Isaya 44:25 - Siswati 1996 Bible

²⁵ lophuntisa tibonakaliso tebaphrofethi bemanga, labaphengulako abente tilima, acitse kufundza kwalabahlakaniphile, akugucule akwente kube ngumbhedvo.

Isaya 44:25 Referencias Cruzadas

2 Samuweli 15:31

Davide abesatjeliwe kwatsiwa: “Ahithofeli usemkhatsini walabo labenta luzungu lwekutsatsa bukhosi kanye na-Absalomu.” Ngako Davide wathandaza watsi: “Awu, Simakadze, gucula kweluleka kwa-Ahithofeli kube nebulima.”

2 Samuweli 16:23

Ngaleso sikhatsi, nome ngabe ngusiphi seluleko lesasiletfwa ngu-Ahithofeli sasemukeleka kube shangatsi ngulona livi laNkulunkulu; bobabili boDavide na-Absalomu babevele basilalele.

2 Samuweli 17:23

Ahithofeli watsi kube abone kutsi seluleko sakhe abakasilandzeli, wabophela imbongolo yakhe, waphuma, wabanga ekhaya kakhe lelalisedolobheni lakubo. Wacala walungisa kahle tonkhe tintfo tasemndenini wakakhe, wase uyatikhunga, wafa; wangcwatjwa edlizeni leyise.

1 Emakhosi 22:37

Wafa kanjalo-ke Ahabi, inkhosi, watsatfwa wayiswa eSamariya, bafike bamfihla khona.

2 Tikhronike 18:11

Bonkhe-ke nalaba labanye baphrofethi babekhuluma intfo yinye, batsi: “Hlasela iRamothi Gileyadi, uyehlule. Ngobe Simakadze utayinikela etandleni tenkhosi.”

2 Tikhronike 18:34

Lonkhe lelo langa imphi yayibambene etulu, inkhosi yaka-Israyeli yatisekela yatitintisa encoleni yayo, ibhekene nemaSiriya kwaze kwaba ngukusihlwa. Kwatsi kusihlwa inkhosi Ahabi yafa.

Tihlabelelo 33:10

Simakadze ucitsa emacebo etive; ushabalalisa imicabango yebantfu.

Eksodusi 9:11

Labalumbi behluleka kuma embikwaMosi, ngobe kwakutse minci ematfumba emitimbeni yabo nakuwo onkhe emaGibhithe.

Isaya 19:3

EmaGibhithe ayawuphelelwa ngemandla; emasu awo ngiyawuwacedza atsi nya. Ayawuya etithicweni ayewuphengula, aze ayewufuna labaphansi, netangoma, nalababhulako.

Isaya 29:14

Ngako-ke ngisetawuphindze ngibamangalise labantfu ngetigigaba etikwetigigaba. Inhlakanipho yetihlakaniphi tabo itawuphela, kukhalipha kwemcondvo kwalabanengcondvo lekhaliphile kutawuphela.”

Jeremiya 49:7

Macondzana ne-Edomu: Naku lokushiwo nguSimakadze longuSomandla, utsi: “Sekwabate yini kuhlakanipha eThemani? Setaphela yini teluleko kulabahlakaniphile? Kuhlakanipha kwabo sekwabola yini?

Jeremiya 50:36

“Kulengela inkemba etikwebaphrofethi bayo bemanga, bayawuba tilima. Inkemba ilengela etikwemabutfo ayo, agcwale kwesaba.

Jeremiya 51:57

Ngiyawudzakisa tindvuna tayo kanye nalabahlakaniphile bayo, nebabusi bayo, netiphatsimandla tayo, kanye nemabutfo ayo nawo. Bayawulala kokuphela bangaphindzi bavuke,” kusho iNkhosi, lelibito layo kunguSimakadze longuSomandla.

Danyela 1:20

Kuyo yonkhe indzaba yekuhlakanipha neyekucondza, inkhosi leyayibabuta ngayo yabakhandza bancono ngalokuphindvwe kalishumi kunato tonkhe tangoma nebatsebuli lababe kuwo wonkhe umbuso wayo.

Danyela 4:7

Kwatsi kube tangoma, nebatsebuli, nabosonkhanyeti, netinyanga befike, ngabalandzisa ngaleliphupho, kodvwa behluleka kungichazela lona.

Hoseya 9:7

Emalanga esijeziso ayeta, yebo emalanga emphindziselo asasondzele, Israyeli kufanele akwati loko. Njengobe tono tenu titinyenti kangaka nebutsa benu bubukhulu kangaka, umphrofethi sewutsatfwa njengesilima, umuntfu wesembulo atsatfwe njengeluhlanya.

Mikha 3:7

Labo lababona lokutako kusengakefiki bayawuhlazeka bative badliwa ngemahloni ngenca yekwehluleka kwabo. Bayawujabha, ngobe Nkulunkulu angasabaphendvuli.

Zakhariya 10:2

Tithico tikhuluma lokuyinkhohliso, labaphengulako babona imibono yemanga, bakhuluma emaphupho langesilo liciniso. Badvudvutana mahhala nje ngelite. Ngako-ke bantfu bazulazula njengetimvu, bacindzetelekile ngekweswela umelusi.

Numeri 23:23

Kute longaloya Jakobe, kute longaphengula Israyeli; kuyawukhulunywa ngaJakobe nanga-Israyeli kutsiwe: ‘Bukani lokwentiwe nguNkulunkulu!’