Isaya 43:19 - Siswati 1996 Bible

¹⁹ Bukani la, ngenta intfo lensha! Manje seyiyavumbuka, aniyiboni yini? Ngenta indlela ehlane, nemifula eveni leligagadzekile.

Isaya 43:19 Referencias Cruzadas

Tihlabelelo 105:41

Wavula lidvwala, kwampompota emanti, ageleta ehlane njengemfula.

Tihlabelelo 126:4

Simakadze, sibuyisele eveni lakitsi, njengobe nemvula ibuyisela emanti etihosheni temifula.

Eksodusi 17:6

Ngitakuma embikwakho edvwaleni leNtsaba iHorebe. Ubolishaya lelidvwala; emanti atawuphuma kulo, bese bantfu bayanatsa.” Mosi wenta njalo embikwebaholi bema-Israyeli.

Isaya 30:25

Ngalelo langa lekuhlaba lokukhulu, ngesikhatsi nakuwa imibhoshongo, imifudlana yemanti iyawugobhota kuto tonkhe tintsaba letiphakeme, nakuwo onkhe emagcuma lamadze.

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Isaya 33:21

Lapho-ke Simakadze uyawuba nguLonemandla wetfu. Kuyawufanana nendzawo lenemifula lebanti nemifudlana. Kute sikebhe lesinetigwedlo lesiyawuhamba kuyo, kute ngisho nemkhumbi lonemandla lotawuntjweza kuyo.

Isaya 35:1

Lihlane nelive lelihamukile kuyawujabula, lugwadvule luyawujabula luchakaze timbali.

Isaya 41:18

Ngiyawukwenta imifula igelete etindzaweni letiphakeme letilugwadvule, netiyalu ekhatsi etihosheni. Ngiyawugucula lihlane libe titiba temanti, nemhlaba logagadzekile ube netiyalu temanti.

Isaya 41:19

Ehlane ngiyawubeka umsedari, nemgamba, nemabovana, nemncumo. Ngiyawumilisa tipheshula eveni leligagadzekile imferi nemsayipuresi kanyekanye,

Isaya 42:9

Buka la, tintfo takucala setentakele, sengimemetela tintfo letinsha; tisengakacali kubonakala ebaleni, senginatisa tona.”

Isaya 48:5

Nginitjele tonkhe-ke letintfo kadzenidzeni, kucala tingakenteki ngatimemetela kini, kuze ningetikusho kutsi: ‘Tithico tami takwenta loku; titfombe tami tetigodvo nabonkulunkulu lababunjwe ngensimbi bakulayeta.’

Isaya 48:6

Nitivile tonkhe-ke letintfo, tibukeni tonkhe. Ningete nativuma yini? “Kusukela nyalo sengitabonitjela tintfo letinsha, tintfo letifihlakele kini, leningatati,

Isaya 49:10

Abaseyikulamba, abaseyikoma; nekushisa kwaselugwadvule nekwelilanga akuseyikubashaya. Lowo lonesihawu nabo uyakubahola, abahambise ngasemitfonjeni yemanti.

Isaya 51:3

“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.

Jeremiya 23:7

Simakadze utsi: “Ngako-ke ayeta emalanga, lapho bantfu bangeyikube basasho khona, batsi: ‘Kuphila kwaSimakadze, lowakhipha ema-Israyeli eGibhithe,’

Jeremiya 31:22

Uyawuzulazula kuze kube ngunini, awu, ndvodzakati lengaketsembeki? Simakadze uyawudala intfo lensha emhlabeni, umfati uyakuyivikela indvodza.”

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Numeri 20:11

Ngako Mosi waphakamisa sandla sakhe washaya lelidvwala kabili ngalendvuku, emanti ampompota kulelidvwala, banatsa bona bonkhe kanye netifuyo tabo.

2 kubaseKorinthe 5:17

Ngako-ke nangabe umuntfu akuKhristu, usidalwa lesisha; tintfo letindzala setendlulile, konkhe sekwentiwe kwaba kusha.

Dutheronomi 8:15

Wanihola nadzabula ekhatsi lihlane lelikhulukati nalelesabekako, live lelomile nalelite emanti, lelinetinyoka letinesihlungu nabofecela. Wanitfululela emanti edvwaleni lelilukhuni.

Sembulo 21:5

Lona bekahleti esihlalweni sebukhosi watsi: “Konkhe sengikwenta kube kusha.” Wachubeka watsi: “Kubhale loku lengikukhulumako, ngobe kungemavi letsembekile nalacinisile.”