Isaya 44:21 - Siswati 1996 Bible

²¹ “Khumbula letintfo, wena Jakobe, ngobe uyinceku yami, wena Israyeli. Ngikwentile, wena uyinceku yami, ngingeke ngikukhohlwe, wena Israyeli.

Isaya 44:21 Referencias Cruzadas

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Isaya 40:27

Ukhononelani, wena Jakobe? Wena Israyeli, usolelani ngekutsi: “Indlela yami ifihlakele kuSimakadze; lilungelo lami alikanakeki kuNkulunkulu wami”?

Isaya 42:23

Ngubani emkhatsini wenu lotawulalela loku akunakisise kulesikhatsi lesitako?

Isaya 43:1

Kodvwa nyalo, naku lokushiwo nguSimakadze, lowo lowakudala, wena Jakobe, lowo lowakubumba, wena Israyeli, utsi: “Ungesabi, ngobe ngikuhlengile, Ngikubite ngelibito lakho, wena uwami.

Isaya 43:15

NginguSimakadze, Longcwele wenu, uMdali wema-Israyeli, iNkhosi yenu.”

Isaya 43:7

bonkhe lababitwa ngelibito lami, labo lengabadalela ludvumo lwami, yebo, labo lengababumba ngabenta.”

Zakhariya 10:9

Noko ngibasakatela kuletinye tive, kodvwa kuwo lawo mave lakhashane bayakungikhumbula. Bona kanye nebantfwababo bayawuphila, baphindze babuye.

Dutheronomi 32:18

Nalilahla Lidvwala lelaba nguyihlo kini, namkhohlwa Nkulunkulu lowanitala.

Dutheronomi 4:23

Caphelani ningasikhohlwa sivumelwane saSimakadze Nkulunkulu wenu lasenta nani. Ningatenteli sithico nome saluphi luhlobo Simakadze Nkulunkulu lanalele kutsi nisente.

Dutheronomi 4:9

Caphelani-ke nilindze kahle imiphefumulo yenu, ningaze nikhohlwe nguletintfo lenitibone ngemehlo enu nome nitiyekele tiphunyuke enhlitiyweni yenu yingci nanisaphila. Niyakutifundzisa bantfwabenu nebantfwana bebantfwabenu.