Isaya 37:4 - Siswati 1996 Bible

⁴ Kungenteka kube Simakadze Nkulunkulu wakho utaweva emavi endvuna lenkhulu, letfunywe ngumphatsi wayo, inkhosi yase-Asiriya, kutsi itewuhlazisa Nkulunkulu lophilako, nekutsi yena utayitsetsisela emavi Simakadze Nkulunkulu wakho lawevile. Ngako-ke thandazela lensali lesolomane isasele.’ ”

Isaya 37:4 Referencias Cruzadas

2 Samuweli 16:12

Mhlawumbe Simakadze uyawukubona kuhlupheka kwami, angivuze ngalokuhle kuletinhlamba lengititfola lamuhla nje.”

2 Emakhosi 17:18

Simakadze wase uyabatfukutselela baka-Israyeli, wabesusa ebukhoneni bakhe, kwasala kuphela sive sakaJuda;

2 Emakhosi 19:4

Kungenteka kube Simakadze Nkulunkulu wakho utaweva onkhe emavi endvuna lenkhulu yemphi, letfunywe ngumphatsi wayo, inkhosi yase-Asiriya, kutsi itewuhlazisa Nkulunkulu lophilako, nekutsi yena utayitsetsisela emavi Simakadze Nkulunkulu wakho lawevile. Ngako-ke thandazela lensali lesolomane isasele.’ ”

2 Tikhronike 28:19

Simakadze abesatfobise Juda ngenca ya-Ahazi, inkhosi yakaJuda, ngobe wakhutsata kwandza kwebubi kaJuda, wangete wetsembeka ngisho nakancane nje kuSimakadze.

2 Tikhronike 34:21

“Hambani niyekungibutela kuSimakadze, nibutele mine kanye nensali yaka-Israyeli neyakaJuda ngaloku lokubhalwe kulencwadzi leseyitfolakele. Yinkhulu kabi intfukutselo yaSimakadze layitfululele etikwetfu ngenca yekutsi bobabe abazange baligcine livi laSimakadze; abazange bakwente konkhe loku lokubhalwe kulencwadzi.”

Tihlabelelo 106:23

Ngako-ke watsi utababhubhisa, kepha Mosi, lokhetsiwe wakhe, wema emkhatsini, wabalamlela ngekubashweletela kuNkulunkulu, kutsi lulaka lwakhe lungababhubhisi.

Tihlabelelo 50:21

Loko ukwentile, kodvwa mine ngathula; wenta shangatsi mine ngifanana nawe. Kodvwa sengitakwekhuta, ngitawubeka licala emehlweni akho ubuka.

Isaya 1:8

INdvodzakati yaseSiyoni seyisele njengendlu yekukhosela esivinini, nanjengelichugwana ensimini yemajoti, yebo, njengelidolobha lelivinjetelwe.

Isaya 1:9

Kube Simakadze longuSomandla akasishiyelanga insali, ngabe sesifanana neSodoma, yebo, ngabe sesifanana neGomora.

Isaya 10:20

Ngalelo langa insali yaka-Israyeli, ngisho labo labasasele bendlu yakaJakobe, bangeke basetsembela kuye lowo lowabashaya balahleka phansi; kodvwa bayakwetsembela ngeliciniso kuSimakadze, Longcwele waka-Israyeli.

Isaya 10:22

Nome sive sakho, wena Israyeli, singaba sinyenti ngangesihlabatsi saselugwini lwelwandle, kuyawubuyela insali kuphela. Imbhubhiso ikhishwe, iphuphume ngekulunga.

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 36:13

Lendvuna lenkhulu yemphi yase iyasukuma yamemeta ngesiHebheru, yatsi: “Lalelani emavi enkhosi lenkhulu, inkhosi yase-Asiriya!

Isaya 36:18

“Ningavumi kutsi Hezekiya anedukise, nakatsi: ‘Simakadze utasikhulula.’ Ukhona yini nkulunkulu wanome ngusiphi sive lowake wakhulula live lakhe esandleni senkhosi yase-Asiriya?

Isaya 36:20

Ngumuphi kubo bonkhe labonkulunkulu balamave lowake wakhona kusindzisa live lakhe esandleni sami? Simakadze-ke yena angayisindzisa kanjani iJerusalema esandleni sami?”

Isaya 37:17

Vula indlebe yakho! Awu, Simakadze, vani; uvule emehlo akho, Simakadze, ubone; lalela onkhe emavi latfunyelwe nguSenaheribi ekwetfuka wena, Nkulunkulu lophilako.

Isaya 37:31

Insali yendlu yakaJuda iyawuphindza futsi ifake timphandze tayo phansi, ngetulu itsele titselo tayo.

Isaya 37:32

Ngobe eJerusalema kuyawuvela insali. ESiyoni kuyawuvela libutfo lalabasindze ekufeni. Kushisekela kwaSimakadze longuSomandla kuyawukuphelelisa loko.

