Isaya 41:12 - Siswati 1996 Bible

¹² Nome sewutiphenyisisa titsa takho, ungeke utitfole. Labo labaphekehla imphi nawe bayawuba lite lelite.

Isaya 41:12 Referencias Cruzadas

Isaya 17:14

Kutsi kungahlwa, bahlanyele budlova! Kutsi kusa, babe bangasekho! Lesi sabelo salabo labaphanga tsine, likoyi lalabo labasiphangako.

Isaya 29:8

Njengemuntfu losabulewe yindlala nakabhudza adla, kodvwa utsi navuka ekuseni akhandze indlala imphetse, nanjengemuntfu nakomile abhudze anatsa, kodvwa atsi navuka ekuseni atikhandze afile koma, kuyawuba njalo-ke nangalemilalandle yato tonkhe tive letilwa neNtsaba yaseSiyoni.

Isaya 34:12

Babusi balo kuyawubate labayawukubita batsi bukhosi, bonkhe baholi balo bayawunyamalala.

Isaya 49:25

Kodvwa naku lokushiwo nguSimakadze, utsi: “Yebo, emabutfo ayakwemukwa labatfunjiwe, nalabanelunya bemukwe imphango. Kodvwa ngiyakulwa nalabo labalwa nawe, ngibasindzise bantfwabakho.

Zefaniya 3:19

Ngaleso sikhatsi ngiyawubajezisa bonkhe labo lababekucindzetela; labachutako ngiyawubaphephisa, ngibabutse bonkhe labo labebasakatiwe. Ngiyawubadvumisa ngibatisise emhlabeni wonkhe lapho bebahlazeke khona.