Isaya 40:31 - Siswati 1996 Bible

³¹ kodvwa labo labetsembele kuSimakadze batfola emandla lamasha. Bayawukhuphuka ngemaphiko njengetinsweti, bayawugijima bangadzinwa, bayawuhamba bangaphelelwa ngemandla.

Isaya 40:31 Referencias Cruzadas

Jobe 17:9

Noko, labangcwele batawubambelela etindleleni tabo, nalabo labatandla tabo tingenacala lalutfo batawuchubeka babe nemandla lamasha.

Tihlabelelo 103:5

Wenelisa kuphila kwami ngalokuhle, kuvuseleleke emandla ebusha bami, ngivuseleleke ngibe njengelusweti.

Tihlabelelo 123:2

Yebo, njengobe inceku yencike enkhosini yayo, nanjengobe umzanyana encike kumphatsi wakhe, natsi-ke sincike kuSimakadze, longuNkulunkulu wetfu, aze abe nesihawu kitsi.

Tihlabelelo 138:3

Ngatsi nangikhala kuwe, wangiva wangiphendvula, wanginika sibindzi ngekungicinisa.

Tihlabelelo 20:9

Yebo, Simakadze, sindzisa inkhosi, uyiphe kuncoba. Shangatsi Simakadze angasiphendvula, nasikhala kuye.

Tihlabelelo 25:21

Shangatsi bumsulwa nebucotfo bungangigcina, ngobe litsemba lami likuwe.

Tihlabelelo 25:3

Yebo, labo labetsembele kuwe kute namunye loyawuhlazeka; kepha bayawuhlazeka labo labakuhlubuka ngelite.

Tihlabelelo 25:5

Ngihambise ecinisweni lakho, ungifundzise, ngobe wena unguNkulunkulu wensindziso yami. Litsemba lami likuwe lonkhe lilanga.

Tihlabelelo 37:34

Tsemba Simakadze, ugcine indlela yakhe, yena uyawukuphakamisa udle lifa lemhlaba ubone kushabalaliswa kwalababi.

Tihlabelelo 40:1

Lusito lwaNkulunkulu ngalulindzela ngesineke, wavula indlebe yakhe, wakuva kuncusa kwami.

Tihlabelelo 84:7

Bayatfutfuka emandleni baye emandleni; Nkulunkulu wabonkulunkulu uyawubonakala eSiyoni.

Tihlabelelo 84:8

Hhawu, Simakadze, Nkulunkulu wemabandla, vani, ulalele umthandazo wami, beka indlebe yakho, Nkulunkulu waJakobe! Cabanga.

Tihlabelelo 92:1

Kuhle kubonga wena, Simakadze, nekuhlabelela egameni lakho, wena Losetikwako Konkhe,

Tihlabelelo 92:13

Labo-ke banjengetihlahla letihlanyelwe endlini yaSimakadze, bachuma etibuyeni taNkulunkulu wetfu.

Eksodusi 19:4

‘Nakubona kambe loko lengakwenta kumaGibhithe, nekutsi nganetfwala njani ngemaphiko elusweti nganiletsa kimi.

Taga 30:19

Yindlela yelusweti esibhakabhakeni, nendlela yenyoka edvwaleni, nendlela yemkhumbi elwandle, nendlela yelijaha entfombini.

Ingoma Yetingoma 8:5

Ngubani lona lochamuka ehlane eyeme kulamtsandzako? Ngakuvusa ngaphansi kwesihlahla semahhabhula; ngulapho-ke lapho unyoko akwemitsela khona, ngulapho-ke lona labephetfwe ngumhelo, akubelekela khona.

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Isaya 30:15

Naku lokushiwo yiNkhosi Simakadze, Longcwele waka-Israyeli, utsi: “Ekuphendvukeni nasekuphumuleni ngulapho kunensindziso yenu khona; ekuthuleni nasekwetsembeni ngulapho kunemandla enu khona; kodvwa ningeke nitsandze lutfo lwako.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Isaya 41:1

“Thulani embikwami, nine tichingi! Tive ativuselele emandla ato! Atiphumele ebaleni tikhulume, asihlangane kanyekanye endzaweni yekwehlulela.

