Isaya 40:28 - Siswati 1996 Bible

²⁸ Awati yini? Awukeva yini? Simakadze unguNkulunkulu waphakadze, uMdali wemikhawulo yemhlaba. Angeke adzinwe, futsi ngeke akhatsale, nekucondza kwakhe kute longakuphenyisisa.

Isaya 40:28 Referencias Cruzadas

Genesisi 21:33

Abrahama wahlanyela sihlahla selitamariske eBherisheba. Wadvumisa Simakadze, Nkulunkulu waphakadze.

Jobe 38:18

Ubucondza kahle yini bubanti bemhlaba? Ase ungitjele, nangabe uyakwati konkhe loku.

Tihlabelelo 138:8

Simakadze uyawusifeza kimi setsembiso sakhe; umusa waSimakadze ume kuze kube phakadze. Cedzela lomsebenti wakho lowawusungula, ungawukhohlwa umsebenti wetandla takho.

Tihlabelelo 139:6

Indlela longati ngayo iyangimangalisa, iphakeme, ngingeke ngifinyelele kuyo.

Tihlabelelo 145:3

Mkhulu Simakadze, ufanele kudvunyiswa kakhulu, bukhulu bakhe abuphenyisiseki.

Tihlabelelo 147:5

Mkhulu Simakadze wetfu, nemandla akhe makhulu, kuhlakanipha kwakhe akunakulinganiswa.

Tihlabelelo 90:2

Ngaphambi kwekudalwa kwetintsaba, yebo, ungakawudali nemhlaba, kusukela phakadze kuze kube phakadze, wena Nkulunkulu ukhona.

Isaya 37:26

“Awuzange uve yini? Ngakumisa kadzeni. Ngakuhlela ngemalanga asendvulo, manje sesikhatsi sekutsi kwenteke, kutsi ugucule emadolobha latinqaba, wawaphihlita aba tindvundvuma tematje.

Isaya 40:21

Anati yini? Anikeva yini? Anizange senitjelwe yini kona kwasekucaleni? Anizange nicondzisise yini kusukela umhlaba wasekelwa?

Isaya 42:4

ngeke angabate nome ajabhiswe, aze emise umtsetfocotfo wami emhlabeni. Tichingi tiyawubeka litsemba lato kulomtsetfo wakhe.”

Isaya 45:22

“Buyani kimi, nisindziswe, nonkhe nine mikhawulo yemhlaba; ngobe nginguNkulunkulu, futsi kute lomunye.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 59:1

Nembala, ingalo yaSimakadze ayiyimfisha kangako kutsi ingete yasindzisa, nendlebe yakhe ayisiso sihhulu kutsi ingete yeva.

Isaya 66:9

Simakadze utsi: “Ngiyasiletsa yini mine sikhatsi sekubeleka ngingabe ngisakufikisa kubeleka? Ngiyasivala yini sinye nase ngifikise ekubelekeni?” kusho Nkulunkulu wakho.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Jeremiya 32:17

“Awu, Nkhosi Simakadze, wena wenta emazulu nemhlaba ngemandla akho lamakhulu nangengalo yakho leyelulekile. Kute lokulukhuni kakhulu kuwe.

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Makho 16:14

Emvakwaloko Jesu watibonakalisa kubafundzi bakhe labebali-11, wabakhandza basadla. Wabasola ngekungakholwa kwabo nangebulukhuni betinhlitiyo tabo. Phela bebangabakholwa labo lababetsi bambonile kutsi sewuvukile.

Makho 9:19

Wabaphendvula watsi: “Awu, situkulwane lesingakholwa, kuyawudzimate kube ngunini nginani? Kuyawudzimate kube ngunini nginibeketelela? Mletseni la kimi!”

Lukha 24:25

Jesu wase utsi kubo: “Maye, nilibele, nekukholwa kwenu kubutsakatsaka ekwemukeleni loko lokwashiwo baphrofethi!

Johane 14:9

Jesu watsi kuye: “Senginesikhatsi lesidze nginani, kodvwa nanyalo awukangati, Filiphu? Lowo losabone mine, umbonile naBabe. Usho kanjani kutsi: ‘Sibonise uYihlo’?

Johane 5:17

Kodvwa Jesu wabaphendvula watsi: “Babe wami seloku usasebenta kuze kube manje; nami-ke ngenta njalo.”

Imisebenti yebaPhostoli 13:47

Lona ngumyalo lesawunikwa yiNkhosi lotsi: “ ‘Ngikutfumele kutsi ube kukhanya kubetive, ube yinsindziso emhlabeni wonkhe.’ ”

KubaseRoma 16:26

kodvwa nyalo seyembuliwe. Leyo mfihlakalo yabhalwa baphrofethi, yamenyetelwa kuto tonkhe tive ngekwemiyalo yaNkulunkulu waphakadze, kuze bonkhe batewukholwa balalele yena.

1 kubaseKorinthe 2:16

UmBhalo utsi: “Ngubani lowati umcondvo weNkhosi? Ngubani longayifundzisa?” Kodvwa tsine sinawo umcondvo waKhristu.

1 kubaseKorinthe 6:16

Anati yini kutsi lotihlanganisa nengwadla uba mtimba munye nayo? Ngobe kubhaliwe kutsi: “Labo bobabili sebayawuba nyamanye.”

1 kubaseKorinthe 6:19

Anati yini kutsi umtimba wenu ulithempeli laMoya Longcwele lohlala kini, lenamemukela kuNkulunkulu, nekutsi futsi anisibo benu? Nine nibaNkulunkulu,

1 kubaseKorinthe 6:9

Anati yini kutsi labangakalungi abayikulidla lifa lembuso waNkulunkulu? Ningayengeki: Tingwadla, nalabakhonta tithico, netiphingi, nalabadvuna labalalanako,

Dutheronomi 33:27

Nkulunkulu waphakadze siphephelo sakho, ngaphansi ngimikhono yaphakadze. Uyawucosha titsa takho embikwakho, akhulume atsi: ‘Tibhubhise!’

KubaseFiliphi 1:6

Nginelitsemba leliphelele kutsi lowo lowacala umsebenti lomuhle kini, uyakuwufeza kuze kube lilanga laKhristu Jesu.

1 kuThimothi 1:17

Kuyo iNkhosi yetikhatsi, lengabhubhi, nalengabonwa ngemehlo enyama, nalekungiyo yodvwa lenguNkulunkulu, akube ludvumo nebukhosi phakadze naphakadze. Amen.

KumaHebheru 9:14

inganihlambulula kakhulu kangakanani-ke ingati yaKhristu! Watinikela yena kuNkulunkulu ngaMoya waphakadze, watinikela ate sici. Ingati yakhe iyawuhlambulula nembeza wenu emisebentini lefile, kuze nikhonte Nkulunkulu lophilako.

1 Samuweli 2:10

Labo labamelene naSimakadze bayawuphihlika babe timvutfu. Uyawudvuma etikwabo asezulwini lakhe. Simakadze uyakwehlulela imikhawulo yonkhe yemhlaba. Inkhosi yakhe uyawuyinika emandla, aphakamise emandla alogcotjiwe wakhe.”