Isaya 42:10 - Siswati 1996 Bible

¹⁰ Hlabelani ingoma lensha kuSimakadze, netibongo takhe kusukela emikhawulweni yemhlaba, nine lenintjweza ngemikhumbi elwandle, nako konkhe lokukulo, nine tichingi, nani nonkhe lenihlala kuto.

Isaya 42:10 Referencias Cruzadas

1 Tikhronike 16:32

Akubhodle lwandle nako konkhe lokukulo. Emadlelo akajabule nako konkhe lokukuwo.

Tihlabelelo 150:6

Konkhe lokuphilako akudvumise Simakadze. Haleluya, dvumisani Simakadze!

Tihlabelelo 33:3

Mhlabeleleni ingoma lensha, niyidlale ngebuciko, nimemete ngekujabula.

Tihlabelelo 40:3

Wafaka ingoma lensha emlonyeni wami, ingoma yekudvumisa Nkulunkulu wetfu. Labanyenti bayawubona bamesabe, babeke litsemba labo kuSimakadze.

Tihlabelelo 65:5

Usiphendvule ngemisebenti lemangalisako, wena Sokulunga; wena unguNkulunkulu wensindziso yetfu. Bonkhe bantfu emhlabeni wonkhe, nangesheya kwetilwandle, betsembele kuwe.

Tihlabelelo 72:10

Shangatsi emakhosi aseThashishi nasetichingini, angetfula tipho kuyo. Shangatsi emakhosi aseSheba newaseSeba angetfula kuyo imitselo yawo.

Tihlabelelo 96:11

Jabulani mazulu, tsakasa nawe mhlaba, kubhodle lwandle nako konkhe lokukulo.

Tihlabelelo 97:1

Simakadze uyabusa, umhlaba awujabule netichingi tonkhe tijabule.

Eksodusi 15:1

Mosi nema-Israyeli bahlabela kuSimakadze nansi ingoma, batsi: “Ngiyawuhlabela kuSimakadze, ngobe uphakanyiswe kakhulu, lihhashi nemgibeli walo ukujikijele elwandle.

Eksodusi 20:11

Ngemalanga lasitfupha Simakadze wadala lizulu nemhlaba, nelwandle nako konkhe lokukuko, waphumula ngelilanga lesikhombisa. Ngako-ke Simakadze walibusisa walingcwelisa lelilanga leliSabatha.

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 12:5

Hlabelani kuSimakadze, ngobe wente tintfo letincomekako; loku akwatiwe emhlabeni wonkhe.

Isaya 42:4

ngeke angabate nome ajabhiswe, aze emise umtsetfocotfo wami emhlabeni. Tichingi tiyawubeka litsemba lato kulomtsetfo wakhe.”

Isaya 44:23

Hlabelani ngekujabula, nine mazulu, ngobe loku kwentiwe nguSimakadze; memetani kakhulu, nine tindzawo temhlaba letijulile. Hlokomani ngengoma, nine tintsaba, nine mahlatsi, nato tonkhe tihlahla tenu. ngobe Simakadze sewuhlenge Jakobe, ubonakalisa bukhosi bakhe ka-Israyeli.

Isaya 48:20

Sukani lapha eBhabhulona. Wabalekeleni emaBhabhulona. Kumemeteleni loku ngenjabulo lenkhulu, nikubabate, kutfumeleni emikhawulweni yemhlaba, nitsi: “Simakadze umhlengile Jakobe, inceku yakhe.”

Isaya 49:13

Memetani ngenjabulo, mazulu! Tsakasa, nawe mhlaba! Klabalazani nihlabele, nani tintsaba! Ngobe Simakadze uyabadvudvuta bantfu bakhe, futsi uyawuba nesihawu kulabo labadzabukisiwe bakhe.

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 51:5

Kulunga kwami kusondzela ngekushesha, insindziso yami isendleleni, ngiyakwehlulela tive ngemkhono wami. Tichingi tiyawubuka kimi, tilindzele ngekwetsemba umkhono wami.

Isaya 60:6

Imihlambi yemakamela iyawugcwala eveni lakho, emakamela lamancane akaMidiyani newase-Efa. Bonkhe baseSheba bayawuta, betfwele igolide nemphepho, bamemetela ludvumo lwaSimakadze.

Isaya 60:9

Nayi imikhumbi yetichingi icondza kimi, kuhamba embili imikhumbi yaseThashishi, iletse emadvodzana akho laphuma khashane labuya nesiliva negolide yawo, atewudvumisa Simakadze Nkulunkulu wakho, longuLongcwele waka-Israyeli, ngobe ukwetfwese inkhatimulo.

Isaya 62:11

Lalelani la: Simakadze sewente simemetelo lesiya emikhawulweni yonkhe yemhlaba, lesitsi: “Tjela iNdvodzakati yaseSiyoni, utsi: ‘Buka, nanguya uMsindzisi wakho uyeta! Bukela, umvuzo wakhe ukuye, nenkhokhelo yakhe ihamba embikwakhe.’ ”

Isaya 65:14

Tinceku tami tiyawuhlabela ngenca yekujabula lokuphuma etinhlitiyweni tato; kodvwa nine niyawukhala ngenca yekudzabuka kwetinhlitiyo, nilile ngenca yekudzabuka kwemoya.

Zefaniya 2:11

Simakadze uyakwesabeka kubo, nase abhubhisa bonkhe bonkulunkulu balelo live. Tive letikulo lonkhe lusentse lwelwandle tiyakumkhonta, nguleso naleso sive eveni laso.

Sembulo 14:3

Labantfu lababenelibito leliWundlu neleYise emabuntini abo, basukuma bahlabela ingoma lensha embikwesihlalo sebukhosi, nasembikwetidalwa letine, nasembikwemalunga. Kute lomunye labengahle abe nemandla ekufundza lengoma, ngaphandle kwabo kuphela lababehlengiwe emhlabeni lababeti-144 000.

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.