Isaya 64:4

Kusukela kadzenidzeni kute lowase weva, kute nendlebe leyase yeva, kute liso lelase labona lomunye Nkulunkulu ngaphandle kwakho, lomelela labo labalindzele yena.

Isaya 8:17

Ngitawulindzela Simakadze lofihla buso bakhe kuyo indlu yakaJakobe. Ngiyawubeka litsemba lami kuye.

Jeremiya 48:15

Mowabi uyawubhujiswa, nemadolobha akhe ayawuvinjetelwa, emajaha akhona elikhetselo lamahle ayakwehliselwa ekuhlatjweni abulawe, kusho iNkhosi, lelibito layo kunguSimakadze longuSomandla.

Zakhariya 10:12

Baka-Israyeli ngiyawubacinisa kuSimakadze, nabo bayawuhamba kulo Libito lakhe,” kusho Simakadze.

Lukha 18:1

Jesu wase ubatjela lomfanekiso abafundzisa kutsi kufanele bathandaze sonkhe sikhatsi bangadzinwa.

KubaseRoma 8:25

Kodvwa nasetsemba loko lesingakuboni, sikulindzela ngekubeketela.

2 kubaseKorinthe 4:1

Nkulunkulu ngemusa wakhe wasiniketa lenkonzo; ngiko nje singadzinwa.

2 kubaseKorinthe 4:16

Ngako-ke asidzinwa; nome lingephandle letfu libhubha, kodvwa lingekhatsi lentiwa libe lisha imihla ngemihla.

KubaseGalathiya 6:9

Asingadzinwa kwenta lokuhle; ngobe nasingadzinwa, siyawuvuna ngesikhatsi lesifanele.

Dutheronomi 32:11

njengelusweti lolunyakatisa sidleke salo, lundizele etikwemazini alo, lwendlale timphiko talo, kuze luwabambe ngato, luwetfwale ngetingwabha talo.

Dutheronomi 33:25

Imicabo yemasango akho iyawuba ngeyensimbi neyelitfusi, nemandla akho alingane nemalanga akho.

1 kubaseThesalonika 1:10

Nonkhe nilindzele kuchamuka kweNdvodzana yakhe ezulwini, layivusa kulabafile. LeNdvodzana nguJesu losikhulula elulakeni lolutako.

KumaHebheru 12:1

Ngako-ke, njengobe situngeletwe sicumbi lesikhulu kangaka sabofakazi, asilahle konkhe lokusindzako, nesono lesigigelana njengelwanca. Asigijime ngekucinisela kulomncintiswano losembikwetfu,

KumaHebheru 12:3

Mkhumbuleni yena lowo lowacinisela, nome toni setimhlukumeta ngenca yenzondo. Nanimkhumbula-ke, ningeke nidzinwe nome nidzangale etinhlitiyweni tenu.

Joshuwa 14:11

Nalamuhla seloku emtimbeni ngitiva ngisacine njengobe nganginjalo mhlazana Mosi angitfuma. Namanje ngitiva ngicine kangangekutsi nemphi ngisengayiphuma njengobe ngangingenta nangaleso sikhatsi.

Sembulo 12:14

Kodvwa lomfati wanikwa timphiko letimbili telusweti lolukhulu, kuze atewundiza abalekele lenyoka aye ehlane endzaweni lapho kufanele ondliwe khona, kuze kube sikhatsi netikhatsi nencenye yesikhatsi.

Sembulo 2:3

Ngiyati kutsi uyabubeketelela bulukhuni, uhlupheke kakhulu ngenca yelibito lami; kodvwa awuzange sewudzinwe.

Sembulo 4:7

Sidalwa sekucala sasifanana nelibhubesi, sesibili sifanana nelitfole, sesitsatfu sifanana nebuso bemuntfu, sesine sifanana nelusweti lolundizako.

Tikhulu 16:28

Samsoni wathandaza kuSimakadze, watsi: “Awu, Somandla, Simakadze, ngikhumbule kube kanye. Nkulunkulu wami, ngicinise kwekugcina. Ngivumele ngihlasele kanye ngitiphindzisele kumaFilisti ngenca yemehlo ami lamabili.”