Isaya 42:3 - Siswati 1996 Bible

³ Umhlanga lofecekile ngeke awephule; intsambo yesibane lebhunyako ngeke ayicime. Ngekwetsembeka kwakhe uyawuletsa umtsetfocotfo,

Isaya 42:3 Referencias Cruzadas

Tihlabelelo 147:3

Labanetinhlitiyo letephukile uyabaphilisa, abophe emanceba abo.

Tihlabelelo 54:5

Uyawungenanela etitseni tami letenta lokubi, ticitse ngekwetsembeka kwakho.

Tihlabelelo 94:15

Kulunga kuyawuphindze kubuyele ekwehlulelweni, bonkhe labacotfo ngenhlitiyo bayawukulandzela.

Tihlabelelo 96:13

embikwaSimakadze, ngobe uyeta, yebo, uyeta kutakwehlulela umhlaba. Uyakwehlulela umhlaba ngekulunga, yebo, ehlulele tive ngekwetsembeka kwakhe.

Tihlabelelo 98:9

embikwaSimakadze, ngobe uyeta kutakwehlulela umhlaba ngekulunga, yebo, ehlulele tive ngebucotfo.

Isaya 2:4

Uyakwehlulela emkhatsini wetive, acatulule imibango yetive letinyenti. Tona-ke tiyawukhandza tinkemba tato, titente tibe ngemakhuba, tikhali tato tibe tikelo tekutsena tihlahla. Sive singeke sihlasele lesinye ngenkemba, futsi tive tingeke tisaceceshelwa kulwa imphi.

Isaya 40:11

Welusa umhlambi wakhe njengemelusi: Ugona emazinyane akhe ngemikhono yakhe, awasondzete edvutane nenhlitiyo yakhe; utihola kahle leto letinemazinyane.

Isaya 42:2

Angeke amemete, futsi ngeke akhale, nome aphakamise livi lakhe etitaladini.

Isaya 50:10

Ngubani emkhatsini wenu lowesaba Simakadze nalolalela livi lenceku yakhe? Lowo lohamba ebumnyameni, longenako kukhanya, aketsembele kulo Libito laSimakadze, asime kuNkulunkulu wakhe.

Isaya 50:4

INkhosi Simakadze inginike lulwimi lolufundzisiwe, kuze ngati livi lekucinisa labamadvolo abo asaceka. Ungivusa njalo nje, ekuseni avuse indlebe yami itewulalela, njengemuntfu nakafundziswa.

Isaya 63:1

Ngubani lona lochamuka ka-Edomu, lobuya eBhosra, lonetingubo letibhocwe ngalokubovu njengengati? Ngubani yena lona, lowembetse umjiva webukhosi lokhatimulako, lohamba acanase ngebukhulu bemandla akhe? “Ngimi, lengikhuluma ngekulunga, lonemandla ekusindzisa.”

Isaya 66:2

Tonkhe letintfo atikentiwa sandla sami yini, kuze kutsi tibe khona?” kusho Simakadze. “Ngulowo-ke mine lengimatisako, lowo lotfobekile nalodzabukile emoyeni, nalolitfutfumelelako livi lami.

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Jeremiya 31:25

Ngiyawubahlumelelisa labo lasebadzangele, ngicinise labo labaphelelwa ngemandla.”

Hezekeli 34:16

Ngiyakutifuna letilahlekile, naletedukile ngitibuyise. Letilimele ngiyawutibopha emanceba, ngiticinise emadvolo letibutsakatsaka, kodvwa letesulekile naleticinile ngiyawutibhubhisa. Ngiyakwelusa umhlambi ngemtsetfocotfo.

Mikha 7:9

Sonile kuSimakadze, ngako nyalo kufanele kutfukutsela kwakhe sikubeketelele kwesikhashana. Kodvwa ekugcineni uyawusivikela, acondzise loko lokubi lokwentiwe kitsi. Uyawusiletsa asifake ekukhanyeni; yebo, siyawuphila, simbone asisindzisa.

Matewu 11:28

“Wotani kimi, nine nonkhe lenikhatsele nalenisindvwa yimitfwalo, ngitaniphumuta.

Matewu 12:20

Umhlanga lofecekile angeke awephule; intsambo yesibane lebhunyako angeke ayicime, adzimate aphelelise kwehlulela.

Johane 20:27

Jesu watsi kuTomase: “Faka umuno wakho la, ubone tandla tami; welule nesandla sakho, usifake emhlubulweni wami. Khawula kungakholwa, kodvwa bani ngulokholwako!”

Johane 5:30

“Mine ngingeke ngitentele lutfo ngekwami; ngehlulela njengaloko lengikuvako, kwehlulela kwami kulungile, ngobe angifuni yona intsandvo yami, kepha intsandvo yalowo longitfumile.

Sembulo 19:11

Ngase ngibona lizulu livulekile, bekunelihhashi lelimhlophe. Lona bekaligibele abebitwa ngekutsi nguLotsembekile naLiciniso; umsulwa ekwehluleleni kwakhe nasekulweni kwakhe.