Isaya 42:11 - Siswati 1996 Bible

¹¹ Lihlane nemadolobha alo akuphakamise emaphimbo ako; tabelo, lapho kuhlala khona bakaKhedari, atijabule. Bantfu baseSela abahlabele ngekujabula, abamemete baseticongweni tetintsaba.

Isaya 42:11 Referencias Cruzadas

Genesisi 25:23

Simakadze wamphendvula watsi: “Esiswini sakho kunetive letimbili. Utawutala tive letitakwehlukana tinhlobo letimbili. Lesinye sive siyawuba nemandla kunalesinye, lomdzala akhonte lomncane.”

Tihlabelelo 120:5

Maye kimi, lengingumchamuki lapha kaMesheki, ngihlala emathendeni akaKhedari.

Isaya 12:5

Hlabelani kuSimakadze, ngobe wente tintfo letincomekako; loku akwatiwe emhlabeni wonkhe.

Isaya 16:1

Tfumelani emazinyane etimvu lesuka eSela, ngasehlane, aye entsabeni yeNdvodzakati yaseSiyoni, abe setfulo enkhosini yelive.

Isaya 21:16

Naku-ke lokushiwo nguSimakadze kimi, utsi: “Njengesisebenti lesenta sivumelwane semnyaka munye nemcashi waso, balisisa kahle emalanga, ngobe ekugcineni kwawo lonkhe ludvumo lwakaKhedari lutawuphela.

Isaya 32:16

Umtsetfocotfo uyawuhlala ehlane, kulunga kuhlale ensimini levundzile.

Isaya 35:1

Lihlane nelive lelihamukile kuyawujabula, lugwadvule luyawujabula luchakaze timbali.

Isaya 35:6

Labachutako bayawusuka emagonso njengenyamatane, nelulwimi lwesimungulu luyawumemeta ngenjabulo. Emanti ayawugeleta ehlane, kube nemifudlana elugwadvule.

Isaya 40:3

Livi lalomemetako litsi: “Lungisani indlela yaSimakadze ehlane; yentani ucondze ekhatsi ehlane umgwaco lomkhulu waNkulunkulu wetfu.

Isaya 43:19

Bukani la, ngenta intfo lensha! Manje seyiyavumbuka, aniyiboni yini? Ngenta indlela ehlane, nemifula eveni leligagadzekile.

Isaya 52:7

Maye, tinhle etintsabeni tinyawo talabo labashumayela tindzaba letimnandzi, labamemetela kuthula, baletse tindzaba letimnandzi, bamemetele insindziso kuyo iSiyoni, batsi: “Nkulunkulu wakho uyabusa!”

Isaya 60:7

Yonkhe imihlambi yaseKhedari iyawubutsanela kuwe, tihhanca takaNebayothi tiyawukukhonta, tibe ngiminikelo leyemukeleka elatini lami, ngiyawulihlobisa lithempeli leludvumo lwami.

Jeremiya 21:13

Ngiphambene nawe, Jerusalema, wena lohlala ngetulu kwalesihosha entsabeni lengemadvwala, kusho Simakadze. Nine lenikhulumako, nitsi: “Ngubani nje longasihlasela? Ngubani longangena kulenqaba yetfu?”

Jeremiya 48:28

Shiyani emadolobha enu niyewuhlala emkhatsini wemadvwala, nine lenihlala kaMowabi. Lingisani lituba, lona lakha sidleke salo ekungeneni kwemgedze.

Jeremiya 49:16

Lokwesabeka kwakho nekukhukhumala kwenhlitiyo yakho kukuyengile, wena lohlala ekhatsi emifantfwini yemadvwala, wena lohlala eticongweni teligcuma. Nome wakha sidleke sakho lapha etulu njengelusweti, kodvwa ngiyawukwehlisela phansi,” kusho Simakadze.

Jeremiya 49:31

“Sukumani nihlasele lesive lesikhibikile, lesihleti ngesibindzi, sive lesingenamasango lacinile, ngisho nemicabo. Bantfu baso bahlala ngabodvwa,” kusho Simakadze.

Hezekeli 27:21

“ ‘Base-Arabiya nabo bonkhe labakhulu baseKhedari bekunguwona makhasimende akho lamakhulu, bona-ke babetsengiselana nawe ngemazinyane etimvu, nangetihhanca tetimvu kanye netimbuti.

Obadiya 1:3

Kutigcabha kwenhlitiyo yakho kukwedukisile, wena uhlala endlunkhulu yakho lesemifantwini yemadvwala. Umuti wakho usetulu etintsabeni. Wena utitjela utsi: ‘Ngubani nje longangehlisela phansi?’

Nahume 1:15

Bukani lapha etikwetintsaba, tinyawo talowo loniletsela tindzaba letimnandzi, lowo lomemetela kuthula. Gubhani imikhosi yenu, nine maJuda, nigcwalise tifungo tenu. Sekute lababi labayakunihlasela. Bayawubhubha bonkhe baphele.