Isaya 39:4 - Siswati 1996 Bible

⁴ Lomphrofethi wabuta watsi: “Baboneni lapha esigodlweni sakho?” Hezekiya watsi: “Babone konkhe lapha esigodlweni sami. Kute nakunye lokusengcebeni yami lengingakabakhombisi kona.”

Isaya 39:4 Referencias Cruzadas

Jobe 31:33

Ngake ngasifihla yini sono sami, njengobe kuhlale kwenta emadvodza, ngake ngalifihla yini licala lami enhlitiyweni yami?

Taga 23:5

Bunjinga buyawunyamalala emehlweni akho ububuka; buyawushesha bundize njengelusweti.

Taga 28:13

Umuntfu lofihla tono takhe angeke aphumelele; kodvwa lotivumako atishiye uyawutfola umusa.

Isaya 39:3

Umphrofethi Isaya wase uya ku-Hezekiya, inkhosi, wambuta watsi: “Atsiteni lamadvodza, kona abebuyaphi?” Hezekiya waphendvula watsi: “Abephuma eveni lelikhashane kakhulu, eBhabhulona, ete kimi.”

Isaya 39:5

Isaya wase utsi kuHezekiya: “Vani livi laSimakadze longuSomandla.

Jeremiya 17:3

nasetintsabeni tesiganga. Bunjinga benu nayo yonkhe imicebo yenu ngiyakuyisaphata njengemphango, kanye netindzawo tenu letiphakeme, ngenca yetono kulo lonkhe live lenu.

Joshuwa 7:19

Joshuwa wakhuluma ku-Akhani, watsi: “Ndvodzana yami, nika Simakadze ludvumo, ukhulume liciniso kuNkulunkulu wema-Israyeli, uvume kuye. Ngitjele kutsi wenteni, ungafihli lutfo kimi.”

1 yaJohane 1:9

Kodvwa nasitivuma tono tetfu, Nkulunkulu wetsembekile, futsi ulungile, utasitsetselela tono tetfu abuye asihlambulule kuko konkhe kungalungi.