Isaya 40:20 - Siswati 1996 Bible

²⁰ Umuntfu lomphofu lowehluleka kunikela ngeminikelo lenjena, ukhetsa lukhuni lolungaboli kalula. Utifunela ingcweti yembumbi lohlakaniphile itemmisela sithico lesingeke siwe.

Isaya 40:20 Referencias Cruzadas

Isaya 41:7

Ingcweti kutekubata ikhutsata umbumbi wetegolide, nalowo lobetsela ngesandvo ushiyela kulowo locandvulako. Kulowo loshiselako utsi: “Kuhle.” Ubetsela sithico khona singetikuwa.

Isaya 44:12

Umfuli utsatsa lithulusi asebente ngalo emalahleni; abumbe sithico ngetandvo, akubetsele ngemandla akhe onkhe. Uyalamba, aphelelwe ngemandla; anganatsi ngisho emanti, bese uyoma aze acaleke.

Isaya 46:7

Basibeka emahlombe abo basetfwale, basibeke endzaweni yaso, bese siyema kuleyo ndzawo, asikwati nekutsi khushu. Nome umuntfu angamemeta kanjani kuso atikhalela, asikwati kumphendvula; singeke simsindzise umuntfu etinhluphekweni takhe.

Danyela 5:23

Esikhundleni saloko, sewutiphakamisile wamelana naNkulunkulu welizulu. Baletsa letindzebe tasethempelini lakhe kuwe, kwatsi wena netindvuna takho, nemakhosikati akho, nemaphovela akho nanatsa ngato liwayini. Nikhuleke nadvumisa bonkulunkulu besiliva nebegolide, nebelitfusi, nebensimbi, nebetigodvo kanye nebematje labangakwati kubona, nome kuva, nome kucondza. Kodvwa awukamdvumisi Nkulunkulu lophetse kuphila kwakho nato tonkhe tindlela takho esandleni sakhe.

Danyela 5:4

Batsi basanatsa liwayini, babe badvumisa bonkulunkulu begolide, nebesiliva, nebelitfusi, nebensimbi, nebetigodvo, nebematje.