Isaya 37:33 - Siswati 1996 Bible

³³ “Ngako-ke naku lokushiwo nguSimakadze macondzana nenkhosi yase-Asiriya: “Ngeke ingene kulelidolobha nome icibishele imicibisholo kulo. Ngeke ime embikwalo ngelihawu, futsi ngeke yente lutfo lwekulivimbetela.

Isaya 37:33 Referencias Cruzadas

Isaya 17:12

Awu, ngekuhlokoma kwetive letinyenti, tihlokoma njengekuhlokoma kwelwandle! Awu, kuhokoma kwemsindvo webetive, tihokoma njengekuhlokoma kwemanti lamanyenti!

Isaya 17:14

Kutsi kungahlwa, bahlanyele budlova! Kutsi kusa, babe bangasekho! Lesi sabelo salabo labaphanga tsine, likoyi lalabo labasiphangako.

Isaya 33:20

Buka iSiyoni, lidolobha lemadzili etfu; emehlo akho ayakuyibona iJerusalema, indzawo yekuhlala lenekuthula, nelithende lelingeke lisuswe; tikhonkhwane talo tingeke tisishulwe, kungeke kudzabuke ngisho nayinye yetindophi talo.

Jeremiya 32:24

“Buka-ke kutsi takhiwe njani tindvundvuma tekuvimbetela lelidolobha lize litfunjwe. Ngenca yenkemba, nendlala kanye nesifo lesibulalanako lelidolobha selitawunikelwa etandleni temaBhabhulona lalihlaselako. Loko lowakusho sekwentekile, njengobe ubona nje.

Jeremiya 6:6

Naku lokushiwo nguSimakadze longuSomandla, utsi: “Gawulani tihlahla, nibutsise tindvundvuma tekuvimbetela iJerusalema. Lelidolobha kufanele lijeziswe; ligcwele incindzetelo.

Hezekeli 21:22

Esandleni sayo sangesekudla kuyawuta inkatho yaseJerusalema, lapho itakwakha khona imigcala yekudzilita lubondza, iyale kutsi kugwazwe, kuhlatjwe umkhosi, nekutsi kwakhiwe imigcala yekudzilita macondzana nemasango, kwakhiwe lutsango netakhiwo tekuvimbetela.

Dutheronomi 20:20

Noko, tihlahla lenitatiko kutsi atitseli titselo letidliwako ningatigawula, bese nitisebentisa ekwakheni tintfo tekuvimbetela lelo dolobha lelilwa nani lize liwe.”