngeJerusalema, atsi: “Ayakhiwe kabusha,” nangelithempeli atsi: “Akwakhiwe tisekelo talo.” ’ ”

Isaya 45:5

NginguSimakadze, futsi kute lomunye, ngaphandle kwami kute Nkulunkulu; ngiyawukuhlomisa, wena ungakangemukeli nje,

Isaya 48:15

Mine, yebo mine ngekwami, sengishito, yebo sengimbitile, ngitamletsa, futsi utawuphumelela kulomsebenti wakhe.

Jeremiya 27:6

Manje-ke ngitawunikela onkhe lamave enu encekwini yami Nebukhadnezari, inkhosi yaseBhabhulona; ngitakwenta ngisho netilwane tesiganga kutsi timtfobele.

Jeremiya 43:10

Ubobe sewukhuluma kuwo utsi: ‘Naku lokushiwo nguSimakadze longuSomandla, Nkulunkulu wema-Israyeli, utsi: Ngitawutfumela inceku yami Nebukhadnezari, inkhosi yaseBhabhulona, ngiyawumisa sihlalo sakhe sebukhosi etikwalamatje lengiwagcibedzele lapha. Uyakwendlala umpheme wakhe webukhosi etikwawo.

Jeremiya 50:3

Sive lesichamuka enyakatfo siyawuyihlasela, live layo silishiye lingenalutfo. Kute muntfu loyawuhlala kulo, bantfu netilwane kuyawulibalekela.”

Jeremiya 50:35

“Kulengela inkemba etikwemaBhabhulona! Ilengela etikwalabo labakhile eBhabhulona, nasetikwetiphatsimandla takhona netihlakaniphi tayo!” kusho Simakadze.

Jeremiya 51:11

“Lolani imicibisholo, nitsatse emahawu! Simakadze uchukulute emakhosi aseMediya, ngobe injongo yakhe kubhubhisa iBhabhulona. Simakadze utawutiphindzisela, akhiphe sibhongo ngenca yelithempeli lakhe.

Jeremiya 51:30

Emabutfo aseBhabhulona aseyekele kulwa, asahleti nje etinqabeni tawo. Emandla awo asaphelile, asanjengebafati. Tindzawo tayo tekuhlala setilunyekwe ngemlilo; imicabo yemasango ayo seyephuliwe.

Jeremiya 51:58

Naku lokushiwo nguSimakadze longuSomandla, utsi: “Lubondza lolulicinsi lwaseBhabhulona luyakwendlaleka phansi, nemasango ayo laphakeme alunyekwe ngemlilo, bantfu batikhatsate ngelite, umshikashika wetive ungemafutsa nje ekubasela emalangabi.”

Hezekeli 29:20

Ngimnike iGibhithe, yaba yinkhokhelo yekukhandleka kwakhe, ngobe yena nemabutfo akhe bakwentela mine, kusho iNkhosi Simakadze.

Danyela 5:6

Buso bayo bagucuka baphaphatseka, yatfutfumela kangangekutsi kwaze kwagedletela emadvolo ayo, kwatsamba nemilente yayo.

Danyela 7:5

“Ngatsi ngisabukile, naku embikwami sekume lesinye silo sesibili, sona-ke sasinjengelibhele. Saphakanyiswa ngalomunye wemihlubulo yaso, sasinetimbambo letintsatfu emlonyeni waso emkhatsini wematinyo aso, satjelwa kwatsiwa: ‘Vuka, udle, wesutse inyama.’

Danyela 8:3

Ngatsi ngiphakamisa emehlo, ngabona embikwami kunesihhanca sinetimphondvo letimbili, sime eceleni kwalomfula, letimphondvo tatitindze. Lolunye lwaletimphondvo lwaluludze kunalolu lolunye, kodvwa lwamila kamuva.

Danyela 8:4

Ngasibuka lesihhanca sisahlasela sibheke ngasenshonalanga, nangasenyakatfo, nangaseningizimu. Kute ngisho nasinye silwane lesasingemelana naso, kute nalokwakungalanyulelwa emandleni aso, sasijangaza nje senta lesikutsandzako, saze saba sikhulu kakhulu.

Nahume 2:6

Emasango emifula ayavuleka, sigodlo siyabhidlika.

Nahume 3:13

Ase ubheke emasotja akho! Onkhe abafati nje. Emasango elive lakho, avulekele titsa takho kabanti, umlilo uyishise yonkhe imicabo yawo.