Isaya 44:12 - Siswati 1996 Bible

¹² Umfuli utsatsa lithulusi asebente ngalo emalahleni; abumbe sithico ngetandvo, akubetsele ngemandla akhe onkhe. Uyalamba, aphelelwe ngemandla; anganatsi ngisho emanti, bese uyoma aze acaleke.

Isaya 44:12 Referencias Cruzadas

Eksodusi 32:4

Wawatsatsa wawancibilikisa, wase ubumba litfole lelidvuna legolide. Bantfu bamemeta batsi: “Israyeli! Nangu-ke nkulunkulu wakho lowakukhipha eveni laseGibhithe!”

Eksodusi 32:8

Sebaphambuke ngekushesha kuloko lengabayala ngako; sebancibilikise igolide benta litfole lelidvuna. Balikhotsamela balikhonta, badzimate batsi: ‘Israyeli! Nangu-ke nkulunkulu wakho lowakukhipha eveni laseGibhithe.’ ”

Isaya 40:19

Sithico-ke sona, intfo lebunjwa yingcweti, umfuli nje usembesa ngegolide, asentele netinketane tesiliva.

Isaya 40:20

Umuntfu lomphofu lowehluleka kunikela ngeminikelo lenjena, ukhetsa lukhuni lolungaboli kalula. Utifunela ingcweti yembumbi lohlakaniphile itemmisela sithico lesingeke siwe.

Habakhuki 2:13

Kungabe kambe Simakadze longuSomandla akakumisi yini engcondvweni yakhe kutsi kushikashikeka kwebantfu kungemafutsa nje ekubhebhetela umlilo, nekutsi tive tishikashikeke, titikhandlekele lite?

Habakhuki 2:18

“Sinamsebenti muni sithico, njengaloku sibatwe ngumuntfu nje? Yebo, sisitani sitfombe lesifundzisa emanga? Ngobe lowo losibatako wetsembela emsebentini wetandla takhe, wakha tithico letingeke tize tikhulume.

Zakhariya 1:20

Simakadze wabe sewungibonisa tincondzi letine kutekubata.

Dutheronomi 4:28

Kuleto tive niyawukhonta tithico letentiwe bantfu ngetingodvo nangematje, letingaboni naletingeva, naletingadli, naletingakwati kunuka.