Isaya 4:3 - Siswati 1996 Bible

³ Labo labashiyiwe eSiyoni, labasasele eJerusalema, bayawubitwa ngekutsi ngulabangcwele, bonkhe labo labayawube babhaliswe nalabaphila eJerusalema.

Isaya 4:3 Referencias Cruzadas

Tihlabelelo 69:28

Abesulwe encwadzini yekuphila, bangabhaliswa ndzawonye nalabalungile.

Tihlabelelo 87:6

Simakadze uyawutibhalisa tonkhe tive atsi: “Lesi satalelwa eSiyoni.” Cabanga.

Isaya 1:27

ISiyoni itawuhlengwa ngekwemtsetfocotfo, labatisolako bahlengwe ngekulunga.

Isaya 28:5

Ngalelo langa Simakadze longuSomandla uyawuba ngumchele webukhosi, umchele lomuhle wensali yesive sakhe.

Isaya 35:8

Kuyawuba khona umgwaco lomkhulu lapho, uyawubitwa ngekutsi Yindlela Yebungcwele. Labangcolile ngeke bahambe ngawo, uyakuba walabo labahamba ngawo lomgwaco, tilima letikhohlakele ngeke tihambahambe ngawo.

Isaya 46:3

“Lalelani kimi, awu ninendlu yakaJakobe, nonkhe nine lenisasele bendlu yaka-Israyeli, nine lesolo nganetfwala kwasesiswini, lenganetfwala kusukela ekutalweni kwenu.

Isaya 52:1

Vuka, vuka, wena Siyoni, yembatsa emandla. Yembatsa tingubo takho tebukhosi, wena Jerusalema, dolobha lelingcwele. Labangakasoki nalabangcolile bangeke baphindze bangene emasangweni akho.

Isaya 6:13

Nome ngabe kusekhona kwelishumi lokusasele kulo live, nako futsi kuyawulahlwa kungabi namsebenti. Kodvwa-ke njengobe umtherebinte nem-okhi kushiya tiphunti nakugawuliwe, kanjalo nenhlanyelo lengcwele iyawuba siphunti eveni.”

Isaya 60:21

Lapho-ke bonkhe bantfu bakho bayawuba ngulabalungile, bayawuba banikati belive kokuphela. Bangimiliba lengiyihlanyele, umsebenti wetandla tami, wekubonakalisa inkhatimulo yami.

Isaya 62:12

Bayawubitwa ngekutsi Sive Lesingcwele, Labahlengiwe baSimakadze. Wena uyawubitwa ngekutsi unguLofuniwe, Lidolobha Lelingakalahlwa.

Hezekeli 13:9

Sandla sami siyawumelana nebaphrofethi lababona imibono leyinkhohliso, baphengule lokungemanga. Bangeke babe belibandla lebantfu bami nome babhaliswe etincwadzini tebantfu bendlu yaka-Israyeli, futsi bangeke bangene eveni lema-Israyeli. Ngulapho-ke niyawungati khona kutsi mine ngiyiNkhosi Simakadze.

Hezekeli 43:12

“Lona ngumtsetfo welithempeli: Yonkhe lendzawo lelitungeletile esicongweni sentsaba iyakuba ngcwelengcwele. Unjalo-ke umtsetfo welithempeli.”

Joweli 3:17

“Niyawube seniyati-ke kutsi: Mine, Simakadze, Nkulunkulu wenu, ngihlala eSiyoni, intsaba yami lengcwele. IJerusalema iyawuba ngcwele, kute betive labayawuphindze bayihlasele.

Obadiya 1:17

“Kodvwa eNtsabeni iSiyoni kuyawuba nenkhululeko; kuyawuba yindzawo lengcwele. Umndeni wakaJakobe uyawulidla lelive lekulifa lawo.

Zakhariya 14:2

Ngiyakubutsela tonkhe tive eJerusalema kutekulwa nayo; lelidolobha liyawutfunjwa, tindlu tiphangwe, nebesifazane badlwengulwe. Incenye yebantfu balelidolobha iyawutfunjwa, kodvwa laba labanye bantfu labayawube basele bangeke basuswe kulelidolobha.

Malakhi 3:16

Nalabo-ke labesaba Nkulunkulu bakhulumisana bodvwana, Simakadze walalela weva. Incwadzi legocotwako yesikhumbuto yabhalwa embikwakhe macondzana nalabo labesaba Simakadze bahloniphe Libito lakhe.

Lukha 10:20

Ningajabuli ngobe imimoya lemibi initfobela; kodvwa jabulani kutsi emabito enu abhaliwe ezulwini.”

Imisebenti yebaPhostoli 13:48

Lapho betive beva loko, batfokota badvumisa livi leNkhosi; nalabo labebakhetselwe kuphila lokuphakadze bakholwa.

KubaseRoma 11:4

Kodvwa Nkulunkulu wamphendvula watsini? Watsi: “Ngitigcinele bantfu labati-7 000 labangakasikhonti sithico lesinguBhali.”

KubaseRoma 11:5

Nanyalo kulesikhatsi kunjalo, bakhona labasele ngekukhetfwa ngemusa.

Kubase-Efesu 1:4

Kwatsi nemhlaba ungakasekelwa, Nkulunkulu wasikhetsa ngaKhristu, kuze sibe ngcwele, singabi nasici emehlweni akhe. Njengobe asitsandza,

KubaseFiliphi 4:3

Yebo, ngiyakuncusa nawe, mhlobo wami locotfo, lengiboshelwe kanye naye, yelekelela labo bafati, ngobe babambisene nami eVangelini, kanye naKlemente naletinye tisebenti lengibambisene nato, emabito ato labhaliwe encwadzini yekuphila.

KubaseKholose 3:12

Ngako-ke njengebantfu labakhetsiwe baNkulunkulu, labangcwele nalabatsandzekako, yembatsani bubele benhlitiyo, nesisa, nekutitfoba, nebumnene, nekucinisela.

KumaHebheru 12:14

Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

Sembulo 13:8

Bonkhe labahlala emhlabeni bayawusikhonta, bokhe labo lekwatsi umhlaba ungakasekelwa emabito abo angete abhalwa encwadzini yekuphila yeliWundlu lelahlatjwa.

Sembulo 17:8

Lesilo losibonile sake saphila, kodvwa nyalo asisaphili; sesitawuphuma kulomgodzi longenamkhawulo siye ekubhujisweni. Bantfu labakhe emhlabeni labamabito abo langabhalwanga encwadzini yekuphila, seloku kwasekelwa umhlaba, bayawumangala, nababona lesilo, ngobe sasiphila, kodvwa nyalo asisaphili, noko siyawuphindze sivele.

Sembulo 20:15

Lowo libito lakhe lelalingakabhalwa encwadzini yekuphila, wajikwa echibini lelivutsa umlilo.

Sembulo 21:27

Kute lokungcolile lokuyawungena kulo, ngisho nalowenta lokubi nalonemacebo angeke angene kulo; kodvwa kuyawungena kuphela labo emabito abo labhaliwe encwadzini yekuphila yeliWundlu.

Sembulo 3:5

“ ‘Lowo loncobako uyakwembatsiswa tingubo letimhlophe, nelibito lakhe ngingeke ngilesule encwadzini yekuphila. Ngiyawumfakazela embikwaBabe nasembikwetingilosi takhe kutsi wami.