Isaya 44:8 - Siswati 1996 Bible

⁸ Ningatfutfumeli, ningesabi. Angizange ngikumemetele yini loku, ngakhuluma ngako kungakenteki kadzeni? Nine nibofakazi bami. Kukhona yini lomunye Nkulunkulu ngaphandle kwami? Cha, kute lelinye Lidvwala, kute nalinye lengilatiko.”

Isaya 44:8 Referencias Cruzadas

Genesisi 46:3

Watsi: “NginguNkulunkulu, Nkulunkulu weyihlo. Ungesabi kwehlela eGibhithe, ngiyawukwenta ube sive lesikhulu khona.

Genesisi 48:19

Kodvwa uyise wala, watsi: “Ngiyati, ndvodzana yami, ngiyati. Naye utaba sive, naye futsi utaba mkhulu. Kodvwa nome kunjalo, lona lomncane utawuba mkhulu kunaye, netitukulwane takhe tiyawuba tive letinkhulu.”

2 Samuweli 22:32

Kambe nje ngubani longuNkulunkulu ngaphandle kwaSimakadze? Ngubani lolidvwala ngaphandle kwaNkulunkulu wetfu?

Ezra 1:2

“Naku lokushiwo nguKhuresi, inkhosi yasePheresiya, utsi: “ ‘Simakadze, Nkulunkulu welizulu, unginike yonkhe imibuso yemhlaba, wangiyala nekutsi ngimakhele lithempeli lakhe eJerusalema kulakaJuda.

Ezra 8:22

Nganginemahloni kutsi ngicele inkhosi kutsi isinike emasotja nalagibele emahhashi kutsi asiphekeletele kusivikela etitseni tetfu endleleni, ngobe sase sivele siyitjelile inkhosi ngaloko, satsi: “Sandla lesihle saNkulunkulu wetfu sisetikwalowo nalowo lomfunako, kodvwa intfukutselo yakhe iphambene nalabo labamlahlako.”

Tihlabelelo 18:31

Kambe nje ngubani longuNkulunkulu, ngaphandle kwaSimakadze? Ngubani lolidvwala, ngaphandle kwaloNkulunkulu wetfu?

Tihlabelelo 18:32

Nguye loNkulunkulu longihlomisa ngemandla, ente indlela yami icondze, ibe msulwa.

Tihlabelelo 86:10

Ngobe wena umkhulu, ungumenti wetimangaliso, nguwe wedvwa longuNkulunkulu.

Isaya 17:10

Umkhohliwe Nkulunkulu uMsindzisi wakho; awukalikhumbuli lidvwala lelisiphephelo sakho. Ngako-ke nome ungahlanyelela tithico takho titfombo letinhle kakhulu, uhlanyele tivini letiphuma kulamanye emave,

Isaya 26:4

Yetsembelani kuSimakadze kuze kube phakadze, ngobe Simakadze nguSimakadze loLidvwala laphakadze.

Isaya 30:29

Niyawuhlabela njengalobo busuku lenenta ngabo lidzili lelingcwele, tinhlitiyo tenu tiyawujabula njengesikhatsi bantfu bakhuphuka ngemintjingo, bakhuphukela eNtsabeni yaSimakadze, eDvwaleni lema-Israyeli.

Isaya 41:23

Nome-ke nisitjele ngetintfo letitakwenteka, nisitjele kutsi likusasa liphetseni, kuze sitekwati kutsi nibonkulunkulu. Ase nente lutfo, loluhle nome lolubi, kuze sitewujabha sesabe.

Isaya 42:9

Buka la, tintfo takucala setentakele, sengimemetela tintfo letinsha; tisengakacali kubonakala ebaleni, senginatisa tona.”

Isaya 43:10

Simakadze utsi: “Nine ma-Israyeli, nibofakazi bami kanye nenceku yami lengiyikhetsile, kuze nitewukwati nikholwe kimi, nicondze nekutsi mine Nginguye. Ngaphambi kwami kute nkulunkulu lowake wabunjwa, futsi kute loyawubuye abe khona emvakwami.

Isaya 43:11

Mine, nginguye Simakadze, ngaphandle kwami kute umsindzisi.

Isaya 43:12

Ngembulile, ngasindzisa, ngamemetela, ngimi, akusiso sithico sebetive lesisemkhatsini wenu. Nine nibofakazi bami kutsi mine nginguNkulunkulu,” kusho Simakadze.

Isaya 43:9

Tonkhe tive tibutsana ndzawonye, nebantfu bonkhe bayahlangana. Ngusiphi emkhatsini wetithico tabo lesake sakukhuluma kucala loku kungakenteki, samemetela kitsi tintfo takadzeni? Abaletse bofakazi babo, batewusikhombisa kahle kutsi bebasho kona, khona labanye batewuva batsi: “Kuliciniso.”

Isaya 44:2

Naku lokushiwo nguSimakadze, lowo lowakwenta, wakubumba esiswini, nalonguyena atakukusita, utsi: Ungesabi, wena Jakobe, nceku yami, Jeshuruni, lengimkhetsile.

Isaya 44:6

“Naku-ke lokushiwo nguSimakadze, iNkhosi neMkhululi wema-Israyeli, Simakadze longuSomandla, utsi: Mine ngiwekucala newekugcina; ngaphandle kwami kute Nkulunkulu.

