Isaya 41:18 - Siswati 1996 Bible

¹⁸ Ngiyawukwenta imifula igelete etindzaweni letiphakeme letilugwadvule, netiyalu ekhatsi etihosheni. Ngiyawugucula lihlane libe titiba temanti, nemhlaba logagadzekile ube netiyalu temanti.

Isaya 41:18 Referencias Cruzadas

Tihlabelelo 104:10

Wenta tiyalu tigelete etihosheni, ageletise imifula emkhatsini wetintsaba.

Tihlabelelo 105:41

Wavula lidvwala, kwampompota emanti, ageleta ehlane njengemfula.

Tihlabelelo 107:35

Wagucula lihlane laba ngumena, umhlaba lowomile wamila tiyalu.

Tihlabelelo 126:4

Simakadze, sibuyisele eveni lakitsi, njengobe nemvula ibuyisela emanti etihosheni temifula.

Tihlabelelo 46:4

Kukhona umfula lonemifudlana lejabulisa labo labasekhaya laNkulunkulu, endlini lengcwele yaLosetikwako Konkhe.

Isaya 12:3

Ngekujabula niyawukha emanti emitfonjeni yensindziso.

Isaya 30:25

Ngalelo langa lekuhlaba lokukhulu, ngesikhatsi nakuwa imibhoshongo, imifudlana yemanti iyawugobhota kuto tonkhe tintsaba letiphakeme, nakuwo onkhe emagcuma lamadze.

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Isaya 33:21

Lapho-ke Simakadze uyawuba nguLonemandla wetfu. Kuyawufanana nendzawo lenemifula lebanti nemifudlana. Kute sikebhe lesinetigwedlo lesiyawuhamba kuyo, kute ngisho nemkhumbi lonemandla lotawuntjweza kuyo.

Isaya 35:1

Lihlane nelive lelihamukile kuyawujabula, lugwadvule luyawujabula luchakaze timbali.

Isaya 44:3

Ngobe ngiyawutfululela emanti eveni lelomile, nemifula emhlabatsini lowomile; ngiyawutfululela Moya wami kubantfwana bakho, nesibusiso sami etitukulwaneni takho.

Isaya 48:21

Abazange sebome ngesikhatsi abahola ehlane; wabavulela emanti agobhota edvwaleni, wacheketa lidvwala, kwampompota emanti.

Isaya 58:11

Simakadze uyawukuhola njalo, uyakwenetisa tidzingo takho, eveni lapho libalele likhipha inhlanti emantini, uyakucinisa ematsambo akho. Uyawuba njengengadze leniseleke kahle, nanjengemtfombo lapho emanti akhona angomi.

Isaya 65:13

Ngako-ke naku lokushiwo yiNkhosi Simakadze, itsi: “Tinceku tami tiyawudla, kodvwa nine niyawulamba; tinceku tami tiyawunatsa, kodvwa nine niyawukoma; tinceku tami tiyawujabula, kodvwa nine niyawuhlazeka, nijabhe.

Joweli 3:18

“Ngalelo langa tintsaba tiyawuntfontsa liwayini lelisha, kutsi emagcuma agelete lubisi, tihosha takaJuda tigijime emanti. Umtfombo uyawugeleta uphume endlini yaSimakadze unisele Sigodzi Semigamba.

Zakhariya 14:8

Ngalelo langa emanti laphilako ayawugeleta aphuma eJerusalema, incenye yawo igeletele elwandle lolungasemphumalanga, kutsi incenye yawo igeletele elwandle lolungasenshonalanga, busika nehlobo.

Sembulo 22:1

Lengilosi yase ingikhombisa umfula wemanti ekuphila, wawukhanya njengengilazi lekhanya kubonakale ngale. Emanti awo abegeleta aphuma esihlalweni sebukhosi saNkulunkulu neseliWundlu.

Sembulo 7:17

Ngobe liWundlu laNkulunkulu lelisenkhabeni yesihlalo sebukhosi, liyawubelusa, libaholele emitfonjeni yemanti ekuphila. Nkulunkulu uyakwesula tonkhe tinyembeti tabo emehlweni abo.”

Tikhulu 15:19

Ngako Simakadze wavula indzawo lenemhholo eLehi, kwachamuka emanti kuyo, Samsoni wanatsa kuyo, emandla akhe abuya, wavuseleleka. Ngako lowo mtfombo, wetsiwa libito kwatsiwa yi-Eni Hakhore; nalamuhla loku usesekhona lapho eLehi.