Isaya 41:16 - Siswati 1996 Bible

¹⁶ Uyakuwela, umoya uwakhetse, sivunguvungu siyakuwaphephula. Kodvwa wena uyawujabula ngaSimakadze, utibonge ngaLongcwele waka-Israyeli.

Isaya 41:16 Referencias Cruzadas

Tihlabelelo 1:4

Lababi-ke bona abanjalo, banjengemakhoba wona lapheshulwa ngumoya.

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Isaya 17:13

Naloku tive tihokoma njengekuhokoma kwemabhudlo emanti, Nkulunkulu nakabatsetsisa, babaleka baye khashane, bapheshulwe emoyeni njengemakhoba, nakaphephuka etulu emagcumeni, nanjengelukhula loluzushuniwe, nalukhukhulwa sihhuhhula semoya.

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Isaya 28:5

Ngalelo langa Simakadze longuSomandla uyawuba ngumchele webukhosi, umchele lomuhle wensali yesive sakhe.

Isaya 29:19

Labatfobekile bayawubuye bajabule ngaSimakadze; labeswele bayawujabula ngaLongcwele waka-Israyeli.

Isaya 29:5

Kodvwa titsa takho letinyenti titawuba njengelutfuli lwemhlabatsi, leticumbi tebantfu labanelunya tiyawuba njengemakhoba lapheshulwa ngumoya. Ngekushesha, ngekuphatima kweliso

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Isaya 40:24

Batsi basengakahlanyelwa, basengakatjalwa nekutjalwa, basengakasimi ngisho nasemhlabatsini, bese uyabaphuphutsa, babune, kutsi umoya losiwunguwungwane ubaphephule, ubalahle khashane njengemakhoba.

Isaya 51:3

“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.

Isaya 60:19

Lilanga aliseyikuba kukhanya kwakho emini, ngisho nekukhanya kwenyeti kungeke kusakukhanyisela wena, ngobe Simakadze uyawuba kukhanya kwakho kwaphakadze, Nkulunkulu wakho abe ludvumo lwakho.

Isaya 65:18

Kodvwa jabulani nitfokote phakadze naphakadze ngaloko lengiyawukudala, ngobe iJerusalema ngiyawuyidala ibe yintfokoto, nebantfu bayo babe yinjabulo.

Jeremiya 15:7

Ngiyakubahlunga ngemfologo yekuhlenga ngasemasangweni emadolobha elive. Ngitawuletsa sifo nembhubhiso esiveni sami, ngobe abakatiguculi tindlela tabo.

Jeremiya 51:2

Ngiyawutfumela tihambi eBhabhulona kutsi titeyihlunga tibhubhise nelive layo. Tiyawumelana nayo ndzawo tonkhe, ngelilanga lenhlekelele yayo.

Jeremiya 51:20

“Ulizembe lami lemphi, nesikhali sami semphi, ngawe ngiphihlita tive, ngawe ngibhubhise imibuso.

Jeremiya 51:33

Naku lokushiwo nguSimakadze longuSomandla, Nkulunkulu wema-Israyeli, utsi: “INdvodzakati yaseBhabhulona injengendzawo yekubhulela kolo ngesikhatsi nayigcotjwagcotjwa, sikhatsi sekuyivuna iBhabhulona sitawufika masinyane.”

Danyela 2:35

Lensimbi, nalelibumba, nalelitfusi, nalesiliva, nalegolide kwabhidlika kwaba ticucu ngasikhatsi sinye, kwaze kwafanana nemakhoba lasebaleni lekubhula ehlobo. Umoya wakuphephula konkhe, kwangete kwasala lutfo. Kodvwa lelidvwala lelalishaye lesitfombe lakhula laba yintsaba lenkhulu, lagcwala wonkhe umhlaba.

Hoseya 11:9

Ngingeke ngiyisebentise intfukutselo yami leyesabekako, futsi ngingeke ngiphindze ngimbhubhise Efrayimu. Ngobe mine nginguNkulunkulu, angisiye umuntfu, nginguLongcwele losemkhatsini wenu. Ngingeke ngifike ngelulaka.

Joweli 2:23

Jabulani, nine sive saseSiyoni, tfokotani kuSimakadze Nkulunkulu wenu, ngobe sewuniphe umfundzisi wekulunga. Unitfumela imvula lenyenti, imvula yasekwindla neyasentfwasahlobo njengakucala.

Mikha 5:8

Insali yema-Israyeli iyakubasemkhatsini wetive letinyenti, ifanane nelibhubesi lelitingela ehlatsini noma edlelweni: Lisuka lingene emkhatsini wetimvu, litisukele litidzabudzabule ticucwana, litsemba lato lekusindza lingabikho.

Habakhuki 3:18

noko ngitawujabula ngaSimakadze, ngijabulele Nkulunkulu, uMsindzisi wami.

Matewu 3:12

Sitja sakhe sekwela sisesandleni sakhe; uyawushanelisisa sibuya sakhe abutsele emabele esilulwini sakhe, kepha emakhoba uyawuwashisa ngemlilo longacimeki.”

KubaseRoma 5:11

Noko akusiko loko kuphela, kodvwa siphindze sijabula kuNkulunkulu ngaJesu Khristu iNkhosi yetfu lokungaye semukeliswe kubuyisana naNkulunkulu.

KubaseFiliphi 3:3

Ngitsi labasoke sibili, tsine lesikhonta ngaMoya waNkulunkulu, sitibonga kuKhristu Jesu, asetsembeli enyameni,