Isaya 43:22 - Siswati 1996 Bible

²² “Noko awukangibiti, wena Jakobe, awukatihluphi ngami, wena Israyeli.

Isaya 43:22 Referencias Cruzadas

Tihlabelelo 14:4

Pho, bate yini lwati bonkhe labantfu labenta lokubi? Badla emandla ebantfu bami shangatsi badla sinkhwa, bangathandazi kuSomandla.

Tihlabelelo 79:6

Tfululela lulaka lwakho etikwetive letingakwati wena, nasetikwemibuso lengakhuleki kuwe.

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Isaya 64:7

Kute namunye lobita Libito lakho, nome lotimisela kubambelela kuwe, ngobe ubufihlile buso bakho kitsi, wasicedza ngenca yetono tetfu.

Jeremiya 10:25

Tfululela lulaka lwakho etikwetive letingakwemukeli wena, etikwetive letingalibiti Libito lakho. Ngobe Jakobe timudle tamshwabudzela, timudle taze tamshwabudzela, tabhubhisa live lakhe lekutalwa.

Jeremiya 2:5

Naku lokushiwo nguSimakadze, utsi: “Cala lini boyihlo labalitfola kimi, kutsi bangaze baphambuke kangaka kimi? Balandzela tithico letingenamsebenti, nabo sebagucuka baba lite.

Danyela 9:13

Njengobe kubhaliwe emtsetfweni waMosi, yonkhe lenhlekelele yehlele etikwetfu, kodvwa tsine sisengakabufunisisi buso baSimakadze Nkulunkulu wetfu, ngekutsi siphendvuke etonweni tetfu, sinakekele ngekucophelela liciniso lakho.

Mikha 6:3

Simakadze utsi: “Sive sami, ngenteni kini? Nginetfwese mtfwalo muni? Ngiphendvuleni.

Malakhi 1:13

Niphindze nitsi: ‘Maye, ngumtfwalo!’ bese nikumfumfutsa ngaphandle kwenhlonipho,” kusho Simakadze longuSomandla. “Naniletsa tifuyo letitsetfwe ngebudlova nome letichutako, nome letigulako nitinikele tibe ngumhlatjelo, kufanele ngitemukele yini kuleto tandla tenu?” kusho Simakadze.

Malakhi 2:17

Senimkhatsatile Simakadze ngemavi enu. Niyabuta nitsi: “Simkhatsate ngani?” Nimkhatsate ngekukhuluma nitsi: “Bonkhe labenta lokubi bahle emehlweni aSimakadze, futsi uyajabula ngabo,” nome: “Uphi loNkulunkulu wema-Israyeli lowehlulela ngebucotfo?”

Malakhi 3:14

“Nine nitsite: ‘Akunamsebenti kukhonta Nkulunkulu. Yini nje lesiyizuzile ngekwenta lakufunako nangekuhamba njengebantfu labalilako embikwaSimakadze longuSomandla?