Isaya 38:19 - Siswati 1996 Bible

¹⁹ Ngulabaphilako, labaphilako bodvwa, labakudvumisako wena, njengaloku ngenta nje nami lamuhla. Bobabe batjela bantfwababo ngekwetsembeka kwakho.

Isaya 38:19 Referencias Cruzadas

Genesisi 18:19

Cha, ngeke, ngobe Abrahama ngimkhetsile kutsi ayale emadvodzana akhe netitukulwane takhe emvakwakhe, kutsi bagcine intsandvo yaSimakadze ngekwenta lokuhle nalokulungile. Khona-ke Simakadze uyawunika Abrahama loko lametsembisa kona.”

Tihlabelelo 118:17

Ngingeke ngife, kodvwa ngitawuphila, ngibalise ngemisebenti yaSimakadze.

Tihlabelelo 119:175

Ase ungiphe kuphila, khona ngitewukudvumisa; shangatsi nemiyalo yakho ingangisimisa.

Tihlabelelo 145:4

Titukulwane ngekwelamana kwato tiyawubikelana ngemisebenti yakho; tiyawumemetela ngemisebenti yakho yemandla.

Tihlabelelo 146:2

Simakadze ngiyawumdvumisa ngisaphila, ngihlabele kuNkulunkulu wami yonkhe imphilo yami.

Eksodusi 10:2

khona nitekwati kutjela bantfwabenu nebatukulu benu kutsi emaGibhithe ngake ngawenta tilima kanjani ngekwenta letibonakaliso tami emkhatsini wawo. Nonkhe niyawungati kutsi nginguSimakadze.”

Umshumayeli 9:10

Wonkhe umsebenti losetandleni takho wente ngemandla akho onkhe, ngobe ethuneni lapho uya khona, kute kusebenta, nekucabanga, nelwati kanye nekuhlakanipha.

Joweli 1:3

Loku kutjeleni bantfwabenu, nebantfwabenu bakutjele bantfwababo, nebantfwababo bakutjele situkulwane lesilandzelako,

Johane 9:4

Kufanele sisebente imisebenti yalowo longitfumile, kusesemini; buyeta busuku, lapho kuyawubate loyawuba nemandla ekusebenta.

Dutheronomi 11:19

Niyakuwafundzisa bantfwabenu nikhulume ngawo nanihleti emakhaya, nome nihamba endleleni, nome nilala, nome nivuka.

Dutheronomi 4:10

Khumbulani lilanga lenema ngalo embikwaSimakadze Nkulunkulu wenu ngesikhatsi akhuluma kimi eHorebe atsi: ‘Hlanganisa sonkhe sive sibutsane la embikwami. Ngifuna kutsi sive kahle emavi ami, khona sitewufundza kungihlonipha, yingci nasisaphila kulomhlaba sibuye sifundzise nebantfwabaso.’

Dutheronomi 4:9

Caphelani-ke nilindze kahle imiphefumulo yenu, ningaze nikhohlwe nguletintfo lenitibone ngemehlo enu nome nitiyekele tiphunyuke enhlitiyweni yenu yingci nanisaphila. Niyakutifundzisa bantfwabenu nebantfwana bebantfwabenu.

Dutheronomi 6:7

Niyakuyinamatsisela etingcondvweni tebantfwabenu, nikhulume ngayo nanihleti emakhaya, nome nihamba endleleni, nome nilala nome nivuka.