Isaya 43:1 - Siswati 1996 Bible

¹ Kodvwa nyalo, naku lokushiwo nguSimakadze, lowo lowakudala, wena Jakobe, lowo lowakubumba, wena Israyeli, utsi: “Ungesabi, ngobe ngikuhlengile, Ngikubite ngelibito lakho, wena uwami.

Isaya 43:1 Referencias Cruzadas

Genesisi 32:28

Lendvodza yatsi: “Libito lakho lingeke lisaba nguJakobe, kodvwa sewutawuba ngu-Israyeli, ngobe ubambene naNkulunkulu nebantfu, wajinge wancoba.”

Tihlabelelo 100:3

Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.

Tihlabelelo 102:18

Loku akubhalwe phansi, kugcinelwe situkulwane lesitako, kuze naleso sive lesiyawuvela naso sidvumise Simakadze.

Eksodusi 15:13

“Sive sakho losisindzisile uyawusihola ngemusa; yebo, uyawusicondzisa ngemandla akho, usimikise endzaweni yakho lengcwele.

Eksodusi 15:16

behlelwe kutfutfumela neluvalo. Ngenca yamandla emkhono wakho, bayawutfomeka, banganyakati nakancane; kuze kwendlule sive sakho, yebo, kuze kwendlule sive sakho, lowasitsenga ebugcilini, Simakadze.

Eksodusi 33:17

Simakadze wakhuluma kuMosi, watsi: “Ngitakwenta loku lokushito, ngobe uzuze umusa emehlweni ami, futsi ngikwati kahle.”

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Isaya 41:14

Ungesabi, wena mphetfu, Jakobe, awu, mntfwanyana, Israyeli, ngobe mine matfupha ngitakusita,” kusho Simakadze, uMhlengi wakho, Longcwele waka-Israyeli.

Isaya 42:6

“Mine, Simakadze, ngikubite ngekulunga, ngiyawubamba sandla sakho. Ngitawugcina ngikwente kutsi ube sivumelwane sami nesive sami, ube kukhanya kubetive,

Isaya 43:21

sive lengatibumbela sona, kuze sitewumemetela ludvumo lwami.”

Isaya 43:5

Ungesabi, ngobe nginawe; bantfwabakho ngitabaletsa kusuka emphumalanga, ngikubutse wena kusukela enshonalanga.

Isaya 43:7

bonkhe lababitwa ngelibito lami, labo lengabadalela ludvumo lwami, yebo, labo lengababumba ngabenta.”

Isaya 44:2

Naku lokushiwo nguSimakadze, lowo lowakwenta, wakubumba esiswini, nalonguyena atakukusita, utsi: Ungesabi, wena Jakobe, nceku yami, Jeshuruni, lengimkhetsile.

Isaya 45:11

“Naku lokushiwo nguSimakadze, Longcwele waka-Israyeli, neMenti wakhe, utsi: Macondzana netintfo letitako, niyangibuta yini ngebantfwabami, nome ningibekele umtsetfo ngemsebenti wetandla tami?

Isaya 48:17

Naku lokushiwo nguSimakadze, uMhlengi wenu, Longcwele waka-Israyeli, utsi: “NginguSimakadze Nkulunkulu wenu, longuyena anifundzisa kutsi ngukuphi lokuncono kunako konkhe kini, lonilayela indlela lekufanele nihambe ngayo.

Isaya 48:20

Sukani lapha eBhabhulona. Wabalekeleni emaBhabhulona. Kumemeteleni loku ngenjabulo lenkhulu, nikubabate, kutfumeleni emikhawulweni yemhlaba, nitsi: “Simakadze umhlengile Jakobe, inceku yakhe.”

Isaya 49:1

Lalelani kimi, nine tichingi, vanini loku, nine tive letikhashane, Simakadze wangibita ngisengakatalwa, kusukela ekutalweni walibita libito lami.

Isaya 49:26

Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”

Isaya 51:13

kutsi ningakhohlwa Simakadze, uMenti wenu, loweneka emazulu, wabeka tisekelo temhlaba, kutsi seningahlala ngekutfutfumela onkhe emalanga ngenca yelulaka lwemcindzeteli, lotilungiselela kunibhubhisa? Ngobe lukuphi nje lulaka lwemcindzeteli?

Isaya 52:9

Hlokomani ngetingoma tekujabula kanyekanye, nine tindzala taseJerusalema, ngobe Simakadze ubadvudvutile bantfu bakhe, iJerusalema uyikhululile.

Isaya 62:12

Bayawubitwa ngekutsi Sive Lesingcwele, Labahlengiwe baSimakadze. Wena uyawubitwa ngekutsi unguLofuniwe, Lidolobha Lelingakalahlwa.