Isaya 45:19

Angikakhulumi ekusitsekeni, kulenye indzawo lelive lebumnyama. Angikasho etitukulwaneni taJakobe, ngatsi: ‘Ngifuneleni lite.’ Mine, Simakadze, ngikhuluma liciniso, ngikhuluma loko lokulungile.”

Isaya 46:9

Khumbulani tintfo takadzeni, leto takadzenidzeni. Ngobe nginguNkulunkulu, futsi kute lomunye; nginguNkulunkulu, futsi kute lonjengami.

Isaya 48:3

Ngakhuluma ngetintfo takucala tingakefiki, ngakhuluma ngato kadzeni, umlomo wami watimemetela, ngatenta tatiwa; ngase ngiyatenta masinyane, tavele tenteka.

Isaya 48:5

Nginitjele tonkhe-ke letintfo kadzenidzeni, kucala tingakenteki ngatimemetela kini, kuze ningetikusho kutsi: ‘Tithico tami takwenta loku; titfombe tami tetigodvo nabonkulunkulu lababunjwe ngensimbi bakulayeta.’

Jeremiya 10:7

Ngubani longete akuhlonipha wena, awu, wena Nkhosi yetive? Lolu ludvumo lolufanele wena. Kute namunye lofanana nawe, kuto tonkhe tihlakaniphi tetive, nakuyo yonkhe imibuso yato.

Danyela 2:28

kodvwa ukhona Nkulunkulu losezulwini lowembula timfihlakalo. Nguye lobonise inkhosi Nebukhadnezari loko lokutakwenteka kulamalanga letako. Liphupho lakho nemibono yakho leyendlule lapha engcondvweni yakho usalele embhedzeni wakho ngunaku:

Danyela 2:47

Inkhosi yakhuluma kuDanyela, yatsi: “Impela, loNkulunkulu wakho unguNkulunkulu wabo bonkhe bonkulunkulu, neNkhosi yemakhosi, neMembuli wetimfihlakalo, ngobe wena ukhonile kwembula lemfihlakalo.”

Danyela 4:25

Utawucoshwa emkhatsini webantfu, uhlale netilwane tesiganga; utawudla tjani njengetinkhomo, unetfwe ngematolo asezulwini. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele imibuso yonkhe yebantfu, uyinika nome ngubani lowo latsandza kumupha yona.

Danyela 6:22

Nkulunkulu wami utfumele ingilosi yakhe, lefike yavala imilomo yemabhubesi. Akangilimati, ngobe ngitfolakele ngite licala emehlweni akhe, kantsi nakuwe, nkhosi, kute lengikonile.”

Joweli 2:27

Niyawube seniyati kutsi ngika-Israyeli, nekutsi nginguSimakadze Nkulunkulu wenu, nekutsi futsi kute lomunye ngaphandle kwami. Sive sami singeke siphindze sihlazeke.”

Johane 1:1

Ekucaleni kungakadalwa lutfo, abevele akhona Livi. Livi abekuNkulunkulu, Livi abenguNkulunkulu.

Johane 10:30

Mine naBabe simunye.”

Johane 6:10

Jesu watsi: “Hlalisani labantfu.” Bekunetjani lobunyenti kuleyo ndzawo. Emadvodza lahlaliswa phansi abengacishe abe ti-5 000.

Imisebenti yebaPhostoli 1:8

Kodvwa nine nitawugcwaliswa ngemandla, nasefikile kini Moya Longcwele, niyawuba bofakazi bami eJerusalema, naseJudiya lonkhe, naseSamariya, kuze kube ngusekugcineni kwemhlaba.”

Imisebenti yebaPhostoli 14:15

“Madvodza, nikwentelani loku? Natsi sibantfu nje, labafanana nani! Site lapha kuniletsela liVangeli, kuze nigucuke nisuke kuletintfo letingenamsebenti niye kuNkulunkulu lophilako, lowenta lizulu, nemhlaba, nelwandle, nako konkhe lokukuko.

Dutheronomi 32:31

Ngobe lidvwala labo alifanani neLidvwala letfu, ngisho netitsa tetfu tiyakuvuma loko.

Dutheronomi 32:39

“Bonani-ke manje kutsi Ngimi leNginguye, kute lomunye nkulunkulu ngaphandle kwami. Ngiyisa ekufeni, ngibuyise ekuphileni; ngilimatile ngiyawuphilisa futsi. Kute longakhulula lutfo esandleni sami.

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

Dutheronomi 4:35

“Letintfo natikhonjiselwa kutsi nati kutsi Simakadze unguNkulunkulu; ngaphandle kwakhe kute lomunye.

Dutheronomi 4:39

“Ngako khumbulani ningaphindzi nikhohlwe kusukela lamuhla kutsi Simakadze unguNkulunkulu, ezulwini etulu nasemhlabeni phansi. Kute lomunye.

KumaHebheru 12:1

Ngako-ke, njengobe situngeletwe sicumbi lesikhulu kangaka sabofakazi, asilahle konkhe lokusindzako, nesono lesigigelana njengelwanca. Asigijime ngekucinisela kulomncintiswano losembikwetfu,

1 yaJohane 1:2

Yena lowo Sokuphila wabonakaliswa kitsi, sambona, sifakaza ngaye, simemetela kini Sokuphila waphakadze. Nguye labeneYise; wabe sewubonakaliswa kitsi.

1 Samuweli 2:2

“Kute longcwele njengaSimakadze, kute nalomunye ngaphandle kwakho, kute lidvwala lelinjengaNkulunkulu wetfu.