Isaya 41:26 - Siswati 1996 Bible

²⁶ Ngubani lowase wakhuluma ngaloku kusukela ekucaleni, kuze sitewukwati, nome-ke kwasendvulo, kuze natsi sitekusho sitsi: ‘Abecinisile’? Kute lowase wasitjela ngaloku, kute nalowakusho kungakenteki, kute lowake weva emavi enu.

Isaya 41:26 Referencias Cruzadas

Isaya 41:22

Ngenisani tithico tenu titesitjela kutsi kutakwentekani. Tisitjele kutsi tintfo takucala kwakuyini, kuze natsi siteticabanga sati siphetfo sato.

Isaya 41:4

Ngubani lowente loku wadzimate wakuphumelelisa, wabita titukulwane kusukela ekucaleni? Mine, Simakadze, lengangikhona ekucaleni nalengiyawube ngikhona nasekugcineni, solo nginguye.”

Isaya 43:9

Tonkhe tive tibutsana ndzawonye, nebantfu bonkhe bayahlangana. Ngusiphi emkhatsini wetithico tabo lesake sakukhuluma kucala loku kungakenteki, samemetela kitsi tintfo takadzeni? Abaletse bofakazi babo, batewusikhombisa kahle kutsi bebasho kona, khona labanye batewuva batsi: “Kuliciniso.”

Isaya 44:7

Ngubani-ke lofanana nami? Lowo akakumemetele. Akakumemetele, akubeke embikwami, loko lokwentekile kusukela ngasungula sive sami sakadzenidzeni, naloko lokuseta, yebo, akasho kucala phela kutsi kutakwentekani.

Isaya 45:21

Shanoni loko lokutako, nikwetfule; abelulekane kanyekanye. Ngubani lowase wakhuluma ngaloku kungakenteki kadzeni, wakukhuluma kusesekhashane endvulo? Kwakungesimi yini, Simakadze? Futsi kute lomunye Nkulunkulu ngaphandle kwami, Nkulunkulu lolungile nalonguMsindzisi; kute lomunye ngaphandle kwami.

Isaya 46:9

Khumbulani tintfo takadzeni, leto takadzenidzeni. Ngobe nginguNkulunkulu, futsi kute lomunye; nginguNkulunkulu, futsi kute lonjengami.