Isaya 43:9 - Siswati 1996 Bible

⁹ Tonkhe tive tibutsana ndzawonye, nebantfu bonkhe bayahlangana. Ngusiphi emkhatsini wetithico tabo lesake sakukhuluma kucala loku kungakenteki, samemetela kitsi tintfo takadzeni? Abaletse bofakazi babo, batewusikhombisa kahle kutsi bebasho kona, khona labanye batewuva batsi: “Kuliciniso.”

Isaya 43:9 Referencias Cruzadas

Tihlabelelo 50:1

Nkulunkulu wabonkulunkulu unguSimakadze lokhulumako. Umemetela emhlabeni wonkhe, kusukela emphumalanga kuye enshonalanga.

Isaya 34:1

Sondzelani, nine tive, nitewulalela; lalelisisani, nine tive! Umhlaba awuve, nako konkhe lokukuwo, umhlaba, nako konkhe lokuphuma kuwo!

Isaya 41:1

“Thulani embikwami, nine tichingi! Tive ativuselele emandla ato! Atiphumele ebaleni tikhulume, asihlangane kanyekanye endzaweni yekwehlulela.

Isaya 43:26

Asibuyekete loko lese kwentekile, ase sikhulumisane ngalendzaba; beka indzaba yakho yekuba msulwa kwakho.

Isaya 44:6

“Naku-ke lokushiwo nguSimakadze, iNkhosi neMkhululi wema-Israyeli, Simakadze longuSomandla, utsi: Mine ngiwekucala newekugcina; ngaphandle kwami kute Nkulunkulu.

Isaya 46:10

Ngimemetela siphetfo kusukela ekucaleni, kusukela etikhatsini takadzeni ngimemetela loko lokutakwenteka. Ngitsi mine: ‘Injongo yami iyakuma, ngiyawukwenta konkhe loko lese ngikuhlelile.’

Isaya 48:14

“Butsanani nonkhe, nitewulalela: Ngusiphi saletithico lesake satisho letintfo tingakenteki? Sihlobo lesikhetsiwe saSimakadze siyakuyifeza injongo yakhe simelane neBhabhulona. Ingalo yaso iyawumelana nebaseBhabhulona.

Isaya 48:3

Ngakhuluma ngetintfo takucala tingakefiki, ngakhuluma ngato kadzeni, umlomo wami watimemetela, ngatenta tatiwa; ngase ngiyatenta masinyane, tavele tenteka.

Joweli 3:11

Sheshisani nite, nonkhe nine tive, tindzawo tonkhe, nihlanganele lapho.’ ” Awu, Simakadze, yehlisa emabutfo akho!