Isaya 37:5

Tatsi letindvuna takaHezekiya natifika ku-Isaya,

Isaya 41:14

Ungesabi, wena mphetfu, Jakobe, awu, mntfwanyana, Israyeli, ngobe mine matfupha ngitakusita,” kusho Simakadze, uMhlengi wakho, Longcwele waka-Israyeli.

Isaya 46:3

“Lalelani kimi, awu ninendlu yakaJakobe, nonkhe nine lenisasele bendlu yaka-Israyeli, nine lesolo nganetfwala kwasesiswini, lenganetfwala kusukela ekutalweni kwenu.

Jeremiya 26:19

“Kungabe kambe Hezekiya, inkhosi yakaJuda, yena nome-ke lomunye nje wakaJuda wambulala yini? Hezekiya akazange yini esabe Simakadze wafuna sihawu saSimakadze? Akazange agucuke yini yena Simakadze kwekutsi angabe asasehlisa lesehlakalo labesasishito kubo? Tsine nje sesitakwehlisela sehlakalo lesibi etikwetfu!”

Jeremiya 42:2

bafika kuJeremiya, umphrofethi, batsi: “Sicela ulalele nasi sicelo setfu, bese uthandazela yonkhe lensali kuSimakadze longuNkulunkulu wakho. Njengobe ubona nje, nome sake saba banyenti, kodvwa nyalo sesisele simbalwa.

Danyela 2:18

Wabacela kutsi bancuse umusa kuNkulunkulu welizulu ngalemfihlakalo, kuze kutsi yena kanye nebangani bakhe bangete babulawa kanye nato tonkhe tati taseBhabhulona.

Joweli 2:17

Baphristi labakhonta embikwaSimakadze abakhale emkhatsini wemhubhe welithempeli nelilati. Yebo, abakhale batsi: “Awu, Simakadze, hawukela sive sakho, ungavumi kutsi lifa lakho lelingitsi libe yinhlekisa nentfo yekweyiswa tive. Asikho nesidzingo sekutsi letive tingaze titsi: ‘Uphi loNkulunkulu wabo?’ ”

Amose 5:15

Tondzani lokubi nitsandze lokulungile, etinkhundleni yehlulelani ngekungakhetsi. Mhlawumbe Simakadze Nkulunkulu longuSomandla angaba nesihawu kuyo insali yakaJosefa.

Amose 7:2

Satsi kube sikudle konkhe lokuluhlata eveni, ngakhala kakhulu ngatsi: “Nkhosi Simakadze, cola! Jakobe angasindza kanjani? Mncane kakhulu!”

KubaseRoma 9:27

Na-Isaya wamemeta nga-Israyeli atsi: “Nome bantfu baka-Israyeli bangaba banyenti babe ngangesihlabatsi saselwandle, noko kuyawuba yinsali yabo kuphela leyawusindziswa;

YaJakobe 5:16

Ngako-ke vumani tono tenu lomunye kulomunye, nithandazelane, kuze nitewuphiliswa. Kuncusa kwemuntfu lolungile kunemandla kakhulu.

Joshuwa 14:12

Manje nginike nali live letintsaba, Simakadze langetsembisa lona ngalelo langa. Nawe cobo lwakho wativela ngaleso sikhatsi kutsi ema-Anaki abekhona lapho nekutsi emadolobha awo abemakhulu futsi atinqaba, kodvwa, ngekusitwa nguSimakadze, ngitawadvungulula ngiwacoshe njengobe Simakadze asho.”

1 Samuweli 12:19

Bonkhe bantfu bakhuluma kuSamuweli, batsi: “Thandaza kuSimakadze Nkulunkulu wakho, uthandazele tinceku takho singete safa, ngobe sesengete kuto tonkhe letono tetfu lesinye sono ngekutsi siticelele inkhosi.”

1 Samuweli 12:23

Kodvwa mine akube khashane nami kutsi ngingona kuSimakadze ngekutsi ngingete nganikhulekela. Ngitanifundzisa indlela lenguyonayona nalelungile.

1 Samuweli 14:6

Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”

1 Samuweli 17:26

Davide wabuta lamadvodza labeme eceleni kwakhe, watsi: “Utakwentelwani umuntfu lotawubulala lomFilisti esuse lihlazo ka-Israyeli? Ungubani yena lomFilisti longakasoki nekusoka kutsi angabita insayeya emabutfo aNkulunkulu lophilako?”

1 Samuweli 17:36

Inceku yakho yabulala libhubesi nelibhele; nalomFilisti longakasoki utawufanana nato letilwane, ngobe uwabite insayeya emabutfo aNkulunkulu lophilako.

1 Samuweli 7:8

akhuluma kuSamuweli atsi: “Ungakhawuli, chubeka usikhalele kuSimakadze Nkulunkulu wetfu, khona atekusephula esandleni semaFilisti.”