Isaya 44:5 - Siswati 1996 Bible

⁵ Lomunye uyawutsi: ‘Mine ngiwaSimakadze;’ lomunye utatibita ngelibito laJakobe; nalomunye uyawubhala esandleni sakhe, atsi: ‘NgiwaSimakadze,’ atsatse libito la-Israyeli.”

Isaya 44:5 Referencias Cruzadas

2 Tikhronike 36:23

“Naku lokushiwo nguKhuresi, inkhosi yasePheresiya, utsi: “ ‘Simakadze, Nkulunkulu welizulu, unginike yonkhe imibuso yemhlaba, sewungiyalile kutsi ngimakhele lithempeli eJerusalema kulakaJuda. Manje-ke, ngulowo nalowo kini nine sive saNkulunkulu losemkhatsini wenu, shangatsi Simakadze Nkulunkulu wakhe angaba naye, ahambe aye khona.’ ”

Nehemiya 9:38

“Ngetulu kwako konkhe loku, sesitibopha ngesivumelwane lesitakubhalwa phansi, kutawutsi baholi betfu, nemaLevi etfu kanye nebaphristi betfu basisayine ngekufaka tigcivito tabo kuso.”

Tihlabelelo 116:16

Awu, Simakadze! Mine ngiyinceku yakho, indvodzana letalwa yincekukati yakho. Utfukulule tibopho lebengiboshwe ngato.

Eksodusi 13:9

Lomkhosi uyawufanana nesibonakaliso lesiboshelwe esandleni sakho nesikhumbuto lesinanyatsiselwe ebuntini lakho. Loko kuyawunikhumbuta kutsi umtsetfo waSimakadze niwati ngenhloko nikhulume ngawo, ngobe Simakadze wanikhipha eGibhithe ngesandla sakhe lesinemandla.

Isaya 2:3

Bantfu labanyenti bayawufika batsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe.” Ngobe umtsetfo uyawuphuma eSiyoni, livi laSimakadze liphume eJerusalema.

Jeremiya 32:10

Lencwadzi yesivumelwane ngayisayina, ngayivala ngeluphawu, ngafakazelwa, ngase ngikala lesiliva etikalini.

Jeremiya 50:5

Bayawubuta indlela leya eSiyoni, emabombo abo bawabhekise khona. Bayawuta batetibophela bona kuSimakadze ngesivumelwane saphakadze lesingeke siphindze sikhohlakale.

Mikha 4:2

Tive letinyenti tiyawufika titsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe. Ngobe umtsetfo uyawuphuma eSiyoni, livi laSimakadze liphume eJerusalema.”

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

2 kubaseKorinthe 8:5

Loko-ke sasingakakubheki; ngobe bacale batinikela bona eNkhosini, base-ke batetfula kitsi ngekwentsandvo yaNkulunkulu.

KubaseGalathiya 6:16

Kuthula nemusa akube kubo bonkhe labahamba ngalomyalo, ema-Israyeli aNkulunkulu.

KubaseGalathiya 6:17

Sale kubate longihluphako, ngobe emtimbeni wami nginetimphawu taJesu.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.