Isaya 44:28 - Siswati 1996 Bible

²⁸ Ngimi futsi lokhuluma ngaKhuresi atsi: ‘Ungumelusi wami, uyawukwenta konkhe loko lengikutsandzako; uyawukhuluma ngeJerusalema, atsi: “Ayakhiwe kabusha,” nangelithempeli atsi: “Akwakhiwe tisekelo talo.” ’ ”

Isaya 44:28 Referencias Cruzadas

2 Tikhronike 36:22

Ngemnyaka wekucala wekubusa kwaKhuresi, inkhosi yasePheresiya, kuze kugcwaliseke livi laSimakadze lelalikhulunywe nguJeremiya, Simakadze watsintsa inhlitiyo yaKhuresi, inkhosi yasePheresiya, kutsi ente simemetelo kulo lonkhe lelalingaphansi kwakhe, nekutsi asibhale phansi atsi:

2 Tikhronike 36:23

“Naku lokushiwo nguKhuresi, inkhosi yasePheresiya, utsi: “ ‘Simakadze, Nkulunkulu welizulu, unginike yonkhe imibuso yemhlaba, sewungiyalile kutsi ngimakhele lithempeli eJerusalema kulakaJuda. Manje-ke, ngulowo nalowo kini nine sive saNkulunkulu losemkhatsini wenu, shangatsi Simakadze Nkulunkulu wakhe angaba naye, ahambe aye khona.’ ”

Ezra 1:1

Ngemnyaka wekucala wekubusa kwaKhuresi, inkhosi yasePheresiya, kuze kugcwaliseke livi laSimakadze lelakhulunywa nguJeremiya, Simakadze watsintsa inhlitiyo yaKhuresi, inkhosi yasePheresiya kutsi ente simemetelo kulo lonkhe lelingaphansi kwakhe, nekutsi asibhale phansi atsi:

Ezra 1:2

“Naku lokushiwo nguKhuresi, inkhosi yasePheresiya, utsi: “ ‘Simakadze, Nkulunkulu welizulu, unginike yonkhe imibuso yemhlaba, wangiyala nekutsi ngimakhele lithempeli lakhe eJerusalema kulakaJuda.

Ezra 1:3

Ngulowo nalowo wesive sakhe losemkhatsini wenu shangatsi Simakadze angaba naye, ahambe aye eJerusalema kaJuda, akhe lithempeli laSimakadze, Nkulunkulu wema-Israyeli, Nkulunkulu loseJerusalema.

Isaya 14:32

“Sitawuphendvula sitsini kuletitfunywa letiphuma kulesive? Sitawusho, sitsi: Simakadze sewuyakhile yatinta iSiyoni, ngulapho sive sakhe lebesihlushwa sitawuphephela khona.”

Isaya 41:27

Ngaba wekucala kutjela iSiyoni, ngatsi: ‘Bukani, naba!’ IJerusalema ngayipha sitfunywa setindzaba letimnandzi.

Isaya 42:15

Ngitawucitsa tintsaba nemagcuma, ngomise konkhe lokumila kuto, ngitawugucula imifula ibe tichingi, ngomise emachibi.

Isaya 45:1

“Naku lokushiwo nguSimakadze kulogcotjiwe wakhe, kuKhuresi, lengibambe sandla sakhe sangasekudla, ngentela kwehlula tive embikwakhe, ngemuke emakhosi tikhali tawo, ngivule neminyango embikwakhe, kuze emasango angetiwuvalwa, ngitsi kuye:

Isaya 45:13

Ngiyawuvusa Khuresi ngekulunga kwami; ngiyakwenta tonkhe tindlela takhe ticondze. Uyawulakha kabusha lidolobha lami, akhulule labatfunjiwe bami, kodvwa loko akwente ngaphandle kwentsengo nemvuzo, kusho Simakadze longuSomandla.”

Isaya 45:3

Ngiyawukunika ingcebo yebumnyama, bunjinga lobubekwe etindzaweni letiyimfihlo, khona utewukwati kutsi mine nginguSimakadze, Nkulunkulu wema-Israyeli, lokubita ngelibito lakho.

Isaya 46:11

Ngibita lingce emphumalanga, eveni lelikhashane ngibite umuntfu atewufeza injongo yami. Loko lese ngikushito, nguloko lengiyawukuphumelelisa; loko lese ngikuhlelile, nguloko lengiyawukwenta.

Isaya 54:11

“Awu, wena, dolobha lelihlushiwe lashaywa tivunguvungu langete ladvudvutwa, ngiyawukwakha ngematje lamahle, tisekelo takho ngitakhe ngemasafire.

Isaya 58:12

Bantfu bakini bayakutivusa tindzala takadzeni, bayawumisa tisekelo tasendvulo, wena uyawubitwa ngekutsi unguMvusi Wetindvonga Letiwile, uMlungisi Wetitaladi kutsi tibuye tibe nemakhaya.”

Isaya 63:11

Sive sakhe sase siyawakhumbula emalanga akadzeni, emalanga aboMosi kanye nesive sakhe, batsi: “Uphi lowa lowabeweta lwandle lolubovu bona kanye nebelusi bemhlambi wetimvu takhe? Uphi lowa lowafaka Moya wakhe Longcwele emkhatsini wabo,

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 27:6

Manje-ke ngitawunikela onkhe lamave enu encekwini yami Nebukhadnezari, inkhosi yaseBhabhulona; ngitakwenta ngisho netilwane tesiganga kutsi timtfobele.

Jeremiya 43:10

Ubobe sewukhuluma kuwo utsi: ‘Naku lokushiwo nguSimakadze longuSomandla, Nkulunkulu wema-Israyeli, utsi: Ngitawutfumela inceku yami Nebukhadnezari, inkhosi yaseBhabhulona, ngiyawumisa sihlalo sakhe sebukhosi etikwalamatje lengiwagcibedzele lapha. Uyakwendlala umpheme wakhe webukhosi etikwawo.

Danyela 10:1

Ngemnyaka wesitsatfu waKhuresi, inkhosi yasePheresiya, kwefika umbono kuDanyela, labebitwa ngekutsi nguBhelteshasari. Emavi awo abeliciniso, futsi abemacondzana nekulwa lokukhulu. Kuwacondzisisa kahle kwakhe kweta ngembono.