Isaya 43:12 - Siswati 1996 Bible

¹² Ngembulile, ngasindzisa, ngamemetela, ngimi, akusiso sithico sebetive lesisemkhatsini wenu. Nine nibofakazi bami kutsi mine nginguNkulunkulu,” kusho Simakadze.

Isaya 43:12 Referencias Cruzadas

Isaya 37:20

Manje-ke, Simakadze Nkulunkulu wetfu, sephule esandleni sakhe, kuze yonkhe imibuso yemhlaba yati kutsi wena wedvwa, Simakadze, unguNkulunkulu.”

Isaya 37:7

Lalelani! Ngitawufaka kuye umoya lotamenta kutsi atsi nakeva umbiko lotsite, ancandzeke abuyele eveni lakhe, ngulapho-ke ngiyawumenta kutsi afele khona ngenkemba.’ ”

Isaya 43:10

Simakadze utsi: “Nine ma-Israyeli, nibofakazi bami kanye nenceku yami lengiyikhetsile, kuze nitewukwati nikholwe kimi, nicondze nekutsi mine Nginguye. Ngaphambi kwami kute nkulunkulu lowake wabunjwa, futsi kute loyawubuye abe khona emvakwami.

Isaya 44:8

Ningatfutfumeli, ningesabi. Angizange ngikumemetele yini loku, ngakhuluma ngako kungakenteki kadzeni? Nine nibofakazi bami. Kukhona yini lomunye Nkulunkulu ngaphandle kwami? Cha, kute lelinye Lidvwala, kute nalinye lengilatiko.”

Isaya 45:19

Angikakhulumi ekusitsekeni, kulenye indzawo lelive lebumnyama. Angikasho etitukulwaneni taJakobe, ngatsi: ‘Ngifuneleni lite.’ Mine, Simakadze, ngikhuluma liciniso, ngikhuluma loko lokulungile.”

Isaya 55:4

Buka la, ngimbeke waba ngufakazi etiveni, yebo, umholi nendvuna yetive.

Dutheronomi 32:12

NguSimakadze kuphela lowamhola; kwakute namunye nkulunkulu wetive labenaye.

Dutheronomi 32:16

Bamenta waba nesikhwele ngabonkulunkulu babo betive; bamtfukutselisa ngaleto tithico tabo letinengekako.

Dutheronomi 32:39

“Bonani-ke manje kutsi Ngimi leNginguye, kute lomunye nkulunkulu ngaphandle kwami. Ngiyisa ekufeni, ngibuyise ekuphileni; ngilimatile ngiyawuphilisa futsi. Kute longakhulula lutfo esandleni sami.