Isaya 63:16

Kodvwa wena unguBabe wetfu, nome nje Abrahama angasati tsine, na-Israyeli angasemukeli tsine, kodwva wena, Simakadze, unguBabe wetfu, uMhlengi wetfu; kwasemandvulo lelo Libito lakho.

Isaya 63:9

Kuko konkhe kukhatsateka kwabo naye abekhatsatekile, ingilosi yebukhona bakhe yabasindzisa, ngelutsandvo lwakhe nangemusa wakhe wabahlenga. Wabatsatsa wabetfwala kuwo onkhe emalanga akadzeni.

Jeremiya 31:3

Simakadze wabonakala kitsi kadzeni, watsi: “Ngikutsandze ngelutsandvo lwaphakadze, futsi ngisachubeka nekukunakekela ngemusa.

Jeremiya 33:24

“Awukanaki yini kutsi labantfu batsi: ‘Simakadze uyilahlile lemibuso lemibili layikhetsa’? Ngako bababukela phansi labantfu bami, ababatsatsi ngekutsi nabo basive.

Jeremiya 33:26

bengitakutilahla titukulwane taJakobe netaDavide, inceku yami, futsi bengingayikuyikhetsa lenye yemadvodzana akhe kutsi ibuse etikwetitukulwane ta-Abrahama, na-Isaka, naJakobe. Ngobe ngiyawubuyisela tibusiso tabo, ngibe nesihawu kubo.’ ”

Jeremiya 50:34

Noko uMhlengi wabo unemandla; nguSimakadze Somandla libito lakhe. Uyakumela indzaba yabo ngemandla, kuze atewuletsa kuphumula eveni labo, kodvwa kungabi nakuthula kulabo labahlala eBhabhulona.

Sililo 3:57

Wasondzela kimi nangikubita, watsi: “Ungesabi.”

Hezekeli 16:8

“ ‘Kamuva ngatsi ngengca ngakuwe, ngatsi ngiyabuka ngakuwe, ngabona kutsi sewukhulile, sewungagana, ngakumbonya ngesembatfo sami ngakwembesa ngaso, ngivala bungcunu bakho. Ngakunika sifungo sami lesicinile, ngangena esivumelwaneni nawe, wena wase uba wami, kusho iNkhosi Simakadze.

Danyela 10:19

Watsi: “Ungesabi, wena ndvodza letsandzeke kakhulu. Kuthula! Cina manje, ube nesibindzi.” Watsi kube akhuluma nami, ngacina lidvolo, ngatsi: “Khuluma, nkhosi yami, ngobe naku sewungicinise emandla.”

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Malakhi 3:17

Simakadze longuSomandla utsi: “Bayawuba bami ngelilanga lengiyawulungisa ngalo konkhe, babe bantfu bami labaligugu lami. Ngiyawubaphephisa njengendvodza nayiphephisa indvodzana yayo leyisebentelako.

Imisebenti yebaPhostoli 27:20

Kwaba ngemalanga lamanyenti singaliboni lilanga netinkhanyeti, nesiphepho sachubeka nekucinisa kuhhusha, saze saphelelwa nalitsemba lekutsi singaphindze siphile.

Imisebenti yebaPhostoli 27:25

Ngako-ke, madvodza, manini sibindzi, ngobe ngiyametsemba Nkulunkulu kutsi kutawuba njengaloku angitjelile.

Kubase-Efesu 2:10

Ngobe tsine singumsebenti waNkulunkulu. Sidalwe ngaJesu Khristu kutsi sente imisebenti lemihle, Nkulunkulu layilungisa kucala.

Dutheronomi 32:15

“Jeshuruni wazimuka wakhahlela; wesutsa kudla, wesuleka, watamasa. Wamfulatsela Nkulunkulu lowamenta, walala Lidvwala lelinguMsindzisi wakhe.

Dutheronomi 32:6

Kungabe lena nguyona ndlela yini lenibonga ngayo kuSimakadze, nine sive lesilibele nalesingakahlakaniphi? Akusiyena yini longuyihlo, uMdali wenu, lowo lowanenta wanibumba?

Dutheronomi 32:9

Ngobe sabelo saSimakadze sive sakhe, Jakobe losabelo lesilifa lakhe.

2 kuThimothi 2:19

Kodvwa sisekelo lesimiswe nguNkulunkulu solomane simile, sineluphawu lolutsi: “INkhosi iyabati lababayo,” nekutsi: “Wonkhe umuntfu lotibita ngelibito leNkhosi akakhweshe kulokubi.”

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.