Isaya 40:4 - Siswati 1996 Bible

⁴ Tonkhe tigodzi tiyawugcwaliswa; tonkhe tintsaba nemagcuma kuyakwehliswa. Umhlaba lomagebhugebhu uyawulinganiswa, ematsafa latigodzigodzi entiwe abeke.

Isaya 40:4 Referencias Cruzadas

Taga 2:15

labatindlela tabo tigwegwile, nalabahamba ngetindlela tekweduka.

Isaya 40:3

Livi lalomemetako litsi: “Lungisani indlela yaSimakadze ehlane; yentani ucondze ekhatsi ehlane umgwaco lomkhulu waNkulunkulu wetfu.

Isaya 40:5

Inkhatimulo yaSimakadze iyakwembulwa, nalo lonkhe luntfu luyakuyibona; ngobe umlomo waSimakadze sewukhulumile.”

Isaya 42:11

Lihlane nemadolobha alo akuphakamise emaphimbo ako; tabelo, lapho kuhlala khona bakaKhedari, atijabule. Bantfu baseSela abahlabele ngekujabula, abamemete baseticongweni tetintsaba.

Isaya 45:2

Ngiyawuhamba embikwakho ngente tintsaba tibeke. Ngiyakwephula emasango elitfusi, ngijube imigcala yetinsimbi lengimishudvo.

Isaya 49:11

Ngiyawugucula tonkhe tintsaba tami tibe ngimigwaco, nemigwaco yami lemikhulu iyawuphakanyiswa.

Isaya 62:10

Phumani, phumani emasangweni! Lungiselelani bantfu umgwaco! Yakhani, yakhani umgwaco lomkhulu! Susani ematje. Phakamiselani tive siboniso sekuncoba, titesibona.

Hezekeli 17:24

Tonkhe tihlahla tesiganga tiyawukwati kutsi mine Simakadze ngehlisa sihlahla lesidze, bese ngenta sihlahla lesifishane sikhule sibe sidze. Ngomisa sihlahla lesiluhlata, bese ngihlumisa sihlahla lesomile sibe luhlata. “ ‘Mine Simakadze sengikhulumile, futsi ngitawukwenta loko.’ ”

Hezekeli 21:26

naku lokushiwo yiNkhosi Simakadze, itsi: Khumula lomshuculo wenhloko, ususe lomchele. Kungeke kube njengaloko kwakunjalo: Lotfobekile uyawuphakanyiswa, lophakeme ehliswe.

Zakhariya 4:7

“Uyini wena, wena ntsaba lenemandla? EmbikwaZerubhabheli uyawuba litsafa lelibekile. Yena-ke uyawubeka litje lekwephetsa lithempeli, kumenyetwe kutsiwe: ‘Nkulunkulu akalibusise! Nkulunkulu akalibusise!’ ”

Lukha 18:14

Jesu watsi: “Nginitjela kutsi lendvodza lengumtselisi yabuyela ekhaya seyemukelwe nguNkulunkulu kutsi ilungile kunalona lomunye, ngobe phela wonkhe umuntfu lotiphakamisako, uyawutfotjiswa, wonkhe lotitfobako, uyawuphakanyiswa.”

Lukha 3:5

Tonkhe tigodzi atigcwaliswe, tintsatjana netintsaba tentiwe tihlangane; netindlela letingakacondzi ticondziswe, tindlela letimbi tentiwe tihambeke.

1 Samuweli 2:8

Uphakamisa labampofu elutfulini, akhuphule labeswele etindvundvumeni temlotsa, atebahlalisa nalabahloniphekile, abente badle lifa lesihlalo sebukhosi. Ngobe tinsika temhlaba taSimakadze, umhlaba uwakhele etikwato.