Isaya 42:14 - Siswati 1996 Bible

¹⁴ Simakadze utsi: “Sesikhatsi lesidze ngibindzile, bengibindzile, ngitibambile. Kodvwa nyalo, njengemfati nakabeleka, ngiyakhala, ngiyacucumuka.

Isaya 42:14 Referencias Cruzadas

Jobe 32:18

Ngobe mine ngigcwele emavi, nemoya longekhatsi kwami uyangicindzetela.

Jobe 32:20

Kufanele ngikhulume kuze ngitfole kuhhamuleka, kufanele ngivule umlomo wami ngiphendvule.

Tihlabelelo 50:2

ESiyoni lenebuhle lobuphelele, kulapho Nkulunkulu akhatimula khona.

Tihlabelelo 50:21

Loko ukwentile, kodvwa mine ngathula; wenta shangatsi mine ngifanana nawe. Kodvwa sengitakwekhuta, ngitawubeka licala emehlweni akho ubuka.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Isaya 57:11

“Ngubani lona lebewumvevela kangaka, umesaba, uze ungetsembeki kimi, ungasangikhumbuli, futsi ungasangicabangi ngisho nasenhlitiyweni yakho? Akwentiwa kutsi sengithule sikhatsi lesidze yini lokutsi ungasangesabi?

Isaya 64:12

Awu, Simakadze, emvakwako konkhe loku utawuchubeka yini utibambe? Wena utawuthula nje, usijezise ngalokungetulu kwemandla etfu?

Isaya 65:6

“Buka la, kuhlala kubhaliwe embikwami, kutsi: Ngingeke ngibindze, kodvwa ngitakukhokhela ngalokugcwele, ngitakukhokhela ematsangeni abo,

Jeremiya 15:6

Simakadze utsi: “Ungilahlile mine. Ulibele kuchubeka nekuhlubuka. Ngako ngitawubeka tandla tami etikwakho, ngikubhubhise, ngingeke ngisaba nesihe kuwe.

Jeremiya 4:31

Ngiva kukhala lokunjengekwemfati lophetfwe ngumhelo, kuquma lokunjengekwalowo lobeleka litubulo lakhe, kukhala kweNdvodzakati yaseSiyoni, lephefumulela etulu, leyelula tandla tayo itsi: “Maye, ngiyacaleka, kuphila kwami kunikelwe etandleni tebabulali.”

Jeremiya 44:22

Watsi Simakadze nasehlulekile kubeketelela tento tenu tebubi naletintfo letisinengiso lenanitentile, live lenu laba yintfo yekucalekisa nendzawo lelihlane lelite bantfu, njengobe linjalo lamuhla.

Lukha 18:7

Pho, Nkulunkulu utakwehlulwa yini kubevela labakhetsiwe bakhe, labakhala kuye imini nebusuku bacela lusito? Uyawubina yini ekubasiteni?

2 yaPhetro 3:15

Kubeketela kweNkhosi nibokutsatsa ngekutsi kunentela ematfuba ekusindziswa, njengobe nemzalwane wetfu lotsandzekako longuPawula anibhalele ngekuhlakanipha laphiwe kona.