Isaya 43:17 - Siswati 1996 Bible

¹⁷ lowadvonsa tincola temphi kanye nemahhashi, emabutfo nemachawe onkhe kanyekanye kwalala khona lapho, akuyiwuphindze futsi kuvuke, kwacinywa, kwaphuphutfwa njengentsambo yesibane.

Isaya 43:17 Referencias Cruzadas

Tihlabelelo 118:12

Tangibunganyela njengelibulo letinyosi, tasha njengemlilo wemanyeva; kodvwa ngelibito laSimakadze ngatishaya ngatibhuca.

Eksodusi 15:19

Emahhashi aFaro, netincola takhe temphi kanye nebagibeli bakhe bemahhashi batseleka ekhatsi elwandle, Simakadze wase uyawayekela emanti, abuyela etikwabo abasibekela; kodvwa ema-Israyeli ewela lwandle, ahamba emhlabatsini lowomile.

Eksodusi 15:4

Tincola temphi taFaro nemabutfo akhe ukujikijele ekhatsi elwandle, tiphatsimandla takhe letikhetsiwe utiphonse eLwandle Lolubovu.

Isaya 1:31

Emadvodza lanemandla ayawuba timbhaca, umsebenti wawo ufanane nenhlase: kokubili kuyawusha ndzawonye, kubete longawucisha lowo mlilo.”

Jeremiya 51:21

Ngawe ngiphihlita lihhashi nemgibeli walo, ngawe ngiphihlita incola yemphi nemshayeli wayo.

Hezekeli 38:4

Ngitakushayisa situngeletane, ngifake emadweba emihlatsini yakho, ngikukhiphe kanye nayo yonkhe imphi yakho, emahhashi akho, nebagibeli bakho bemahhashi labahlome baphelela, nelucucaba lwebantfu labahlome ngisho nangemahawu lamakhulu nalamancane, bonkhe bamengetelisa tinkemba tabo.

Matewu 12:20

Umhlanga lofecekile angeke awephule; intsambo yesibane lebhunyako angeke ayicime, adzimate aphelelise kwehlulela.

Tikhulu 4:16

Kodvwa Bharaki wacosha tincola kanye nayo yonkhe imphi, waze wayawufika eHaroshethi Hagoyimu. Onkhe emabutfo aSisera awa ngelusiko lwenkemba, kwabate ngisho namunye lowaphunyuka.