Isaya 42:20 - Siswati 1996 Bible

²⁰ Ubone tintfo letinyenti, kodvwa awukanaki, tindlebe takho tivulekile, kodvwa awuva lutfo.”

Isaya 42:20 Referencias Cruzadas

Tihlabelelo 107:43

Lohlakaniphile akacaphele letintfo, bantfu abayicondzisise imisebenti yemusa waSimakadze.

Isaya 1:3

Inkhabi iyamati umniyo, nembongolo sibaya semniyo, kodvwa Israyeli akati lutfo, sive sami asicondzi.”

Isaya 58:2

Ngobe bangifuna onkhe emalanga, babonakala shangatsi banenshisekelo yekwati tindlela tami, kube shangatsi basive lesenta lokulungile, lesingakayishiyi imiyalo yaNkulunkulu waso. Babuta kimi tehlulelo leticotfo, babonakale shangatsi bashisekela kutsi Nkulunkulu asondzele kubo.

Isaya 6:9

Watsi: “Hamba utjele lesive utsi: “ ‘Lalelani njalo, kodvwa ningeva; bukani njalo, kodvwa ningaboni.’

Jeremiya 6:10

Ngubani nje lengingakhuluma kuye ngimecwayise? Ngubani lotangilalela? Tindlebe tabo tivalekile, kuze bangetikuva. Livi laSimakadze lisikhubekiso kubo, abajabuli ngalo.

Hezekeli 33:31

Bantfu bami beta kuwe, njengobe bavame kwenta, bahlale embikwakho balalele emavi akho, kodvwa abawenti. Ngemilomo yabo bakhuluma kutsi batinikele, kodvwa tinhlitiyo tabo tibukhali, tifuna inzuzo lembi.

Hezekeli 33:32

Yebo, kubo awusilutfo, ufanana nemuntfu lohlabela tingoma telutsandvo ngeliphimbo lelimnandzi, adlale nemntjingozi kamnandzi, ngobe emavi akho bayaweva, kodvwa bangawenti.

Numeri 14:22

kute nome munye walabantfu lababona inkhatimulo yami netibonakaliso letiyimimangaliso lengatenta eGibhithe nasehlane kodvwa bangete bangilalela, bangilinga emahlandla lalishumi,

Matewu 13:13

Kungako nje ngikhuluma kubo ngemifanekiso, ngobe nome babuka ababoni, nome beva abevisisi, abacondzi.

KubaseRoma 2:21

Pho, njengobe ufundzisa labanye, wena awutifundzisi ngani? Wena ushumayela kutsi kungebiwa, pho, wena ubelani?

Dutheronomi 4:9

Caphelani-ke nilindze kahle imiphefumulo yenu, ningaze nikhohlwe nguletintfo lenitibone ngemehlo enu nome nitiyekele tiphunyuke enhlitiyweni yenu yingci nanisaphila. Niyakutifundzisa bantfwabenu nebantfwana bebantfwabenu.